Tha Cinema - கனவுகளின் நீட்சி..

மயக்கம் என்ன - திரைவிமர்சனம்

2011-11-26T13:50:00.005+05:30

எனக்கு மிகவும் பிடித்தமான இயக்குனர் செல்வராகவனின் 'மயக்கம் என்ன' திரைப்படம் நேற்று வெளியாகியிருக்கிறது. ஆயிரத்தில் ஒருவனுக்கு பிறகு, விக்ரமை வைத்து துவக்கிய படத்தை கைவிட்டு, கமலோடு விஸ்வரூபத்தை துவங்கி கைவிட்டு, தனுஷ் - ஆண்டிரியாவை வைத்து இரண்டாம் உலகம் துவங்கி கைவிட்டு, பின் மிக குறுகிய காலத்தில் இயக்கி முடித்த படம் மயக்கம் என்ன. வழக்கம் போல் கிட்டத்தட்ட இரண்டு வருடங்கள் ஆகிவிட்டது. வருடத்திற்கு ஒரு படமாவது செல்வா தரலாம்.
.
சரி, திரைப்படத்திக்கு வருவோம். இத்திரைப்படம் typical செல்வராகவன் திரைப்படம். காதல் கொண்டேன், 7G, மயக்கம் என்ன மூன்றையும் Trilogy என்று சொல்லும் அளவிற்கு மயக்கம் என்ன வந்திருக்கிறது. இந்த திரைப்படத்திலும் திவ்யா, அனிதாவை போல் ஒரு யாமினி இருக்கிறாள். இந்த திரைப்படத்தை நான் எப்படி எடுத்துக்கொண்டேன் என்றால்,

நான் வெகு ஆழத்தில் கிடந்தேன். முதல் முறை நீங்கள் என்னை காப்பாற்றிட வந்தீர்கள். காப்பாற்றிட முடியவில்லை. நீங்கள் எனக்காக வந்தீர்களே என்கிற மகிழ்வில் பெருமிதத்தில் நான் மரித்து போனேன். இரண்டாம் முறை நீங்கள் என்னை காப்பாற்றிட வந்தீர்கள். என்னை கரை சேர்ப்பதற்குள் நீங்களே மரித்து போனீர்கள். மூன்றாம் முறையும் நீங்கள் எனக்காக வந்தீர்கள். இம்முறை என்னை முழுமையாய் காப்பாற்றி ரட்சித்தீர்கள். உங்களுக்கு உங்களது அன்புக்கு என்றென்றைக்குமான எனது நன்றிகள்.

ஆம். திவ்யாவாகவும் அனிதாவாகவும் வந்தவள், இம்முறை யாமினி என்கிற இரும்பு மனிஷியாக வந்து அவனை காப்பாற்றி ரட்சித்துவிட்டாள். இரும்பு மனிஷிகளின் கதை.
.
கார்த்திக், ஒரு professional photographer-ஆக துடிக்கிறவன். நல்ல திறமைகள் இருந்தும் இன்னும் ப்ரகாசிக்க முடியாமல் தவிக்கிறவன். நண்பர்களோடு நண்பர்களால் வாழ்கிறவன். இதற்கிடையில் நண்பனின் நண்பியாய் ஒருத்தி வருகிறாள். நட்பு, காதல், திறமை, தோல்வி, துரோகம், பிறழ்வு, இன்ன பிற. Typical செல்வராகவன் படம். ஆனால் செல்வாவிடம் சில மாற்றங்கள் வந்திருக்கின்றன. சில காட்சிகள் யூகிக்க கூடியதாகவும் கிளிஷேவாகவும் அமைந்திருக்கிறது. தவிர்த்திருக்கலாம்.
.
தனுஷ், செல்வாவின் நாயகன். நடிப்பில் அசத்துகிறார். நமது தமிழ் சினிமாவிலும் டெம்ப்ளேட் நடிகர்கள் மத்தியிலும் ஒரு நல்ல நடிகர் இருப்பதில் பெருமகிழ்ச்சி. தனுஷ், கையிற்றை பிடித்து இழுத்து வெளிச்சத்தை கட்டுபடுத்தி என்பதாக ஒரு காட்சி வரும். அந்தகாட்சியில் தனுஷ் அட்டகாசம். நாயகியாய் ரிச்சா. செல்வராகவனின் நாயகிகள் போலவே தைரியமான வலிமையான தீர்க்கமான கதாப்பாத்திரம். இரண்டாம் பாதியில் தனுஷோடு போட்டி போட்டிகிறார் நடிப்பில்.
.
ராம்ஜியின் ஒளிப்பதிவுக்காகவே இன்னொரு முறை படம் பார்க்கவேண்டும். GV பிரகாஷின் பின்னணிஇசை பல இடங்களில் அசத்தியிருக்கிறது. பாடல்கள் ஏற்கனவே ஹிட். படத்திலும் சிறப்பாகவே வந்திருக்கிறது.வழக்கமான செல்வராகவன் படம். செல்வராகன் படங்கள் பிடிக்கிறவர்களுக்கு இந்த படம் மிகவும் பிடிக்கும்.
.
மயக்கம் என்ன - இரும்பு மனுஷிகளின் கதை
.

மயக்கம் என்ன - ட்ரைலர்

26.11.2011

Midnight in Paris (2011) - கலை இலக்கிய ஃபேன்டஸி

2011-11-17T13:19:00.002+05:30

Director: Woody Allen
IMDB Rating : 8.0/10
Rotten Tomatoes : 93% Fresh
.
இயக்குனர் Woody Allen-இன் சமீபத்தியத் திரைப்படமிது. இலக்கியம் இசை ஓவியம் தத்துவம் காதல் சார்ந்த படங்கள் எடுப்பதில் இவருக்கு அலாதி ஆர்வமுண்டு . இத்திரைப்படமும் கலை சார்ந்த ஒரு ஃபேன்டஸி திரைப்படம்.
.

எல்லாருக்குமே ஒரு பொன்னான காலக்கட்டமென்று (Golden Age) ஒன்று இருக்கும், அதாவது இறந்த காலத்தில். தாங்கள் இளைஞனாக/இளைஞியாக அல்லது குழந்தைப்பருவத்தில் இருந்த காலம். 2010 இருப்பவர்களுக்கு 1980-இளையராஜா-ரஜினி-கமல் என்று. 1980 இல் இருந்தவர்களுக்கு 1960. ரஹ்மான்-இளையராஜா-எம்.எஸ்.வி. இப்படி போய்க்கொண்டேயிருக்குமல்லவா. அதேபோல் கலைஞர்களுக்கும் அப்படியொரு காலமிருக்கும். தங்கள் ஆதர்சங்கள் வாழ்ந்த காலம் அவர்களுக்கு பொன்னான காலமாக இருக்கலாம். ஒரு காலப்பயணத்தில் அவர்களை அந்த ஆதர்சங்கள் வாழ்ந்த காலத்திற்கு சென்று அங்கிருக்கும் அவர்களோடு பழக/உரையாட ஒரு வாய்ப்பு கிடைத்தால் எப்படியிருக்கும்? நமது அய்யனாரை, கோபியின் காலத்திற்கு அனுப்பி அவரோடு உரையாடச்செய்தால். நேசனை, பாரதி காலத்திற்கு அனுப்பி அவரோடு பழகச்செய்தால். சித்து - காயத்ரி இருவரையும் குறுந்தொகை தலைவன் - தலைவி சங்ககாலத்திற்கு பேக்கப் செய்து அனுப்பிவைத்தால். அதைத்தான் இத்திரைப்படம் முன்வைக்கிறது. :)
.
நாயகன் (Owen Wilson) ஒரு எழுத்தாளன். தனது வருங்கால மனைவி மற்றும் வருங்கால மனைவியின் பெற்றோரோடு, பாரிஸ் நகருக்கு செல்கிறான். வருங்கால மனைவி மற்றும் அவரது பெற்றோர், materialistic life எண்ணம் கொண்டவர்கள். இவன் படைப்பாளி. இவனுக்கு பாரிஸ் நகர் மீது கொள்ளைக்காதல். அதிலும் 1920-ன் பாரிஸ் நகர். பிரெஞ்சு வீதிகளின் காபி கடைகளிலும் பார்களிலும் இலக்கியம் கவிதையும் ஓவியமும் தத்துவமும் பரவிக்கிடந்த காலம். இவனுக்கு பிடித்தமான, கடந்த நூற்றாண்டின் முக்கியமான படைப்பாளிகள் வாழ்ந்த காலம், நாயகனின் பொற்காலம்.

ஒரு இரவு, தனித்துவிடப்பட்ட நிலையில், ஒரு 1920 மாடல் இவனுக்கு அருகில் வந்து, அதிலிருப்பவர்கள் இவனையழைக்கிறார்கள். இவன் அவர்களோடு செல்கிறான். அவர்களோடு அறிமுகம் செய்துக்கொள்ளும் போது இவனுக்கு அதிர்ச்சி. அடுத்தடுத்த இரவுகளில் இவன் சந்திக்கும் நபர்கள் F. Scott Fitzgerald, Zelda Fitzgerald, Ernest Hemingway, Cole Porter, Pablo Picasso, Gertrude Stein, Luis Buñuel, Salvador Dalí, Man Ray. அங்கு இவன் ஒரு அழகிய பெண்ணொருத்தியை சந்திக்கிறான். அவளுக்கு 1890-ன் பாரிஸ் மீது காதல். 1890-ல் இவர்கள் சந்திக்கிறவர்கள் Henri de Toulouse-Lautrec, Paul Gauguin, Edgar Degas. இப்படியே நீள்கிறது இந்த அழகான feel good fantansy romance.
.
தென்கொரிய திரைப்படமான Il Mare-ல் ஒரு தபால் பெட்டி காலப்பயண எந்திரமாக இருப்பதை போல், இத்திரைப்படத்தில் அந்த பழைய மாடல் கார் மற்றும் சாரட் வண்டி. பொதுவாகவே பாரிஸ் அழகான நகர். இத்திரைப்படத்தில் அது இன்னும் அழகாக காட்டப்படுகிறது. அழகான இசை, அக்காலத்திய படைப்பாளிகள், அவர்களின் குணாதியசங்கள். அங்கிருக்கும் ஓவியம் மாதிரியான பெண், ஒரு அழகான திரைப்படமிது. Feel-good-Fantansy-Romance. வெள்ளி அல்லது சனி மாலை/இரவில் பார்க்ககூடிய திரைப்படமிது.
.
Midnight in Paris (2011) - கலை இலக்கிய ஃபேன்டஸி
.

Midnight In Paris (2011) - Youtube Trailer

17.11.2011

The Adventures of Tintin (2011) - டின்டின் கதாப்பாத்திரங்களை உயிர்ப்பித்தல்

2011-11-12T20:37:00.004+05:30

Director: Steven Spielberg
IMDB Rating : 7.8/10
Rotten Tomatoes : 85% Fresh
.
டின்டின் காமிக்ஸை திரைப்படமாக்கும் உரிமையை வெகுகாலமாக தன்வசம் வைத்திருந்த இயக்குனர் ஸ்பீல்பெர்க் இப்போதுதான் படமாக எடுத்திருக்கிறார். முழுநீள திரைப்படமாக, லைவ் ஆக்சன் அனிமேஷன் திரைப்படமாக, நிறைய எண்ணங்களுக்கு பிறகு Motion-Performance-Capture-Animation படமாக எடுத்திருக்கிறார். இயக்குனரும் இப்படத்தின் executive தயாரிப்பாளருமான பீட்டர் ஜாக்சனின் பங்களிப்பு இதில் முக்கியமானது. நான் இதுவரை டின்டின் காமிக்ஸை வாசித்ததோ அல்லது டின்டின் கார்டூன் படங்களை பார்த்ததோ இல்லை. ஆனாலும் டின்டின் பற்றி நிறைய கேள்விப்பட்டிருக்கிறேன். இப்படம் மீது மிகுந்த எதிர்ப்பார்ப்பும் கொண்டிருந்தேன்.
.

இந்த வரிசையில் இது முதற்படம். இன்னும் இரண்டு படங்கள் வெளிவர வாய்ப்பிருக்கிறது. இப்படம் ஒரு புதையலை தேடும் கதை. படத்தின் முதல் காட்சிலேயே கதை சொல்லத்துவங்கிவிட்டார்கள். முதல் காட்சிலேயே டின்டின் ஒரு மாதிரி கப்பலை வாங்குகிறார். அதை கைப்பற்ற சிலர் முயல, அதன் ரகசியத்தை டின்டின் அறிய முயல, ஒரு புதையலை தேடும் படலம் உருவாகுகிறது. அதனால் வரும் அபாயங்கள், அதிலிருந்து தப்பிப்பது, விவேகமாக செயல்படுவது என்று படம் பட்டையைக் கிளப்புகிறது.
.
3D அனிமேஷன் (3D) படங்களின் வளர்ச்சி பிரமிக்கவைக்கிறது. அல்லது Motion-Performance-Capture டெக்னாலஜி அனிமேஷன் படங்களின் எல்லைகளை இன்னும் விரிவுபடுத்துகிறது. பல இடங்களில் வியப்படைய செய்தது திரைப்படம். அவ்வளவு நுணுக்கம். அவ்வளவு இயல்பு. டின்டின், அவரது நாய்க்குட்டி snowy, கேப்டன் ஹடாக், காவல்துறை அதிகாரிகள் தாம்ப்சன் - தாம்சன் அனைவரின் உருவாக்கமும் அனிமேஷன் உடல்மொழியும் மிகச்சிறப்பாக வந்திருக்கிறது.
.
படத்தின் கதை பெரியதாக ஒன்றுமில்லை. ஆனால் அந்த அட்வென்சர்களை மிகச்சிறப்பாக காட்சிப்படுத்தியிருக்கிறார்கள். இரண்டு மூன்று சேஸ்கள். மிகச்சிறப்பாய் வந்திருக்கிறது. காவல்துறை அதிகாரிகள் தாம்ப்சன் - தாம்சன் கதாப்பாத்திரங்களுக்கு உயிர்க்கொடுத்திருப்பது நடிகர்கள் Simon Pegg - Nick Frost. மிகசிறப்பான தேர்வு.
.
டின்டின், அவரது நாய்க்குட்டி snowy, கேப்டன் ஹடாக், காவல்துறை அதிகாரிகள் தாம்ப்சன் - தாம்சன் கதாப்பாத்திரங்களை திரையில் மிகச்சிறப்பாக உயிர்ப்பித்திருக்கிறார்கள். அதுவே இதன் முழுமுதற் சிறப்பு. படம் முழுவதுமான நகைச்சுவை தாராளமாய் சிரிக்கவைக்கிறது. ஹடாக்/ஸ்னோயி கதாப்பாத்திரங்கள் நகைச்சுவையில் பட்டையை கிளப்புகிறது. உண்மையில் நல்ல பொழுதுப்போக்கு திரைப்படம். திரையரங்குகளில் 3Dயில் (மட்டுமே) காணுங்கள். மிகவும் மகிழ்விக்கும்.
.
The Adventures of Tintin (2011) - Enjoy the ride of Adventure.
.

The Adventures of Tintin (2011) - TRAILER

12.11.2011

Once (2006) - நல்லிசையும் மென்காதலும்

2011-10-25T00:26:00.000+05:30

Director: John Carney
IMDB Rating : 8.0/10
Rotten Tomatoes : 97% Fresh
.
இது ஒரு ஐரிஷ் Independent திரைப்படம். இசையும் காதலும் நிரம்பியத் திரைப்படம். Musical Drama Romance. 130,000 யூரோவில் தயாரிக்கப்பட்ட இத்திரைப்படம் உலகமெங்கும் நல்ல விமர்சனங்களையும், நல்ல வசூலையும், சிறந்த பாடலுக்கான ஆஸ்கர் விருதையும், அந்த பாடலுக்காக கிராமி விருதின் பரிந்துரையும் பெற்றத் திரைப்படம்.
.

அயர்லாந்தின் தலைநகரான டப்ளின் நகரத்தில் வசிக்கும் இரண்டு எளிய மனிதர்களின் ஒரு வாரக் கதையிது. அவன், நடைபாதையில் கிட்டார் இசைப்பவன். சொந்தமாய் பாடல் எழுதி, பாடி, கிட்டார் இசைக்கும் இசைக் கலைஞன். சில வருடங்களுக்கு முன்பான காதலில் தோல்வியுற்றவன். அவள், செக் நாட்டிலிருந்து இங்கு வந்து, மலர்களை விற்பவள். பியானோ வாசிக்கத் தெரிந்த இசைக் கலைஞி. இவளுக்கும் ஒரு காதல் கதை இருக்கிறது. இவனின் இசை பிடித்துப்போய் அவனிடம் பேசத்துவங்க ஒரு நட்பு பிறக்கிறது. கடன் வாங்கி ஸ்டுடியோவில் இவன் தனது பாடல்களை பதிவு செய்கிறான். தனது தோழி மற்றும் சில நண்பர்களோடு உதவியோடு. இவர்களிருவரும் தங்கள் காதல் கதைகளையும் இசையயும் பகிர்ந்து கொள்கிறார்கள். இந்த ஒரு வாரக்கதைதான் இத்திரைப்படம்.
.
ஒரு புரிந்துணர்வுக்காக இதை சொல்கிறேன். இந்த திரைப்படம் மட்டும் இன்னும் கொஞ்சம் மெலோடிராமாவாக இருந்திருந்தால் இப்படம் இயக்குனர் கீஸ்லா(வ்)ஸ்கியின் திரைப்படம் என்றே நம்பியிருப்பேன். இசையாலும் உணர்வுகளாலும் நுண்ணுணர்வுகளாலும் காதலாலும் இழைக்கப்பட்டிருக்கும் படமிது. குறிப்பாக காதல்/காமம்-நட்பு/காதல் இரண்டிற்குமான மிக மெல்லிய இழை நுட்பமாய் செதுக்கப்பட்டிருக்கிறது.
.

படம் முழுக்க இசைதான் இருக்கிறது. இந்த படத்தின் அவன் - அவள் இருவருமே உண்மையாகவே இசைக் கலைஞர்கள். அவன் Glen Hansard. அவள் Markéta Irglová. இரண்டு இசைக்கலைஞர்களை நடிக்கவைத்திருக்கிறார் இயக்குனர். இந்த திரைப்படத்தின் இசையும் பாடல்களும் இவர்களிருவரின் படைப்புதான். இவர்கள் இணைந்து உருவாக்கிய பாடல்களுள் ஒன்றான Falling Slowly பாடலுக்கு சிறந்த பாடலுக்கான ஆஸ்கர் விருது கிடைத்தது. கிராமி விருதுக்கான பரிந்துரையிலும் இடம் பெற்றது.
.
பார்க்கிறத் திரைப்படங்களுள் 90% திரைப்படங்களை மீண்டும் பார்க்க விரும்புவதில்லை. இந்த திரைப்படம் அந்த வகையில் சேராது. இன்னும் இரண்டு முறையாவது பார்க்க விரும்புகிறேன். இந்த திரைப்படமும் இத்திரைப்படத்தின் இசையும் ஒரு நல்ல வெள்ளி அல்லது சனி மாலையை உள்ளார்ந்து மகிழ்விக்கக்கூடியது.
.
Once (2006) - நல்லிசையும் மென்காதலும்
.

ONCE (2006) - TRAILER

25.10.2011

Paul (2011) - ஏலியன் படங்களை பகடி செய்யும் திரைப்படம்

2011-10-24T00:41:00.002+05:30

Director: Greg Mottola
Writers: Nick Frost, Simon Pegg
IMDB Rating : 7.1/10
Rotten Tomatoes : 72% Fresh
.
சில மாதங்களாகவே இப்படத்தை பற்றி எழுத நினைத்துக்கொண்டேயிருந்தேன். உங்களுக்கு நடிகர்கள் Simon Pegg மற்றும் Nick Frost பிடிக்குமா? அதாவது இந்த இணையை? நீங்கள் இயக்குனர் Edgar Wright இயக்கத்தில் வந்த Shaun of the Dead மற்றும் Hot Fuzz படங்களை பார்த்திருந்தால் இவ்விரு நடிகர்களையும் மிகவும் பிடிக்கும். இவர்கள் இருவரின் chemistry செமையா இருக்கும். இவ்விருவரும் இணைந்து எழுதிய கதையிது. சில வருடங்கள் கழித்து இருவரும் சேர்ந்து நடித்து வந்திருக்கும் படமிது. என்பதனால் இத்திரைப்படத்தின் மீது மிகுந்த எதிர்பார்ப்பு கொண்டிருந்தேன்.
.

கிட்டத்தட்ட 2003-லிலேயே தயாராகியிருக்கவேண்டிய படமிது. இப்போதெல்லாம் வருடத்திற்கு நான்கு ஏலியன் படங்கள் வருகின்றன. Cowboys and Aliens என்றொரு திரைப்படம் இவ்வருடத்தில் வந்தது. நான் பார்த்ததிலேயே ஆகச்சிறந்த மொக்கை படமது. இந்த மாதிரி ஹாலிவுட், ஏலியன்களை வைத்து படமாய் எடுத்து தள்ளுகிறார்கள். இதையெல்லாம் கலாய்த்து தள்ளுகிறார்கள் இப்படத்தில்.
.

1945. ஒரு பறக்கும் தட்டு, வழக்கம் போல் அமெரிக்காவில் வந்து மோதுகிறது. 2011. இரண்டு காமிக் புத்தக எழுத்தாளர்கள் பிரிட்டனிலிருந்து அமெரிக்காவிற்கு ஒரு காமிக் விழாவிற்க்காய் வருகிறார்கள். அங்கிருந்து அப்படியே ஒரு Road Trip திட்டமிடுகிறார்கள். வழியில் ஒரு சிறுவிபத்து. ஒரு காரை கவிழ்த்துவிடுகிறார்கள். காருக்குள் எட்டிப்பார்க்கிறார்கள். அதிலிருப்பது ஒரு ஏலியன். கிட்டத்தட்ட ஐம்பது வருடங்களுக்கும் மேலாக அமெரிக்கா மறைத்துவைத்திருக்கிறது இந்த Paul என்று பெயரிடப்பட்ட வேற்றுகிரகவாசியை. கஞ்சா அடிக்கும், குடிக்கும், கெட்ட வார்த்தைகள் சரளமாய் பேசும், ஆங்கிலம் பேசும் Paul. தப்பிவிட்ட இந்த வேற்றுகிரகவாசியை கைப்பற்ற முயலும் அரசாங்கம். இந்த வேற்றுகிரகவாசியை காப்பாற்றி ஒரு குறிப்பிட்ட இடத்தில் கொண்டுசேர்க்க முயலும் இவ்விரு எழுத்தாளர்கள். அந்த இடத்திற்கு சென்று சேர்ந்துவிட்டால், அங்கிருந்து தன் சொந்த கிரகத்திற்கு சென்றுவிட திட்டம்.
.

இந்த Chasing தான் படம். Paul கதாப்பாத்திரம் மூலம் மொத்த ஹாலிவுட் மற்றும் ஏலியன் கதைகளை எவ்வளவு தூரம் பகடி செய்யமுடியுமோ அவ்வளவும் செய்திருக்கிறார்கள். புகழ்பெற்ற அனைத்து ஏலியன் படங்களை வெளுத்துவிட்டார்கள் என்றே நினைக்கிறேன். ஒரு நினைவுகூறும் காட்சியில் இயக்குனர் ஸ்பீல்பெர்க், ரகசியமாக அடைத்துவைக்கப்பட்டிருக்கும் Paul-க்கு தொலைபேசி, ET திரைப்படம் எடுக்கப்போவது பற்றியும் ஏலியன்களை பற்றியும் பேசி, Paul மூலமாகத்தான் அவரால் ET எடுக்கமுடிந்ததாக ஒரு காட்சி இருக்கிறது. இப்பயணத்தில் நடுவில் வந்து சேர்கிறாள் ஒரு பெண். தீவிர கிறித்துவ பெண். உலகம் கூட ஏழாவது நாளில் தேவனால் படைக்கப்பட்டதாய் நம்பும், பரிணாமத்தை மறுக்கும் தீவிர மதம் சார்ந்த பெண். அந்த பெண் கதாப்பாத்திரம் மூலம் தீவிர கிறித்துவத்தை அடி பின்னுகிறான் Paul. அந்த பெண்ணுக்கு பரிணாமத்தை புரியவைக்கிறான் Paul.
.
Paul கதாப்பாத்திரத்துக்கு குரல் கொடுத்திருப்பது நடிகர் Seth Rogen. இப்படத்திற்கு பின் இக்கதாப்பாத்திரத்தை உங்களுக்கு மிகவும் பிடித்து போகும். அசால்ட்டு.

இப்படத்தின் இயக்குனர் Greg Mottola. இவரின் Superbad, Adventureland படங்களை நீங்கள் பார்த்திருக்க வாய்ப்பு அதிகம். இந்த திரைப்படமும் எனக்கு பிடித்திருந்தது. குறிப்பாக படத்தின் ஒவ்வொரு கதாப்பாத்திரத்திடமும் கைமாறும் அந்த காமிக் புத்தகத்தை பார்த்ததும் வெளிப்படும் அந்த டயலாக். செம. படம் முழுதும் அந்த புத்தகம் நகர்ந்து கொண்டேயிருந்தது.
.
Paul (2011) - Road Trip with an Alien. And its quite fun.
.

Paul (2011) - TRAILER

ட்ரைலரை பாருங்க. நிச்சயம் படம் பார்ப்பீங்க.. I bet :)

24.10.2011

Slacker (1991) - தொடர்பற்ற பல காட்சிகளினாலான சினிமா

2011-10-17T03:29:00.002+05:30

Director : Richard Linklater
IMDB Rating : 7.0/10
Rotten Tomatoes : 84% Fresh
.
இயக்குனர் Richard Linklater பற்றி நீங்கள் அறிந்திருக்கக்கூடும். அல்லது அவரை அறியாமல் கூட அவரின் சில படங்களை நீங்கள் பார்த்திருக்கூடும். Before Sunrise, Before Sunset, School of Rock, Dazed and Confused, Waking Life ஏதாவது ஒரு படத்தை நீங்கள் பார்த்திருக்கக்கூடும். இவரின் இரண்டாவது படமிது. அல்லது கிட்டத்தட்ட இவரின் முதல் படமிது. 23000 டாலர்களில் எடுக்கப்பட்ட Independent படமிது.
.

இந்தத் திரைப்படத்தில் அப்படி என்ன சிறப்பு. இந்தப் படத்தில் கதையே கிடையாது. இதிலென்ன அதிசயம். நம்மூரில் கதையேயில்லாமல் எவ்வளவோ படம் வருகிறது. இதில் வியக்க என்ன இருக்கிறது என்று நீங்கள் கேட்கலாம். சர்வ நிச்சயமாய் இப்படத்தில் கதையே கிடையாது. கொஞ்சம் புரிகிற மாதிரி சொல்ல வேண்டுமானால், ஆட்கள் அதிகமில்லா சாலையில், நீங்கள் ஒரு கேமராவோடு நிற்கிறீர்கள். அப்போது இரண்டு பேர் நடைசாலையில் எதையோ பேசிக்கொண்டே வருகிறார்கள். இப்போது நீங்கள் கேமெராவோடு அவர்கள் பின்தொடர்ந்து பதிவு செய்கிறீர்கள். அப்போது அந்த நடைசாலையில் நான்கு நண்பர்கள் பேசிக்கொண்டிருக்கிறார்கள். நீங்கள் கொஞ்சநேரம் அங்கு நின்று அதை பதிவு செய்கிறீர்கள். அவர்களில் ஒருவர் விடைபெற்று அவர் வீட்டுக்கு செல்கிறார். நீங்களும் அவர் வீட்டிற்குள் நுழைந்து அங்கு கொஞ்ச நேரம் பதிவு செய்கிறீர்கள். இப்படியே சாலை, பூங்கா, வீடு, கடை, பேருந்து நிறுத்தம், ரயில்வே ஸ்டேஷன், பார், கிளப் என ஒரு நாள் முழுக்க நீங்கள் விதவிதமான மனிதர்களை பதிவு செய்கிறீர்கள். பின் எடிட் செய்து ஒன்றரை மணி நேர படமாக்கி வெளியிட்டால் அதுதான் Slacker.
.
குவென்டினின் Reservoir Dogs படத்தின் டிப் பற்றி பேசும் காட்சியை நினைத்துக்கொள்ளுங்கள். அதே மாதிரி இந்த படத்தில் வருபவர்களும் எதைஎதையோ பேசிக்கொண்டேயிருக்கிறார்கள். காரணம் நீங்கள் யார்யாரையோ அவர்கள் யாரிடமோ எதையோ பேசிக்கொண்டிருக்கும்போது இடையில் சென்று நீங்கள் பதியத்துவங்குகிறீர்கள். அதனால் அப்படித்தானிருக்கும். ஆனால் திரைப்படம் மிக சுவாரஸ்யம். ஒரு திரைப்படம், திரைக்கதை இப்படிதானிருக்கவேண்டும் என்பதையெல்லாம் பற்றி கொஞ்சமும் கவலைகொள்ளாது வெறும் சில பல காட்சிகளினால் மட்டுமே திரைப்படத்தை உருவாக்கியிருக்கிறார் இயக்குனர். இப்படத்தில் வரும் கதாப்பாத்திரங்களுக்கு பெயர் கிடையாது. படத்தின் இறுதியில் நடிகர்களின் கதாப்பாத்திரங்களின் பெயர்கள் - நடிகர்களின் பெயர்கள் வருமிடத்தை கவனிக்கவும். அல்லது இப்போதே கூட IMDB-யில் சென்று பார்க்கலாம்.
.
இப்பத்தில் வரும் நிறைய கதாப்பாத்திரங்கள் ஒவ்வொருவிதமான அரசியல் சார்போடு இருக்கிறார்கள். ஒவ்வொருவிதமான உரையாடல்கள் இருக்கின்றன. ஒருவர் அறிவியலை பேசுகிறார். ஒருவர் கனவுகளைப் பற்றி பேசுகிறார். ஒருவர் டால்ஸ்டாய் பற்றி பேசுகிறார். ஒருவர் மக்களிடமிருந்து அரசாங்கம் மறைக்கும் Conspiracy விஷயங்களை பேசுகிறார். ஒரு சுவாரஸ்யமான Cult திரைப்படமிது. இப்படத்தில் மற்றொரு மிக சுவாரஸ்யமான இன்னொரு விஷயம், இப்படம் மிகவும் துணுக்குற வேண்டிய விஷயத்தை மிகவும் சாதரணமாக பேசிப்போகிறது. ஒரு கார் விபத்தை மக்கள் சாதாரணமாய் கடந்து போகிறார்கள். ஒருவர் துப்பாக்கியால் மக்களை நோக்கி சடசடவென சுட்டதை ஒரு கதாப்பாத்திரம் சுவாரஸ்யமாய் பேசுகிறது.
.
இந்தப்படத்தை பற்றி நிறையவே பேசலாம். ஆனால் அதைவிட பார்த்தல் சிறப்பு. எனவே பாருங்கள்.

.
Slacker (1991) - தொடர்பற்ற பல காட்சிகளினாலான சினிமா.
.

SLACKER TRAILER

17.10.2011

செல்வராகவனின் மயக்கம் என்ன ட்ரைலர்

2011-09-24T15:59:00.003+05:30

காதல் கொண்டேன், 7G ரெயின்போ காலனி, மயக்கம் என்ன - இம்மூன்றும் செல்வாவின் Love Trilogy எனலாம்.

காதல் கொண்டேன் - பச்சை அல்லது இளமஞ்சள் நிறம்; 7G ரெயின்போ காலனி - ஆரஞ்ச் அல்லது சிவப்பு நிறம்; மயக்கம் என்ன - நீலம் அல்லது கருநீல நிறம். Its a Color Trilogy.

கீஸ்லா(வ்)ஸ்கியின் Color Trilogy மாதிரி :)

மங்காத்தா - திரைவிமர்சனம்

2011-08-31T10:23:00.007+05:30

தல அஜித்தின் ஐம்பதாவது திரைப்படம். மிகுந்த எதிர்பார்ப்புகளுக்கிடையே வெளியாகியிருக்கிறது. கூடவே குறித்த நேரத்தில் வெளியாகுமா, எந்த பேனரில் வெளியாகும் மாதிரி அரசல்/புரசல்.
படம் எதிர்பார்ப்புகளை பூர்த்தி செய்திருக்கிறதா என்றால், ஒரு மாஸ் ஹீரோவின் ஐம்பதாவது/நூறாவது திரைப்படம் எப்படியிருக்கவேண்டுமோ அப்படி கச்சிதமாய் அமைந்து எதிர்பார்ப்புகளை பூர்த்தி செய்திருக்கிறது என்றே சொல்லவேண்டும்.
.

20-20 பைனல்ஸ் ஒட்டி, வெளிவரப்போகும் ஐநூறு கோடி ரூபாய் பணத்தை ஒரு குழு (வைபவ், பிரேம்ஜி மற்றும் இரண்டு பேர்) கொள்ளையடிக்க திட்டமிடுகிறது. நாடெங்கிளுமான கிரிக்கெட் சூதாட்டங்களை கட்டுப்படுத்த ஒரு தனிப்பிரிவு மத்திய அரசால் நியமிக்கப்படுகிறது. அதன் முதன்மை அதிகாரி அர்ஜுன். இந்த நேரத்தில் கொள்ளையடிக்கும் குழுவில் அஜித் வந்து சேர்ந்து, ஒரு திட்டம் மூலம் ஐநூறு கோடி ரூபாய் பணத்தை கொள்ளையடிக்கிறார்கள். இதன் பின் கொள்ளையடித்த குழுவில் இருப்பவர்களின் பேராசை, அர்ஜுனின் துரத்தல்கள், கடைசியில் பணம் என்னவானது என்பது திரைப்படம்.
.
அஜித்தின் இதுவரையிலான கதாப்பாத்திரங்களை விட வேறுபட்ட கதாப்பாத்திரம் இது. வெள்ளை முடி தலை, திரிஷாவின் அப்பா வயதை கேட்கும்போது, "இந்த மே வந்தால் நாற்பது" என்கிற பதில், ரொம்ப பேராசைக்காரன்/கெட்டவன் கதாப்பாத்திரம் அஜித்தினுடையது. கொள்ளையடிப்பது சார்ந்து ஹாலிவுட்டில் நிறைய திரைப்படங்கள் ஏற்கனவே வெளியாகியிருக்கிறது. எனவே தமிழில் படம் அப்படியொரு படம் செய்வது கடினமல்ல. நிறைய ரெபரென்ஸ் இருக்கு. ஆனால் இந்த விளையாட்டை அஜித் அட்டகாசமாக மாற்றுகிறார். அஜித்தின் கதாப்பாத்திரம் இரண்டாம் பாதியில் show stealer. அப்படியே தூக்கி நிறுத்துகிறார்.

.
யுவனின் இசையில் மங்காத்தா தீம் இசை செம. ஆனால் வெங்கட் பிரபு - யுவன் கூட்டணியின் வழக்கமான அந்த பாடல்கள், மங்காத்தாவில் இல்லை.வெங்கட் பிரபு அஜீத்துக்காக படம் செய்திருக்கிறார் என்று புரிகிறது.
.
நிறைய தோல்விகள் தந்தாலும் அஜித்தின் ஒப்பனிங் எப்போதும் போல செம. வீட்டு பக்கம் இருக்கும் ஒரு காம்ப்ளெக்ஸ் தியேட்டரின் இன்றைய இருபத்தியெட்டு ஷோக்களும் ஹவுஸ்புல், புக்கிங் தொடங்கிய சில மணிகளில். காலை ஐந்து மணிக்கு அப்படியொரு கூட்டம் அப்படியொரு ஆரவாரம். அஜித்தின் ஒப்பனிங் காட்சிகளில் அப்படியொரு ஆர்ப்பாட்டம். அதே மாதிரி அஜித் ரசிகர்களுக்கான காட்சிகள் நிறைய. அதுவும் படம் முடிந்தபின் பெயர்கள் ஓடும் போது வரும் காட்சிகளை தவறவிட்டுவிடாதீர்கள். அஜித்தின் ஆட்டம் செம அட்டகாசம்.
.
படத்தின் குறைகள் இருக்கு. கொஞ்சம் நீளமான முதல் பாதி, லாஜிக், ஆங்காங்கே வரும் தொய்வுகள். ஆனாலும் படம் எண்டடெயினர். சாதாரண ரசிகர்களுக்கு எண்டடெயினர். அஜித் ரசிகர்களுக்கு கொண்டாட்டாமான தல தீபாவளி.
.
மங்காத்தா - மங்கத்தா டா

31.08.2011

முனி 2 : காஞ்சனா - திரைவிமர்சனம்

2011-07-23T16:26:00.003+05:30

கிட்டத்தட்ட ஒரு மாதங்களுக்கும் மேலாய் இணைய இணைப்பு இல்லாமல் போனதில், இந்த பக்கமே வரமுடியவில்லை. Now, Am back :)
.
முனி முதல் பாகம் நீங்கள் பார்த்திருக்கக்கூடும். அதன் தொடர்ச்சியாக அதே மாதிரி, ராகவா லாரன்ஸ் இயக்கத்தில் வந்திருக்கும் மற்றொரு படமிது. உச்சாப் போக கூட தன் அம்மாவை துணைக்குக் கூப்பிடும் பேய் பயம் மிக்க லாரன்ஸ். வீட்டிற்க்குள் வந்து விடும் ஒரு பேய். பேயின் பிளாஷ்பேக். அதன் தீர்க்கவேண்டிய வஞ்சம். லாரன்ஸின் உடம்பில் புகுந்து வஞ்சத்தை தீர்த்துக்கொள்ளும் பேய். அதே முனி கதைதான். இம்முறை வேறொரு பேய்(கள்). வேறொரு பிளாஷ்பேக். அவ்ளோதான் வித்தியாசம்.
.

நாயகனின் அறிமுகம், சண்டை, குத்துப்பாடல், அவரின் குடும்பம், பேய் பயம், நாயகி, பின்பு பேய் உள்ளே வர, கலாட்டாக்கள். அதுவும் அது என்னவென்றே தெரியாத போது, அதை ஆணாத்திக்கத்தனமாய் லாரன்சும், அவரின் அண்ணன் ஸ்ரீமானும் சமாளிக்காமல், அவ்வீட்டின் பெண்களான நாயகனின் அம்மா கோவை சரளாவும், அண்ணி பிரியதர்ஷினியும், இவர்களிடத்து எதையும் சொல்லாமல் தனியாய் சமாளிக்கிறார்கள். லாரன்ஸின் உதவும் மனப்பான்மையை கொண்டே கதை செய்திருக்கிறார். ஊனமுற்றோர், திருநங்கை இவர்களிடத்து அன்பும் அரவணைப்பும் கொள்ளவேண்டுமேன்பதையே கதையாக்கி இருக்கிறார். லாரன்ஸின் நல்ல மனதிற்கும், சமூக எண்ணங்களுக்காகவும் நன்றி மற்றும் வாழ்த்துக்கள்.
.
இப்படம் ஒரு சாதாரண தமிழ்ப்படம்தான். ஹீரோ இன்ட்ரோ, ஒப்பனிங் ஃபைட், ஒப்பனிங் சாங், நாயகி, நாயகியோடு டூயட் மற்றும் குத்துப் பாடல் இவை எல்லாம் அடங்கிய ஒரு பேய் படம் :). நமது தமிழ் சினிமாவை பொறுத்தவரை பேய் படங்களுக்கென்று ஒரு தனி மவுசு இருக்கிறது. பேய் படங்களின் பகீர் நொடிகளை மக்கள் பெரிதும் விரும்புகிறார்கள். ஆனால் யாரும் அதை சரியாக பயன்படுத்திக் கொள்ளாமல் இருக்கிறார்கள் என்பதை இப்படம் நன்றாகவே உணர்த்தியது. இப்படத்தின் இடைவேளை காட்சியில், எனக்கு பின்னால் அமர்ந்திருந்த பெண்கள் ரொம்பவே பயந்துவிட்டார்கள், But they enjoyed that thrilling moment. வருடத்திற்கு ஐந்து அல்லது பத்து நல்ல பேய் படங்கள் வந்தால் நன்றாக இருக்கும். ஈரம் திரைப்படம் மாதிரி ரொம்பவே நேர்த்தியான ஸ்டைலிஷான படமில்லை இது. ஒரு சாதாரண படம்தான் இது. ஆனால் இப்படமும் சில பகீர் நொடிகளை வைத்திருக்கிறது. (நிறைய ஆங்கில/கொரியன் பேய் படங்களை பார்த்திருக்கிறவர்களுக்கு ரொம்ப பகீர் என்றெல்லாம் இருக்காது.) பேய் கலாட்டாக்களை வைத்திருக்கிறது.
.
முனி மாதிரியே இப்படத்திலும் பேய் கதாப்பாத்திரத்தில் ஒரு சிறப்பு நடிகர் நடித்திருக்கிறார். அவரின் நடிப்புக்கும் வாழ்த்துக்கள். கோவை சரளா, பிரியதர்ஷினி, ஸ்ரீமான் நடிப்பும் அசத்தல். இம்மூவருக்கும் ஒவ்வொரு குணம். பேயை பார்த்த மறு நொடி, காலை ஐந்து மணி விமானம் பிடித்து பெங்களூரு செல்லும் ஸ்ரீமான், எப்போதுமே பதுங்கியபடியே இருப்பதற்கெல்லாம், நிறைய கமெண்ட்ஸ் அடித்துக்கொண்டு பார்த்துக்கொண்டிருந்தோம். கோவை சரளாவும் பிரியதர்ஷினியும் எல்லாவற்றையும் சமாளிப்பதற்குள் ஐயோ பாவம்.
.
ஆரம்ப நாயக கலாட்டாக்களுக்குப் பின் வரும் இடைவேளை வரையிலான முதல் பாதி நன்றாக இருக்கு. இரண்டாம் பாதி பிளாஷ்பேக் தவிர்த்து, பழிவாங்கும் படலம் எல்லாம், ரொம்பபபபபபபப் பழசு. முடியல. அதுவும் கிளைமாக்ஸ் ராமநாராயணன் படம். இந்து மதத்தில் துர்க்கை, அம்மன் போன்ற சாமிகள் எல்லாம் இல்லையென்றால், தமிழ் சினிமா பேய் படங்களுக்கு கிளைமாக்சே இருக்காது. :) அதுவும் இந்த பேய்கள் எல்லாம் கிராபிக்ஸ், ஸ்பெஷல் எபெக்ட்ஸ், சவுண்ட் எபெக்ட்ஸ் விரும்பும் பேய்கள் போல. மேலும் படத்தில அநியாயத்துக்கு சத்தம் அதிகம். காதுகள் செவிடாகிடும் போல. இல்லை தியேட்டரில் அதிக சத்தம் வைத்துவிட்டார்களா என்றும் தெரியவில்லை.
.
முன்னரே சொன்னமாதிரி ஒரு சராசரி தமிழ் பேய் படம். ஒரு சாதாரண சராசரி படத்தில குறைகள் எல்லாம் சொல்ல விரும்பல. குறிப்பா வீட்டில் எல்லாரும் பேசிக்கொள்ளும் மொழி. ஆனால் நமது இளைய தளபதி விஜய் நடித்திருந்தால், விஜயும் பேயும் நடன இயக்குனரும் ஒரு பாடலுக்கு முட்டியை மடக்கி மடக்கி ஒரு குத்தாட்டம் போட்டிருப்பார்கள். அந்த அளவுக்கு விபரீதம் நடக்கவில்லை. வீட்டில சும்மா இருந்தால் ஒரு எட்டு போய் இந்த முனி 2: காஞ்சனாவை பாருங்கள். ஆனால் காதில் கொஞ்சம் பஞ்சோடு செல்லுங்கள். :) முனி 3 வருமென்று கடைசியில் சொல்கிறார்கள்.
.
முனி 2 : காஞ்சனா - சில பகீர் நொடிகளை கொண்ட, ஒரு சிரிப்பு பேய் படம்.
.

23.07.2011

X-Men: First Class (2011) - X-Men திரைப்படங்களுள் உச்சம்

2011-06-12T00:57:00.002+05:30

Director : Matthew Vaughn
IMDB Rating : 8.2/10
Rotten Tomatoes : 87% Fresh
.
இந்த 2011 வருடத்தின் மிகுந்த எதிர்பார்ப்புக்குரிய திரைப்படங்களுள் ஒன்றான X-Men : First Class கடந்தவாரமே வெளியாகிவிட்ட நிலையில் இந்த வாரம்தான் இந்தியாவில் வெளியாகியிருக்கிறது. அதிலும் Kick Ass (2010) திரைப்படத்தை இயக்கிய இயக்குனர் Matthew Vaughn இயக்கத்தில் இப்படம் வருவதாய் தெரிந்தவுடன் எனது எதிர்பார்ப்பு இரண்டு மடங்கனாது. ஆனால் X-Men நாயகர்களை நவீன வடிவத்தில் சித்தரிப்பார் (தனது கடந்த படமான Kick Ass (2010) மாதிரி, Nolan-ன் Batman மாதிரி மற்றும் Zack Zynder-ன் Watchmen (2009) மாதிரி) என்று நினைத்திருந்தேன், ட்ரைலர்கள் பார்த்தபோதே அப்படியில்லை என்பது தெரிந்துவிட்டது. ஆனால் அந்த இருமடங்கு எதிர்ப்பார்ப்பையும் அனாசயமாக பூர்த்தி செய்திருக்கிறது இத்திரைப்படம். படம் பட்டாசு.
.

எனக்கு X-Men திரைப்படங்களின் Mutation Concept மிகவும் பிடிக்கும். மட்டுமல்லாது இப்போதுமே கைவிரல்களை மடக்கி, வோல்வோரின் போல அலுமான்டியம் கத்திகள் விரலிடிக்கில் வருவதாய் கற்பனை செய்வது, ஒரு பழக்கமாகவே இருக்கிறது எனக்கு. X-Men வரிசை திரைப்படங்களுள் இது ஐந்தாவது படம். ஆனால் இது அவற்றின் sequel அல்ல prequel. அதிலும் குறிப்பாக Prof.X மற்றும் Magneto வின் ஆரம்ப கால வாழ்க்கையை விவரிக்கிறது இத்திரைப்படம்.
.
போலந்தில் நாஜிக்களின் பிடியில் தன் குடும்பத்தை தொலைக்கும், காந்த சக்தியிருக்கும் சிறுவன், Erik (பின்னாளில் Magneto). மற்றவர்கள் மனதை படிக்கும் கட்டுபடுத்தும் சக்தியிருக்கும் Charles Xavier (பின்னாளில் Prof.X) எனும் சிறுவனின் வீட்டில் வந்து அடைக்கலமாகும் உருமாறும் Raven எனும் சிறுமி (பின்னாளில் Mystique). இப்படியாக சிறுவர்/சிறுமியறாய் இருக்கும் காலத்தில் படம் துவங்குகிறது. அவர்கள் தங்களது சக்தியை எவ்வாறு புரிந்து கொண்டார்கள், எப்படி பயன்படுத்தினார்கள், எவ்வாறு ஒன்று சேர்ந்தார்கள், Charles Xavier(Prof.X)-ம் Erik(Magneto)-ம் எவ்வாறு நண்பர்கள் ஆனார்கள் பின் எவ்வாறு எதிரிகளானார்கள் என்பதையெல்லாம் விறுவிறுப்பாக சொல்கிறது இத்திரைப்படம்.
.
Erik (Magneto) தாயை கொன்றவன்தான் படத்தின் வில்லன் (ஷா). அறுபதுகளில் அமெரிக்காவிற்கும் சோவியத் ரஷ்யாவிற்கும் இடையிலான பனிப்போரை கிளறிவிட்டு மூன்றாம் உலகப்போரை துவக்கி உலகத்தின் சாதாரண மக்களை கொன்றுவிட்டு, Mutant-களின் புது உலகம் படைக்கும் திட்டம் அவனுடையது. (ஹாலிவுட்டில் விறுவிறுப்பான கதையொன்றை தயார் செய்ய ரஷ்யா, வியட்நாம், கியூபா, ஆப்கன் ஆகிய நாடுகளை ஆங்காங்கே தூவிவிட்டால் கதை தயார்:)). இதை தடுத்து நிறுத்தி மக்களுக்கு நம்மை பற்றி புரியவைக்க வேண்டும் என்பது Charles Xavier (Prof.X) விருப்பம். அருகிலிருக்கும் Mutant-களையெல்லாம் தேடிபிடித்து குழு அமைக்கிறார். Erik (Magneto), வில்லனை, தனது தாயின் மரணத்திற்காக பழிவாங்க துடிக்க, இவர்கள் குழுவில் வந்து சேர்கிறான். ஒவ்வொருவரின் திட்டமும் என்ன ஆனது என்பது திரைப்படம்.
.
இதுவரை வந்த X-Men வரிசை திரைப்படங்களுள் இதுதான் உச்சம் என்று தாராளமாய் சொல்லலாம். ஒவ்வொருவரின் அறிமுகம் (வோல்வோரின் கூட ஒரு காட்சியில் வருகிறார்), ஒவ்வொருவரின் சக்தி, ஒவ்வொருக்கும் பின்னாளில் நிலைத்த பெயர் எப்படி வந்தது, X-Men என்ற பெயர் எப்போது வந்தது எல்லாம் படத்தில் வருகிறது. ஒவ்வொன்றும் செம இன்ட்ரெஸ்டிங். மேலும் சண்டைகளின் போது ஒவ்வொருவரும் ஒவ்வொருவருக்கும் செம பதிலடி கொடுக்கும் வகையில் ஒவ்வொருவரிடம் ஒவ்வொரு அதீத சக்தியிருக்கிறது. அதுவும் அந்த கிளைமாக்ஸ், STUNNING. கிளைமாக்ஸ் காட்சி எஃபெக்ட்ஸ்களில் புகுந்து விளையாடியிருக்கிறார்கள். நடிகர்களை பொறுத்தவரையில் மூன்று பேர் படத்தை தாங்கியிருக்கிறார்கள். ஒவ்வொருவரும் ஒவ்வொருவருக்கு அப்படியொரு ஈடு. Prof.X-ஆக நடித்திருக்கும் James McAvoy, Magneto-ஆக நடித்திருக்கும் Michael Fassbender, ஷா-ஆக நடித்திருக்கும் Kevin Bacon. மூவரும் stealing the show. அதிலும் Magneto-ஆக நடித்திருக்கும் Michael Fassbender செம. படமே அவரில் துவங்கி அவரில்தான் முடிகிறது.
.
இது prequel என்பதனால் இதுவரை வந்த X-Men திரைப்படங்களை கூட நீங்கள் பார்த்திருக்கவேண்டாம். அவ்வளவு ஏன், இத்திரைப்படத்தை பார்ப்பதற்கு நீங்கள் X-Men ரசிகராக இருக்கவேண்டிய அவசியம் கூட இல்லை. ஒரு விறுவிறுப்பான அதிரடியான எஃபெக்ஸ் நிறைந்த ஹாலிவுட் திரைப்படம் பார்க்கும் ஆர்வமிருந்தாலே போதும். இந்த படம் உங்களுக்காகவே. A Must Watch.
.
X-Men: First Class (2011)- இப்படம் First Class With Distinction :)

இத்திரைப்படத்தை முதல் படமாகக் கொண்டு இன்னும் இரண்டு படங்கள் வரப்போகிறதாம். ஒரு புது X-Men TRILOGY.
.
TRAILER

12.06.2011

ஆரண்ய காண்டம் - திரைவிமர்சனம்

2011-06-11T17:20:00.005+05:30

.
எது தர்மம்
எது தேவையோ அதுவே தர்மம்.
.
வெகுகாலமாய் நான் மிகவும் எதிர்ப்பார்த்து காத்திருந்த இத்திரைப்படம் இப்போது ஒருவழியாய் வெளிவந்துவிட்டது. கடந்த வருடம், நியூயார்க்கில் நடந்த South Asian International Film Festival (SAIFF)-ல் Grand Jury பரிசை தட்டிய திரைப்படம். இதுவரை வேறு எந்த தமிழ் திரைப்படமும் உலக அரங்கில், உலக திரைப்பட விழாக்களில் Grand Jury பரிசையெல்லாம் தட்டியதாக தெரியவில்லை. இப்படத்தின் இயக்குனர் தியாகராஜா குமாரராஜா. ஓரம்போ (ஆட்டோ) திரைப்படத்தின் வசனம் இவருடையதுதான். இவர் இயக்கத்தில் வரும் முதல் திரைப்படமிது.
.

மிகவும் யதார்த்தமாய் நிழல் உலகத்தை படமாக்கியது செல்வராகவனின் புதுப்பேட்டை படம்தான். அது யதார்த்தமான படம். ஆனால் இன்னும் பற்பல விதமாய் நிழல் உலகை திரையில் காட்ட உலகமெங்குமிருக்கும் இயக்குனர்களுக்கு ஆவல் உண்டு. Martin Scorsese, Quentin Tarantino, Guy Ritchie, Takeshi Kitano, என நிறைய இயக்குனர்களை உதாரணமாய் சொல்லலாம்.
.
இயக்குனர் Guy Ritchie பற்றி உங்களுக்கு தெரிந்திருக்கும். அவரின் படங்களை பார்த்திருப்பீர்கள். நிழல் உலக கதையை வித்தியாசமாய் தருபவர். A comical approach of portraying gangsters, gangster worlds; with some comedy/cruel comedy; அதான் அவரின் ஸ்டைல். ஒரு குறிப்பிட்ட பொருளுக்காக நாலைந்து குழுக்கள் மோதிக்கொள்ளும். அப்பொருள் நழுவியபடியே இருக்கும். அதேப்போல் ஒரு கதை, அதே மாதிரியான ஸ்டைலில் இப்போது தமிழில் வந்திருக்கிறது.
.
படத்தில் இரண்டு நிழல் உலக குழுக்கள். ஜாக்கி ஷெராப் தலைமையில் ஒன்று. அக்குழுவில் இருக்கிறவன் சம்பத். அக்குழுவில் சப்பையாக இருக்கும் ரவி கிருஷ்ணா, சுப்பு எனும் இளம்பெண் (ஜாக்கி இவளை வலுகட்டாயமாக அப்பெண்ணை வைத்திருக்கிறான்), இவரின் அடியாட்கள்; எதிர் குழு, அதன் தலைவன், அவன் தம்பி, இக்குழுவின் அடியாட்கள்; ஒரு முன்னாள் ஜாமீன், தற்போதய அன்றாடங்காட்சி, அவரின் சிறு மகன். சம்பத்தின் ஒரே ஒரு திட்டம் மற்றும் சம்பத்தின் ஒரே ஒரு வார்த்தையினால், இவர்கள் அனைவரின் வாழ்க்கையெல்லாம் ஒரே நாளில் மொத்தமாய் மாறிவிடுகிறது. ஒருவரையொருவர் கொல்ல திட்டமிடும் ஒரு நாள் கதை இந்த ஆரண்ய காண்டம்.
.
இயக்குனர் Guy Ritchie தமிழிற்கு வந்து படமெடுத்தால் எப்படியிருக்குமோ அப்படியிருக்கிறது இத்திரைப்படம். (Guy Ritchie படங்கள் அளவுக்கு இல்லையென்றாலும் அதில் ஒரு ஐம்பது சதவீதம் அளவுக்கு தியாகராஜா குமாரராஜா படமெடுத்திருக்கிறார் என்றுதான் சொல்லவேண்டும்). நிழல் உலக குழுக்கள், மெல்லிய நகைச்சுவை, குரூரமான நகைச்சுவை, ஒவ்வொரு கதாபாத்திரத்தின் தன்மை என பார்த்து பார்த்து செய்திருக்கிறார் இயக்குனர். அவரின் கதைக்கும் திரைக்கதைக்கும் ஒளிப்பதிவும், யுவனின் பின்னணி இசையும் பலம் சேர்த்திருக்கின்றன. அதிலும் ஒளிப்பதிவு அட்டகாசம். பின்னணி இசையில் கூட பகடி இருக்கிறது. ஓரம்போ திரைப்படம் மாதிரியே வசனங்கள் செம. நறுக்கு தெரித்தாற்போல், நகைச்சுவையாய் வசனங்கள் செம.
.
காட்சிகளும் அப்படியே. சம்பத், எதிர்குழு தலையின் பராகிரமங்களை சொல்லிமுடிக்கவும், வந்து டீ வைக்கும் விரல் இல்லாத கை; சுப்புவை மோதுவது போல் உரசிசெல்லும் ஓரம் போ படத்தின் ஆர்யா மற்றும் சன் ஆஃப் கன்'னின் ஆட்டோக்கள். அப்பறம் படம் முழுக்க கெட்ட வார்த்தைகளும், கொஞ்சம் வன்முறையும், ரத்தமும். குறிப்பிட்டு சொல்ல வேண்டியது படத்தின் சிறப்பான கதாப்பாத்திர தேர்வு பற்றி. அதிலும் அந்த வாழ்ந்து கெட்ட ஜமீன், அவரின் பையன் இருவரும் அசத்துகிறார்கள்.
.
மேலும் படத்தில் சில மாற்றங்கள் (compromises) செய்திருக்கிறார்கள் போல. சுப்பு இறப்பது போல் ஒரு காட்சி ட்ரைலரில் வரும். படத்தில் அப்படியல்ல. படத்தில் சில குறைகள் இருக்கு. சம்பத், ஓடிக்கொண்டிருக்கும் போது, சம்பத் கதை சொல்லி போலிருப்பது, சில கிளிஷேக்கள், கடைசியில் "சுபம்" மாதிரியான சில முடிவுகள் (kind of hero wins), என சில குறைகள் இருக்கு. ஆனால் தியாகராஜா குமாரராஜாவின் முதல் படம்தானே. பின்னாளில் இவரிடம் சில நல்ல படங்களை எதிர்பார்த்து, இப்படத்தின் சில குறைகளை கொஞ்சம் கண்டுகொள்ளாமல் விடலாம். :)

படக்குழுவினற்க்கும், தயாரிப்பாளர் S.P.சரணுக்கும் நன்றி மற்றும் வாழ்த்துக்கள்.
.
ஆரண்ய காண்டம் - ஆரண்ய காண்டமேதான்.
.

ஆரண்ய காண்டம் - ட்ரைலர்

11.06.2011

Pirates of the Caribbean: On Stranger Tides (2011) - இளமையின் நீரூற்று

2011-05-21T23:06:00.006+05:30

.
IMDB Rating : 7.5/10

நான்கு வருடங்களுக்கு பிறகு, Pirates of the Caribbean நான்காவது பாகம் (On Stranger Tides), இதோ வந்துவிட்டது. POC திரைப்படங்களை அனைவரும் விரும்பக் காரணம், அது ஒரு ஜாலியான சாகசக் கடல் பயணம். Road Trip மாதிரி Sea Trip. POC Series திரைப்படங்கள் சீரியசாக இல்லாமல் ஜாலியான Adventure ஆக இருந்தால்தான் எல்லாருக்கும் பிடிக்கும். இந்த நான்காவது பாகம் அதை சரியாக செய்கிறது. கூடவே real 3D. :))
.

மூன்றாவது பாகம் முடியும் போது, பார்போசாவிடம் தனது Black Pearl கப்பலை இழந்தாலும், ஒரு சிறு படகில், இளமை நீரூற்றை (Fountain of Youth) அடையும் வரைபடத்தோடு, ஜாக் ஸ்பாரோ செல்வதாக முடிந்திருக்கும். இந்த பாகம், இளமை நீரூற்றை அடைய நினைக்கும் இரு குழுக்களும் கூடவே அதை அழிக்க நினைக்கும் ஓர் குழுவுக்குமான போராட்டம் இந்த பாகம்.
.
இந்த படத்தில் பழைய கதாபாத்திரங்கள் மொத்தம் மூன்றுதான். ஜாக் ஸ்பாரோ, பார்போசா, கிப்ஸ் (ஜாக் ஸ்பாரோவின் துணைக் கேப்டன்). எனவே கிட்டத்தட்ட ஒரு புது அத்தியாயத்தை துவக்கியிருக்கிறார்கள். Black Beard (கருந்தாடி) எனும் ஒரு கடற்கொளையன் தனக்கு இறப்பு வரப்போவதை தெரிந்துக்கொண்டு, இளமை நீரூற்றின் நீரை அருந்தி, தனது மரணத்தை வெல்ல நினைக்கிறான். அவனது மகள் Penolope Cruz (ஜாக் ஸ்பாரோ வின் முன்னாள் காதலி). இவர்களுக்கு வழிகாட்டவேண்டிய கட்டாயத்தில் மாட்டிக்கொள்ளும் ஜாக் ஸ்பாரோ. இங்கிலாந்து மன்னரும் அந்த இளமை நீரூற்றை கைப்பற்ற நினைக்கிறார். அவர்கள் படையை தலைமை ஏந்தி நடத்தும் பார்போசா. மற்றும் இளமை நீரூற்றை அழிக்க நினைக்கும் ஸ்பானிய அரசு படை. இந்த மூன்று குழுவின் சாகசப் பயணம் இந்த திரைப்படம்.
.
Johnny Depp-க்கு ஜாக் ஸ்பாரோ கதாப்பாத்திரம் அல்வா. பின்னி பெடலெடுக்கிறார். செம எகத்தாளம். அதே சுறுசுறுப்பு. முதல் காட்சியிலிருந்து, கடைசி காட்சி வரை விளையாடுகிறார். கிட்டத்தட்ட முதல் பாகத்தில் பார்த்த அதே ஜாக் ஸ்பாரோ. இந்த பாகத்தில் நாயகியாய் வந்திருக்கும் Penolope Cruz-யிடம் அந்த இளமை மிஸ்ஸிங். வயதான தோற்ற்றம் வந்திருக்கிறது. ஐந்து வருடங்களுக்கு முன்பு POC-யில் நடித்திருந்தால் செமையா இருந்திருக்கும். இந்த பாகத்தில் கடற்கன்னியர்கள் வேறு வருகிறார்கள். ஆனால் கடற்கன்னியர் அழகானவர்கள், இனிமையானவர்கள், அழகான குரலில் பாடுவார்கள் என்று நான் எண்ணிக்கொண்டிருந்த வேளையில், கூடவே அவர்கள் மனிதர்களை வேட்டையாடுவார்கள், மனிதர்களை தின்றுவிடுவார்கள் என்றெல்லாம் கதை சொல்லியிருக்கிறார்கள். :( ஆனால் கடற்கன்னியர்கள் மிகமிக அழகு. :)))
.
இந்த பாகத்தில் குறிப்பிடத் தகுந்த முக்கியமான நுண்ணரசியல். ஸ்பானிய அரசு படைகளைப்பற்றி. அவர்கள் கிருத்துவர்கள். அக்கடவுளை மட்டுமே தீர்க்கமாக நம்பும் அவர்கள், மற்றவர்களை, மற்ற இனமக்களை மதம் மாற்ற தீவிர முன்னெடுப்பும், மற்றவர்களின் நம்பிக்கைகளை அழிக்கவும் செய்கிறார்கள் என்பதை தெளிவாக காட்டுகிறது. ஸ்பானியர்கள் தங்கள் கடல் பயணத்தின் போது வந்தடைந்த எல்லா பகுதிகளிலும் இன அழிப்பையும், அவவின மக்களின் கடவுள் மற்றும் மற்ற நம்பிக்கைகளையும் அழித்தனர், எஞ்சிய அம்மக்களை மதம் மாற்றினர் என்பதையும் சொல்லிவிட்டே போகிறது.
.
கூடவே 3D தொழில்நுட்பம் மிக அருமையாக வளர்ந்திருக்கிறது என்பதை இப்படம் உணர்த்துகிறது. எல்லா பொருட்களும் முகத்தின் முன் வருவது என்பததெல்லாம் மலையேறி, உயிர்ப்பா இருக்கிறதுதான் 3D என்பதாக வளர்ந்திருக்கிறது. Being Lively is Real 3D. படத்தின் ஒளிப்பதிவின் தரம் சிறப்பாய் வந்திருக்கிறது. படமாக்கப்பட்ட இடங்கள் ஹவாய் தீவு மற்றும் இன்ன பிற இடங்கள். மிகப்பெரும் காடு நம் கண் முன்னே விரியும் போது ஆச்சர்யப்படுகிறோம். எவ்வளவு அழகானது இவ்வியற்கையென.
.
Pirates of the Caribbean: On Stranger Tides (2011) : ஜாக் ஸ்பாரோவின் அட்டகாசங்களோடு சிறப்பாக வந்திருக்கிறது இந்த ரோலர் கோஸ்டர் கடற்பயணம். நிச்சயம் அடுத்தடுத்த பாகங்கள் வரத்தான் போகின்றன என்பதையும் படம் முடிவில் சொல்கிறது.
.
On Stranger Tides : Youtube Trailer

...
இந்த வருடத்தின் மிகப்பெரிய எதிர்பார்ப்புகளுள் ஒன்று, ஸ்பீல்பெர்க் இயக்கத்தில் வரும் The Adventures of Tintin அனிமேஷன் திரைப்படம். அதன் ட்ரைலர்.

...
அடுத்தவாரம் (May 26, 2011) வெளியாகப்போகும் Kung Fu Panda 2 ட்ரைலர். திரும்ப திரும்ப பார்க்கத்தூண்டும் செம செம ட்ரைலர். நிச்சயம் படம் பட்டய கிளப்பும். பார்க்கத் தவறாதீர் :))

21.05.2011

அழகர்சாமியின் குதிரை - திரைவிமர்சனம்

2011-05-15T16:54:00.001+05:30

எழுத்தாளர் பாஸ்கர் சக்தியின் அழகர்சாமியின் சிறுகதையை படிக்க இங்கே கிளிக்கவும்.

வெண்ணிலா கபடிக்குழு, நான் மகான் அல்ல திரைப்படங்களுக்கு பின், எழுத்தாளர் பாஸ்கர் சக்தியின் "அழகர்சாமியின் குதிரை" சிறுகதையை தனது மூன்றாவது படமாக, திரையில் கொண்டுவந்திருக்கிறார் இயக்குனர் சுசீந்திரன். எப்போதாவதுதான் தமிழ் சினிமாவில் இந்த மாதிரி தமிழ் எழுத்தாளர்களின் சிறுகதைகள், நாவல்கள் படமாக்கப்படும். திரையில் எப்படி வந்திருக்கிறது என்ற எதிர்பார்ப்போடுதான் படத்துக்கு சென்றேன்.
.

படத்த்தின் கதை இதுதான். 1980-கள். ஒவ்வொரு வருடமும், சித்திரை திருவிழாவுக்கு அழகர் ஆற்றில் இறங்கியதும், மழை கொட்டி, கிராமம் செழிக்கும். ஆனால் கடந்த இரண்டு மூன்று வருடங்களாக மழை பொய்த்துப்போனதால், அக்கிராமத்தில் வறட்சி. சாமிகுத்தம் இருக்கும் போல என்றெண்ணி, இந்த வருடம் சிறப்பாக திருவிழா நடத்தவேண்டும் என்று ஊர் பெரியவர்கள் முடிவு செய்கிறார்கள். ஆனால் அழகரின் மரக்குதிரை வாகனம் திருடுபோய்விடுகிறது. அவர்கள் அந்த குதிரையை கண்டுபிடிக்க என்னென்ன செய்தார்கள், ஊர் திருவிழா நல்ல படியாக நடந்தததா, ஊரில் மழை பெய்ததா என்பதெல்லாம் மீதிக்கதை. எளிய கிராமம், ஊர் பெரிசுகளின் எகத்தாளம் மற்றும் பிற்போக்குத்தனமான கடவுள் நம்பிக்கை அதே நேரத்தில் எப்படியாவது சாமிக்கிட்ட வேண்டி மழையை கொண்டுவரவேண்டும் என்கிற நினைப்பு. இளந்தாரிகளின் கடவுள் நம்பிக்கையின்மை மற்றும் அசட்டு தைரியம் இதெல்லாம் கதையில் சிறப்பாக வந்து போகும். கூடவே ஒரு மாற்று சாதிக் காதல்.
.
இரண்டு பக்க சிறுகதையை இரண்டு மணி நேர திரைப்படமாக எடுக்கும்போது திரைக்கதையில் இன்னும் சில விஷயங்கள் தேவைப்படும். அதெல்லாம் வந்திருக்கிறது. ஊர் மைனர், அந்த காதல், குதிரைக்கு சொந்தக்காரனான அழகர்சாமியின் கதை, அவனின் காதல், ஓரிரு பாடல்கள் இதெல்லாம் வந்து போகிறது. ஆனால் ஒரு நல்ல சிறுகதை, கொஞ்சம் மோசமான திரைக்கதை மற்றும் நடிகர் தேர்வு காரணமாக கொஞ்சம் சொதப்பி விடுகிறது. நிறைய கதாப்பாத்திரங்கள் abrupt-ஆ இருக்கு. கூடுதலாக சேர்க்கப்பட்ட கதாப்பாத்திரங்கள் மட்டுமின்றி சிறுகதையின் கதாப்பாத்திரங்கள் கூட நிலைக்கவேயில்லை. குறிப்பாக 'ஊர் ப்ரெசிடென்ட்' பெருமாள் கதாப்பாத்திரம் நிற்கவேயில்லை. மழைக்காக உள்ளுக்குள் மருகும் ஒரு கதாப்பாத்திரம், படத்தில் கொஞ்சம்கூட அப்படி காட்டப்படவேயில்லை. கோடங்கி, ராமகிருஷ்ணன் கதாப்பாத்திரங்கள் மட்டும் கொஞ்சம் சரியாய் வந்திருக்கிறது.
.
படத்தின் இன்னொரு பிரச்சனை. நேட்டிவிட்டி (மண்ணின் தன்மை?!). படம் நடப்பது 1980-களில். கதை நிகழும் இடம் இந்த திருவிழா கொண்டாட ஆயத்தமாகும் கிராமம் மற்றும் அழகர்சாமியின் (அப்புக்குட்டி) கிராமம். இவர்கள் பேசும் மொழி, கொஞ்ச நேரம் மண்ணின் நிறத்திலும் கொஞ்சம் நேரம் சாதாரண நிறத்திலும் மாறி மாறி போகிறது. அது யதார்த்தத்தில் இருந்து கொஞ்சம் சறுக்கிறது.
.
ஆனால் உலகம் முழுதுமே, இந்த மாதிரி சிறுகதைகளை, நாவல்களை படமாக்கும் போது, அவை பொதுவாக சொதப்பிவிடும். இந்த படமும் கொஞ்சம் சறுக்குகிறது. வெண்ணிலா கபடிக்குழு எடுத்த சுசீந்திரனா இப்படத்தை எடுத்திருக்கிறார் என்று ஆச்சர்யம் வந்தது. ஆனால் அதே நேரத்தில் நீங்கள் இச்சிறுகதையை படிக்காமல் இருந்தால், நிச்சயம் இந்த படம் பிடிக்கும். படம் முழுதும் நல்ல நகைச்சுவை இருக்கிறது. மசாலாத்தனங்களையே பார்த்து சலித்த கண்களுக்கு இப்படம் ஆறுதலாய் இருக்கும்.ஒரு நல்ல முயற்சியை நாம் ஆதரிக்கவும் வேண்டும். எனவே படம் பாருங்க.
.
இப்படத்தில் கதை - பாஸ்கர் சக்தி என்று பெயர் போடும் போதும் வந்திருக்கலாம். அதை நான் சரியாக கவனிக்கவில்லை. ஆனால் இம்மாதிரி சிறுகதைகளை, நாவல்களை படமாக்கும் இயக்குனர்களுக்கு ஒரு வேண்டுகோள். "எழுத்தாளர் aaaaaa-ன் 'bbbbbbb' சிறுகதையை/நாவலைத் தழுவி இத்திரைப்படம் எடுக்கப்பட்டிருக்கிறது" என்று தனி ஸ்லைட் போடுங்க. வெறும் கதை என்று போடாமல்.
.
அழகர்சாமியின் குதிரை - எளிய கிராமத்து குதிரை. இன்னும் கொஞ்சம் திரைக்கதையிலும், நடிக நடிகையர் தேர்விலும் கவனம் செலுத்தியிருந்தால் மிகச்சிறப்பாக வந்திருக்கும்.
.

15.05.2011

Black Swan (2010) - நுட்பம் நுண்ணுணர்வு கலை

2011-05-10T10:04:00.007+05:30

Direction : Darren Aronofsky
IMDB Rating : 8.4/10
Rotten Tomatoes : 88% Fresh
.
இயக்குனர் Darren Aronofsky தற்போதைய முக்கியமான ஹாலிவுட் இயக்குனர்களில் ஒருவர். இவர் இதுவரை இயக்கியிருக்கும் திரைப்படங்கள் ஐந்து. ஐந்துமே சிறந்தத் திரைப்படங்கள். Pi (1998), Requiem for a Dream (2000), The Fountain (2006), The Wrestler (2008) மற்றும் Black Swan (2010). ஐந்தே படங்கள்தாம். எனவே மொத்தமாய் வாங்கியோ அல்லது தரவிறக்கியோ பார்த்துவிடுங்கள். :)
.

டிஸ்கி: Perfection என்பதற்கு சரியான தமிழ் வார்த்தை எதுவும் தெரியவில்லை என்பதால் நுட்பம் என்ற வார்த்தையை இப்பதிவு முழுதும் பயன்படுத்தப் போகிறேன். கச்சிதம், நுணுக்கம் என்பதை விட நுட்பம் சரியாக இருக்குமென்று தோன்றியது. வேறு நல்ல வார்த்தை இருந்தால் பின்னூட்டத்தில் சொல்லவும். பதிவில் மாற்றிவிடுகிறேன்.
.
ஆடல், பாடல், இசை, ஓவியம், இலக்கியம், தற்காப்பு, சினிமா என எத்தனையோ கலைகள் இருக்கின்றன. அதீத நுட்பமான (perfection) ஒன்று கலையாகிவிடுமா? அல்லது நுண்ணுணர்வால் படைக்கப்படும் ஒன்றுதான் கலையாகுமா? அல்லது நுட்பமும் நுண்ணுணர்வும் சரியான சேர்க்கையில் அமைந்தால்தான் கலை சிறப்படையுமா? அல்லது ஒவ்வொரு கலைக்கும் இது மாறுபடுமா? உதாரணத்திற்கு இலக்கியத்தை எடுத்துக்கொள்வோம். நகுலனின் எழுத்துக்கள் நுட்பமானவையா (perfection) அல்லது நுண்ணுணர்வால் ஆனவையா? அதி நுட்பமான சொற்களை கொண்டு ஒரு கவிதையை படைத்திடமுடியுமா? சரி நடனக்கலை, ஓவியக்கலைக்கு வருவோம். நுண்ணுணர்வையும் தாண்டி, நுட்பத்தை (perfection) மட்டும் கைக்கொண்டு ஒரு நல்ல நடனத்தை அல்லது நல்ல ஓவியத்தை படைக்கவே முடியாதா?
.
Obsessive-Compulsive Disorder (OCD). OCD என்பது ஒரு மாதிரியான உளவியல் அவஸ்தை. OCD-யை சில உதாரணங்கள் மூலம் விளக்கலாம். அழுக்காய் இருக்கிறது என்று தொடர்ச்சியாய் சுத்தம் செய்துக்கொண்டேயிருப்பது. கைகளை சுத்தம் செய்துக்கொண்டேயிருப்பது. (OCD - Cleaning). ஒழுங்காக பூட்டவில்லை என்பது மாதிரி ஒழுங்காக செய்யவில்லை என்று நினைத்துக்கொண்டேயிருப்பது. நிக்கோலஸ் கேஜ் நடிப்பில் வந்த Matchstick Men (2003) படத்தில், நிக்கோலஸ் கேஜ் கதாப்பாத்திரம் OCD - Cleaning-ஆல் பாதிக்கப்பட்ட கதாப்பாத்திரம். திரும்ப திரும்ப அழுக்குப்போக துடைத்துக்கொண்டேயிருப்பார். OCD போல் இன்னொன்று இருக்கிறது.
Obsessive Compulsive Personality Disorder. OCPD. இதுவும் உளவியல் அவஸ்தைதான் + Personality Disorder. Perfection சார்ந்தது. திரும்பத் திரும்ப Perfection-க்காக செய்துகொண்டேயிருப்பது. அதுதான் நம் Black Swan நாயகிக்கும் இருக்கிறது.
.

நினா (Natalie Portman). ஒரு பாலே நடனப் பள்ளியில் நடனம் பயில்கிறவள். மிகுந்த அக்கறையோடு பாலே நடனம் பயில்கிறவள். எல்லாமே பாலே நடனம்தான் என்பது போல அவ்வளவு பற்று அதன் மீது. மிகுந்த நுட்பமாய் (perfection) பாலே நடனம் ஆடக்கூடியவள். ஆனால் இதுவரை மேடையேறும் வாய்ப்பு அவளுக்கு கிடைக்கவேயில்லை. விரக்தியில் இருக்கிறாள்.

அவளின் தாய், ஒரு முன்னாள் பாலே நடனம் பயின்றவள். ஆனால் பாலே நடனத்தில் பிரகாசிக்க முடியாமல் குடும்ப வாழ்க்கைக்குள் தொலைந்து போனவள். என்பதனால் தன் மகள் நினாவை, கட்டுக்கோப்பாய், கண்டிப்புடன் அதே சமயத்தில் அந்நடனத்தின் எதிர்ப்பார்ப்புகளை புரிந்துகொண்டு ஆறுதலாய் தன் மகளை வளர்த்துவருகிறாள். அந்நடனப்பள்ளியின் நாடக இயக்குனர், Swan Queen என்றொரு புகழ்பெற்ற பாலே நாடகத்தை மேடையில் கொண்டு வர எண்ணி, நினாவை அக்கதாப்பாத்திரத்துக்கு தேர்ந்தெடுக்கிறார்.
.
அந்நாடகத்தில் இரண்டு கதாப்பாத்திரங்கள். ஒன்று White Swan மற்றொன்று Black Swan. இரண்டு கதாப்பாதிரங்களையும் ஒரே பெண் செய்வதாய் அந்நாடகத்தை அமைக்கிறார் அந்த இயக்குனர். White Swan கதாப்பாத்திரத்தை செய்வதற்கு நுட்பம் (perfection) மட்டும் போதும். அதை மிக எளிதாய் நினா செய்துவிடுவாள். ஆனால் Black Swan கதாப்பாத்திரம் அப்படியல்ல. நுட்பங்களை தாண்டி நுண்ணுணர்வு அதீதமாய் தேவைப்படும் கதாப்பாத்திரம். அதை லில்லி (Mila Kunis) என்கிற மற்றொரு பெண் அனாயாசமாக ஆடக்கூடியவள். ஆனால் நினாவுக்கே அந்த வாய்ப்பு வழங்கப்படுகிறது. ஆனால் நினாவால் Black Swan கதாப்பாத்திர நடனத்தை சரிவர செய்ய முடிவதில்லை. இவளிடம் நுண்ணுண்ர்வுயும் தாண்டி நுட்பமே மேலெழுகிறது. அக்கதாப்பாதிரம் அவள் முதுகில் சுமையாய் தொற்றிக்கொள்கிறது. உடல் மனம் இரண்டும் Black Swan-ஆல் ஆட்கொள்ளப்படுகிறது. மனச்சிதைவுக்கு கொஞ்சம் கொஞ்சமாய் ஆளாகிறாள். OCPD, Multiple Personality Disorder, Hallucinations மற்றும் எங்கே இந்த வாய்ப்பு லில்லிக்கு போய்விடுமோ என்கிற அதீத பயத்தினாலும் பாதிக்கப்பட்டாலும், அந்த Black Swan கதாப்பாத்திரம் எதிர்ப்பார்க்கும் அந்த Evil Spirit அவளிடம் வந்து சேர்கிறது. அவள் ஒரு Black Swan-ஆக பரிணாம வளர்ச்சியடைகிறாள் உள்ளுக்குள். நினா, மேடை ஏறினாளா அந்த வாய்ப்பு லில்லிக்கு போய்விட்டதா அல்லது இவள் அக்கதாப்பாதிர சுமை தாளாமல் என்னவானால் என்பதெல்லாம் திரையில் நீங்கள் பார்க்கவேண்டியது.
.
நினா வாய்ப்பு கேட்டு வரும் போது, அந்நாடக இயக்குனர், அவளை கட்டாயமாய் முத்தமிடும் போது, கடித்துவிட்டு ஓடிவிடுகிறாள். இருந்தாலும் அவர் அந்த வாய்ப்பை கொடுக்கிறார். Black Swan கதாப்பாத்திரத்தின் நுண்ணுனர்வுக்காக அவரின் சில அத்து மீறல்கள் சரியா தவறா என்பது யோசிக்கவேண்டியதாய் இருக்கிறது. ஒரு பெண் முன்னேற சில விட்டுகொடுத்தல்கள் அவசியம் என்றெல்லாம் ஒதுக்கிட முடியாது அந்த நாடக இயக்குனரின் செயல்களை. நடிக, நடிகையர்களை அடித்து வேலைவாங்கும் சில பெரிய இயக்குனர்களை செயல் போன்றது என்றே எடுத்துக்கொள்ள வேண்டியிருக்கிறது. ஏனென்றால் பின் எப்போதும் நினாவை எதற்காகவும் அவர் வற்புறுத்துவதில்லை. அதே சமயம் அவள் Black Swan நடனத்தை சிறப்பாக செய்துவிட்டு, இயக்குனரை கட்டிப்பிடித்து வன்முத்தம் தருகிறாள். அது அப்படைப்பின் அந்நுண்னுணர்வின் தேவை அல்லது வெளிப்பாடு என்றே கருதிக்கொண்டேன்.
.
இயக்குனர் Darren Aronofsky-யின் ஐந்து படங்களும் ஐந்து முத்துக்கள். மனதின் நுண்ணுணர்வை அற்புதமாய் திரையில் கொண்டுவரக்கூடியவர். அவரின் படங்களில் முதுகு சில்லிட நேரும் தருணங்கள் அனேகம். உண்மையாகவே முதுகு சில்லிடும். Black Swan-ல் நிறைய இடங்களில். இத்திரைப்படத்தை ஆரம்பம் முதல் ஒருவிதமான அவஸ்த்தையோடுதான் நம்மாலும் பார்க்கமுடியும். நினாவின் பதற்றம் நம்மிடம் அப்படியே தொற்றிக்கொள்ளும். நாம் பதற்றமாகவே இருப்போம் கடைசிவரை.

கடைசியாய் கூட நினா சொல்வது "I felt perfect. I was perfect.". ஆனால் பின் திரையில் பெயரால் ஓடும் போது நினா மற்றும் Swan Queen கதாப்பாத்திரத்தில் Natalie Portman-னும், லில்லி மற்றும் Black Swan கதாப்பாத்திரத்தில் Mila Kunis-னும் நடித்திருக்கிறார்கள் என்றே வருகிறது.
.
Black Swan (2010) - தற்போது வழங்கப்பட்டிருக்கும் இம்மிகப்பெரிய வாய்ப்பை தவறவிடக்கூடாதென்றும், அதை இன்னொருவர் தட்டிப்பறித்திடக்கூடாதென்றும், அம்மிகப்பெரிய வாய்ப்பின் சுமை தாளாமலும், அம்மிகப்பெரிய வாய்ப்பை கச்சிதமாக, நுட்பமாக செய்து முடித்திட வேண்டுமென்றும் அதீத பதற்றம் கொள்ளும் பெண்ணின் கதை..
.
Black Swan (2010) - Trailer

10.05.2011

வானம் - திரைவிமர்சனம்

2011-04-30T19:06:00.002+05:30

சிம்பு, சந்தானம், அனுஷ்கா, பரத், வேகா, பிரகாஷ்ராஜ், சோனியா அகர்வால், ஜெயப்ரகாஷ், கணேஷ் மற்றும் பலர் நடித்து வெளிவந்திருக்கும் படம்தான் வானம். தெலுங்கில் வந்து வெற்றிபெற்ற Vedam திரைப்படத்தை தமிழில் ரீமேக்கியிருக்கிறார்கள். தமிழிலும், இப்படத்தை தெலுங்கில் இயக்கிய க்ரிஷ்தான், இயக்கியிருக்கிறார்.
.

பல்வேறு தனிக்கதைகள் ஓரிடத்தில் வந்து சேர்வது போல் தமிழில் அரிதாகத்தான் படங்கள் வந்திருக்கும். இத்திரைப்படத்தில் ஐந்து தனிக்கதைகள், சென்னையில், ஒரு மருத்துவமனையில் வந்து சேர்ந்து, பின் பிரிந்து போகிறது. இக்கதைமாந்தர்களின் வாழ்க்கைப் பயணம் வானம்.
.
தன் பணக்காரக் காதலியுடன் பார்ட்டிக்கு செல்ல ரூ.40000 பணத்துக்கு அலையும் குப்பத்து "கேபிள்" ராஜா (சிம்பு). தானிருக்கும் இடத்திலிருந்து தப்பித்து சென்னைக்கு வந்து தனியாய் தொழில் செய்ய வரும் பாலியல் தொழிலாளி சரோஜா (அனுஷ்கா). சென்னைக்கு Live Concert செய்யவரும் பரத், வேகாவின் Rock Band. முஸ்லீம்கள் என்றாலே தீவிரவாதி என்று நினைக்கும் ஒரு காவல்துறை அதிகாரி. இவரால் பாதிக்கப்படும் நசீர் (பிரகாஷ்ராஜ்). கந்துவட்டி கொடுமை காரணமாக தன் மகனின் படிப்புக்காக, சிறுநீரகம் விற்க சென்னைக்கும் வரும் சரண்யா. இவர்கள் எல்லாம் வந்து சேரும் ஒரு மருத்துவமனையை, தீவிரவாதிகள் உட்புகுந்து மக்கள் அனைவரையும் சுட்டுத்தள்ள துவங்க, தங்களையும் மக்களையும் காப்பாற்றமுடிந்ததா என்பது படம்.
.
விண்ணைத்தாண்டி வருவாயா வெற்றிக்கும் பின் சிம்பு, இப்படத்தை ஒப்புக்கொண்டது பாராட்டவேண்டிய விஷயம். இந்த கதாபாத்திரத்தில் சிம்பு நடித்திருப்பது ஆச்சர்யமாக இருக்கிறது. சரண்யா, சிறுநீரகம் விற்று கிடைக்கும் ரூ.40000 பணத்தை, திருடிக்கொண்டு ஓடும் கதாப்பாத்திரம் சிம்புவினது. படத்தை இலகுவாக்குவது அல்லது நீர்த்து போக செய்வது அல்லது நம்மை வயிறுகுலுங்க சிரிக்கவைத்து மகிழ்விப்பது சந்தானம் கதாப்பாத்திரம். சந்தானம் பட்டைய கிளப்புகிறார். அவரின் ஒவ்வொரு வசனமும் வெடி. அனுஷ்காவின் பாடலை, அப்படியே தெலுங்கில் இருந்து தமிழுக்கு டப் செய்து விட்டார்கள். அனுஷ்கா ரசிகர்கள் இப்படத்திற்கு நிச்சயம் செல்லலாம்.

திவ்யா, அனிதா கதாப்பாத்திரங்களை மறக்கமுடியுமா. இப்படத்தில் சோனியா அகர்வாலை பார்த்தபோது மனதுக்கு ஒருமாதியாய் இருந்தது..
.
பொருளாதாரம், பணம், மதம், கடவுள். இவற்றின் பிரச்சனைக்குள் மனிதன் தத்தளிக்கிறான் என்பதை சொல்கிறது இத்திரைப்படம். கூடவே எல்லா முஸ்லீம்களும் தீவிரவாதியல்ல. சந்தேகக்கண் கொண்டு பார்க்கவேண்டாம் என்பதையும் படம் சொல்கிறது. அப்பாவிகளை, சாதாரண மனிதர்களை துன்புறுத்தும் எதுவும் தீவிரவாதம் தான் என்பதயும் சொல்கிறது. பொருளாதாரம், பணம், படிப்பு, மதம், கடவுள் இது எல்லாம் இல்லாமல் மனிதன் அந்த ஆதிவிலங்காகவே இருந்திருந்தால் நன்றாக இருந்திருக்கும். இப்போதிருக்கும் மனிதன், அந்த ஆதி விலங்கைக் காட்டிலும் மோசமானவனாக இருக்கிறான். அவனை பார்க்கவே பயமாய் இருக்கிறது.
.
நிரவ்ஷாவின் ஒளிப்பதிவு, யுவனின் இசை, க்ரிஷின் இயக்கம். "எவன்டி உன்னை பெத்தான்" பாடல் இன்னும் சிறப்பாக படமாக்கியிருக்கலாம் என்று தோன்றியது. இப்படத்தை ஒரு சீரியசான படமாக எடுத்திருக்க முடியும். ஆனால் வழக்கமான தமிழ்ப்படம் போல கொஞ்சம் கமர்சியல் மசாலாத்தனங்களை தடவியிருக்கிறார்கள். என்ற போதிலும் இது சுமாரான நல்ல தமிழ்படம்தான்.
.
வானம் - என்ன வாழ்க்கைடா இது..
.

30.04.2010

Mr. Nobody (2009) - முடிவிலாக் கனவு

2011-04-18T22:35:00.010+05:30

Director: Jaco Van Dormael
IMDB Rating : 7.7/10
Rotten Tomatoes Rating : 77% (Audience Rating)
.
தென் கொரிய இயக்குனர் பற்றி Kim Ki-Duk அறிந்திருப்பீர்கள். அவரின் Spring Summer Winter Fall and Spring (2003) படம் பற்றியும் அறிந்திருப்பீர்கள். ஒருவன் பிறந்து வளர்ந்து வாழ்ந்து புத்த குருவாய் இறக்கும் வரையிலான ஐந்து பருவக் கதை. ஒரு Biography. ஒரு ஆணாதிக்க சிந்தனை நிரம்பிய திரைப்படம். ஏனென்றால் நம்முடைய ஆன்மீக சிந்தனைகள் ஆணாதிக்கமானது. பெண் என்பவள் காமம், மாயை, அவளை கடந்தால் மட்டுமே ஒரு ஆண், முக்தியை அடையமுடியும் என்பது மாதிரியான ஆன்மீக சிந்தனைகள் நிறைய மதங்களில் இருக்கிறது போலும்.
.

சரி புத்த குருவை விட்டுவிடுவோம். நிறைய Biography கதைகள் படமாய் வந்திருக்கிறது. புகழ்பெற்ற மனிதர்களை பற்றி படங்கள் வந்திருக்கின்றன. காந்தி, சே படங்கள் உதாரணம். நிஜ வாழ்க்கையை தவிர்த்தும் நிறைய புனைவு Biography கதைகள் இருக்கின்றன. இந்த தளத்தில் Big Fish (2003), Benjamin Button (2008) படங்களை பற்றி பார்த்திருக்கிறோம். சாதாரண மனிதர்கள் அவர்கள். ஆனால் அவையும் ஆண்கள் பற்றியதே. ஒரு பெண் பிறந்து வளர்ந்து இறக்கும் வரையிலான Biography கதைகள் படமாய் வந்திருக்கின்றனவா என்று யோசித்து பார்த்தால் எதுவும் ஞாபகம் வரவில்லை. Amelie திரைப்படம் கூட, Amelie பிறந்ததில் இருந்து அப்பெண் தன் வாழக்கையை நிலைநிறுத்திக் கொள்ளும் இடத்தில், காதலை அடையும் இடத்தில் முடிந்துவிடுகிறது. பெண்ணாதிக்கமாய் படங்கள் வந்திருக்கின்றனவா என்று யோசித்து பார்த்தால் அப்படியும் எதுவும் ஞாபகம் வரவில்லை.

My Sassy Girl கொஞ்சம் பெண்ணாதிக்கமானது. அந்த பெண் அவனை அடித்துக்கொண்டே இருக்கிறாள் என்பதற்காக இதை சொல்கிறேன் என்று நீங்கள் நினைக்கமாட்டீர்கள் என்று நம்புகிறேன். தன் பழைய காதலனாய் இவனை உருமாற்ற முயற்சிக்கும் ஆதிக்கமான அன்பு அல்லது இவனின் சுயத்தை அழித்து தன் பழைய காதலனின் சுயத்தை இவன் முதுகில் ஏற்ற முயற்சிக்கிறாள் என்பதால் மட்டும், My Sassy Girl கொஞ்சம் பெண்ணாதிக்கமானது என்று தோன்றியது. அந்த ஒரு இடத்தில் மட்டும். மற்றபடி மிக மிக மிக அழகான காதல் திரைப்படம். அப்படத்தில் அவள் கடைசியாக சொல்லும் வரி இன்னும் ஞாபகம் இருக்கிறது.

"I think I have met a man from the future.. From your future.."

இந்த இடத்தில் நரனின் உப்புநீர் முதலை அல்லது தேவதேவனின் உலகத்தின் முதல் நாளுக்கும் கடைசிநாளுக்குமிடையில் சேலை காயப்போடும் பெண் மற்றும் இன்னபிற காலத்தோடு விளையாடும் சில கவிதைகள் உங்களுக்கு ஞாபகம் வரலாம். இந்தக் கவிதைகள் இப்பதிவில் நாம் பாக்கப்போகும் திரைப்படத்திற்கும் பொருந்தும்.
.

சரி நாம் இப்படத்திற்கு வருவோம். இது ஒரு Biography திரைப்படம். Nemo Nobody அல்லது Mr.Nobody என்பவனை பற்றியது. ஏற்கனவே நாம் பார்த்திருக்கும் படங்களுக்கும் இப்படத்திற்கும் என்ன வித்தியாசம். Big Fish (2003), Benjamin Button (2008) மாதிரி இப்படத்திற்கு இதுதான் கதை என்று எதையும் சொல்வது கடினம். ஒரு Non-Linear திரைப்படம். நிறைய நிறைய கிளைக்கதைகள். அறிவியல் மூலம் இவ்வாழ்க்கையை புரிந்து கொள்ள முயலுதல் (Philosophy). நிறைய Butterfly Effect. நிறைய Fantasy. கொஞ்சம் Sci Fi. கலவையாய் Mr.Nobody.

படத்தின் கடைசியில் Nobody என்றொருவன் இருந்தானா என்பதிலேயே சந்தேகம் வரும். அவர்களின் பெற்றோர் சந்திக்காமலேயே இருந்திருக்கக்கூடும். இந்த படத்தில் எல்லாமே "இருந்திருக்கக்கூடும்", "இருந்திருக்கலாம்", "..லாம்", "..லாம்" தான்.
.
சரி கொஞ்சமாச்சும் கிட்டத்தட்ட கதை மாதிரி சொல்றேன். ஆண்டு 2092. ஒரு 112 வயது, முதியவர், தனக்கு வயது 39 என்றும் நம்பும் பெரியவர், எதுவுமே ஞாபகம் இல்லாத அல்லது நிறைய விஷயங்களை மறந்துவிட்ட, உலகத்தின் கடைசி சாகப்போகும் பெரியவர், (2092-ல் உலகத்தில் மனிதர்களுக்கு சாவே கிடையாது. செல்களை தொடர்ச்சியாக Telomere அறிவியல் உத்தி மூலம் புதுப்பித்துகொள்வதால் மனிதர்களுக்கு சாவே கிடையாது), தன் கதையை ஒரு பத்திரிக்கைக்காரனுக்கு சொல்கிறார். அவர் சொல்லும் எதுவேமே தொடர்ச்சியாகவோ அல்லது சரியாக இருப்பதாக தெரியவில்லை. எல்லாவற்றிலும் குறைந்தது இரண்டு மூன்று கதைகள். அதாவது 12B திரைப்படம் ஞாபகம் இருக்கிறதா? ஷாம் பேருந்தை பிடிப்பதால் ஒரு கதை, பேருந்தை பிடிக்க முடியாமல் போனதால் இன்னொரு கதை. அந்த மாதிரி. நிறைய கிளைக்கதைகள் உற்பத்தியாகிக்கொண்டேயிருக்கின்றன. மேலும் பெரும்பாலான காட்சிகள் அந்தக் காட்சியின் முடிவில் மொத்தமாய் கலைக்கப்பட்டுவிடுகின்றன. எனவே இது நடந்ததா என்றெல்லாம் கேள்வி கேட்கவே முடியாது. நடந்திருக்கலாம். அவ்வளவுதான்.
.
மனிதன் தொடர்ச்சியாய் நிறைய கேள்விகளை வைத்திருக்கிறான். இந்த பிறப்பின் ரகசியம் என்ன? இந்த இருத்தலின் அவசியம் என்ன? இதெல்லாம் எங்கு துவங்கியது? ஏன் துவங்கியது? அறிவியல், ஆன்மீகம் என்று இரு வழிகளின் மூலம் இந்த மாதிரியான கேள்விகளுக்கு விடைதேடிக்கொண்டேயிருக்கிறான். அறிவியல் எனும் வளர்ந்துக்கொண்டேயிருக்கும் அளவுகோலை வைத்து எல்லாவற்றையும் அளந்து பார்க்க விரும்புகிறான். Pigeon superstition, Big Bang theory, Superstring theory, Many-worlds interpretation, Concepts of telomeres, Parallel universes ஆகிய அறிவியல் கருத்துக்களை கொண்டே கதை, திரைக்கதை சுழல்கிறது. அறிவியலை கொண்டொரு புனைவு உருவாக்கப்பட்டிருக்கிறது. இந்த இடத்தில் எனக்கு Donnie Darko (2001) திரைப்படம் ஞாபகம் வருகிறது. Tangent Universe. :)
.
திரைப்படத்தின் ஒளிப்பதிவு, பின்னணியிசை, மற்றும் திரைக்கதை உருவாக்கம் மிகசிறப்பு. ரொம்பவே ஆனால் தேவையான ரொமான்டிசைஸ் செய்யப்பட ஒளிப்பதிவு. பியானோவின் பின்னணியிசை. class.. :)

இத்திரைப்படத்தை பற்றி இன்னும் சிறப்பாக எழுதினால் நன்றாக இருக்கும். என் மொழியை வைத்து ஓரளவுக்குத்தான் எழுதியிருக்கிறேன் என்பது புரிகிறது.
.
Mr. Nobody (2009) - ஒரு முடிவிலா Labyrinth அன்பைத்தேடும் கனவு.
.

Mr. Nobody : TRAILER

18.04.2011

A Moment To Remember (2004) (Korean) - ஆழ்மனதில் உருகிக்கிடக்கும் மீச்சிறு நினைவு

2011-04-16T03:01:00.005+05:30

Original Title : 내 머리 속의 지우개 (Literally Eraser in My Head)
Director: John H. Lee
IMDB Rating : 8.2/10
Han Cinema Link
.
50 First Dates (2004) திரைப்படத்தை பார்த்திருப்பீர்கள். ஒரு குறிப்பிட்ட நாளுக்கு பின்பான எதுவும் ஞாபகத்தில் வைத்திருக்க முடியாத காரணத்தினால், தொடர்ச்சியாய் ஒரே நாளை, ஒரே மாதிரி வாழ்ந்துகொண்டிருக்கும் நாயகியின் கதை. அந்தமாதிரியான ஒரு நாளில் அவளை சந்திக்கும் நாயகனுக்கு துவக்கத்தில் எதுவும் புரியாமல், பின்பு புரிந்துகொண்டு, அவளோடு எப்படி வாழ்கிறான் என்பதாய் முடியும் அத்திரைப்படம். A Moment to Remember (2004) திரைப்படத்திலும் அந்த மாதிரி ஒரு நிலை.
.

ஒரு திருமணமான ஆண் மீது காதல் கொண்டு, ஊரைவிட்டு ஓடிப்போக முயற்சிக்கும் போது, அவன் வராமல் போக, அந்த காதல் தோல்வியும் ஏமாற்றமும் அவளுக்கு தாளாத மன அழுத்தத்தை தருகிறது. இதன் காரணமாக அவளுக்கு, சிற்சில விஷயங்களில் மறதி வருகிறது. ஓரிரு வருடங்களுக்கு பிறகு, அவள் இன்னொருவனை சந்திக்கிறாள். ஒரு மிக அழகான காதல் இருவருக்கும் வருகிறது. திருமணமும் ஆகிறது. இவன் ஆர்கிடெக்ட். அவள் பேஷன் டிசைனர். வாழ்வின் அனைத்து தருணங்களும் தளும்ப தளும்ப காதலாலும் மகிழ்ச்சியாலும் நிறைகிறது. பின்பான ஒரு சமயத்தில் தன் ஞாபக மறதி அதிகமாகுவதை உணரும் அவள், மருத்துவரை சந்திக்கிறாள். பரிசோதனைகளுக்கு பிறகு அவளுக்கு Alzheimer's disease எனும் மறதி நோய் வந்திருப்பது தெரிகிறது.
.
Alzheimer's disease எனும் மறதி நோய் தாக்கினால், சமீப நினைவுகளில் துவங்கி கொஞ்சம் கொஞ்சமாய் ஞாபகங்கள் மறைந்துகொண்டே போய், ஒரு கட்டத்தில் அனைத்தும் மறந்து, கிட்டத்தட்ட மூளைச்சாவு வந்துவிடும், உடலில் மரணம் வரும் முன்பு. இவளின் சமீப நினைவு, இவனும், இவனுடனான காதலும்தான். "நீ எதற்கும் கவலைப்படாதே, உன் நினைவாய் நானிருப்பேன்" என்று சொல்லி, வீடு முழுதும் துணுக்குக் குறிப்பால் (Sticky Notes) நிரப்புகிறான். இவளுக்கு எல்லாமுமாயும் இருக்கிறான். சமயத்தில் அவளுக்கு எல்லாமும் மறந்துவிடுகிறது. பின் நினைவுகள் திரும்புகிறது. இவ்வாறான நினைவு அலைக்கழிப்பால், தன் கணவனையே, தன் முந்தைய காதலனின் பெயரால் அழைக்க கூடிய அளவுக்கு போய்விடுகிறது. இவர்களின் அழகான காதல் வாழ்க்கை என்னவானது? இவளுக்கு அவன் யாரென்பதாவது ஞாபகத்தில் இருந்ததா?
.

முதலிலேயே ஒன்றை சொல்லிவிடுகிறேன். இது ஒரு அழகான காதல் மெலோ டிராமா. கடந்த பதிவில் சொன்னது போலவே அழகான, மெல்லிய நகைச்சுவையோடான காதல் திரைப்படங்கள், கொரியர்களுக்கு அல்வா சாப்பிடுவது போல. இத்திரைப்படமும், அவளுக்கு மறதி நோய் தாக்கியது தெரியவரும் வரை, படம் மெல்லிய நகைச்சுவையும், காதலுமாய் போகிறது. ஆனால் அதன் பின், Christmas in August திரைப்படம் மாதிரி அல்லாமல், கொஞ்சம் நெகிழ வைக்கும் காட்சிகள் உண்டு. ரத்தமும் சதையுமான காதலின் வலியை இப்படிக்கூட சொல்லவில்லையென்றால் எப்படி. ஆனால் அதிர்ச்சியான அல்லது சோகமான முடிவு இல்லாமல் கொஞ்சம் பாசிட்டிவான முடிவு எனக்கு பிடித்திருந்தது. இவளின் ஆழ்மனத்தில் உருகிக்கிடக்கும் ஒரு நினைவை கொண்டு அவனை உயிர்பித்துக்கொள்கிறான். அவளிடத்தே மீதமிருக்கும், அவனை பற்றியதான அம்மீச்சிறு நினைவு அவனுக்கு போதுமானதாயிருக்கிறது. மறுநாள், அவள் மீண்டும் எல்லாவற்றையும் மறந்து போகலாம்.
.
வழக்கமான காதல் நிறைந்த கொரியப்படங்களை போலவே, இத்திரைப்பட நாயகியும் கொள்ளையழகு. காதல் கொள்ளவைக்கும் அழகு. நாயகன் The Warrior (2001) [Musa], The Good the Bad the Weird (2008) படங்களில் நடித்திருப்பவர். "மெலோ டிராமாக்களை இன்று தென்கொரியத்திரைப்படங்கள் மட்டுமே வாழவைத்துக்கொண்டிருக்கிறது. மற்றவர்கள் கிளிஷேக்களால் நிறைந்து போனார்கள்", என்றொரு கருத்து இருக்கிறது. என்பதனால் ஒரு கோரிக்கை. இத்திரைப்படத்தை அறிவியல் பூர்வமாக அணுகவேண்டாம், சில லாஜிக் இடிக்கக்கூடும். அறிவியல் பூர்வமாக அணுகுவதற்க்கென்று ஒரு படம் வைத்திருக்கிறேன். அடுத்தப்பதிவில் அத்திரைப்படத்தை பற்றிதான் எழுதப்போகிறேன். :)
.
A Moment To Remember (2004) - தவறவிடாமல் பார்க்கவேண்டிய காதல் கதை.. கீழிருக்கும் ட்ரைலரை பாருங்கள். நீங்கள் நிச்சயம் இத்திரைப்படத்தை பார்ப்பீர்கள். தேடிப்பிடித்தாவது பார்ப்பீர்கள்.. :)

ஏனென்றால் (தட்டையாக சொல்லவேண்டுமானால்) இது ஒரு தென் கொரிய டைட்டானிக்..
.

A Moment To Remember (2004) : TRAILER WITH ENGLISH SUBTITLE

18.04.2010

Christmas in August (1998) (Korean) - மென்மையின் கனம்..

2011-04-01T00:38:00.001+05:30

Original Title : Palwolui Christmas (8월의 크리스마스)
Director: Hur Jin-ho
IMDB Rating : 7.6 / 10
Rotten Tomatoes Rating : 89 %
.
கிட்டத்தட்ட, கடந்த பத்து பதினைந்து வருடங்களாக, உலக கவனத்தை தன் பக்கமாய் திருப்பி வைத்திருக்கின்றன, தென் கொரிய திரைப்படங்கள். ஆரம்ப காலங்களில், அப்படி தென்கொரியத் திரைப்படங்கள் உலக அரங்கில் கவனம் பெற காரணமாக அமைந்த சில முக்கிய திரைப்படங்களுள் இதுவும் ஒன்று. இன்றுமே தென் கொரியாவிலும், சைனாவிலும் திரைக்கதை, ஒளிப்பதிவு தொடர்பான வகுப்புகளில் அடிக்கடி இடம்பெறும் படமாக இப்படம் இருக்கிறது. இத்திரைப்படத்திற்கு பின் வந்த இயக்குனர்களும், படங்களும் இத்திரைப்படத்தினால் தாக்கம் பெற்றிருந்தனர்.
.

சரி படத்திற்கு வருவோம். நகைச்சுவை கலந்த காதல் திரைப்படங்கள் கொரியர்களுக்கு அல்வா சாப்பிடுவது போன்றது என்பதை நிரூபிக்கும் இன்னொரு படம்.
.
முப்பது வயதைக் கடந்த, திருமணம் செய்துகொள்ளாத, ஒரு சின்ன புகைப்பட ஸ்டுடியோ வைத்திருக்கும் நாயகன், தன் தந்தையோடு வாழ்ந்து வருகிறார். நாயகனின் சகோதரி, சகோதரியின் கணவர், அவர்களின் குழந்தை அவ்வபோது வீட்டிற்கு வந்து பார்த்துவிட்டு போவார்கள். இந்த நாயகன் கூடிய விரைவில் இறக்கப்போகிறவர். அவருக்கு ஏதோ ஒரு நோய்.
.
கிட்டத்தட்ட இருபது வயதுடைய நாயகி, போக்குவரத்து காவல்துறையில் பணிபுரிகிறவர். நிறைய புகைப்படங்களை பிரின்ட் எடுக்க நாயகனது கடைக்கு வரத்துவங்கி, பேசி பழகி, பின் மெதுவாக அவன் மீது காதல் அரும்புகிறது. இவர்களின் வாழ்க்கை என்னவானது என்பது திரைப்படம்.
.
மென்மையின் மேன்மை இந்த திரைப்படம். இறக்கப்போகிற நாயகன். இதுவே இந்தியத் திரைப்படமாக இருந்தால் படத்தில் நெஞ்சை கசக்கி பிழிந்து துவைத்து காயவைக்கிற அளவுக்கு சென்டிமென்டால் கொன்றிருப்பார்கள். (சமீபத்திய உதாரணம் : காவலன்) இந்த படத்தில் அந்த மாதிரி செண்டிமெண்ட் இல்லை. நாயகன் சிரித்தமுகம் மாறாது இருக்கிறான். எப்போதும் மென்சிரிப்பு. நாயகனின் அப்பாவோ அல்லது சகோதரியோ முகத்தை உம்மென்று வைத்துக்கொள்வதில்லை. அவர்களுக்கு அவன் இறக்கப்போவது தெரியுமா என்பதே நமக்கு தெரியாது. நாயகனுக்கு உடம்புக்கு என்ன, அவனுக்கு என்ன நோய் என்பதும் நமக்கு தெரியாது.

நாயகிக்கு இறுதிவரை இவன் இறக்கப்போவது தெரியாது. இறந்தபின்னும் தெரியாது. நாயகி இவனுக்கும், இவன் நாயகிக்கும் எழுதும் கடிதங்கள், பார்வையாளர்களாகிய நமக்கு காட்டப்படுவதில்லை. நாயகன் படிக்கும்போது கடித்ததில் நாயகி அழுதுக்கொண்டே அவள் குரலில் அக்கடிதம் வாசிக்கப்படுவதும், நாயகி படிக்கும்போது கடித்ததில் நாயகன் அவன் குரலில் அக்கடிதம் வாசிக்கப்படுவதும் இல்லைவே இல்லை. ஆனால் படம் முழுதும் மெல்லிய நகைச்சுவை அல்லது புன்சிரிப்பு இருந்துகொண்டே இருக்கிறது. ஆனால் படம் முடியும் போது மனம் ஆழ்ந்து கணக்கும். மென்மையின் கனம்..
.
நாயகன், துவக்கத்தில் புன்சிரிப்போடு இருந்தாலும் நாள் நெருங்க நெருங்க அவனிடம் ஒரு பதற்றம் வருவதை உணரமுடியும். நாயகி, துவக்கத்தில் நாயகனின் மீது எவ்வித எண்ணமும் இல்லாமல் இருந்தாலும் போக போக அவளிடம் வரும் சிரிப்பும் வெட்கமும் தன்னை அழகுசெய்துகொள்வதும் அழகு. (அந்த பெண் ஏற்கனவே கொள்ளையழகு என்பது வேறுவிஷயம்)
.
இன்னொரு மிகமுக்கியமான காட்சியொன்றை உங்களிடம் பகிர்ந்து கொள்ள விழைகிறேன். ஒரு பெரியகுடும்பம், குடும்ப புகைப்படம் எடுத்துக்கொள்ள நாயகனின் ஸ்டுடியோவுக்கு வருகிறது. குடும்ப புகைப்படம் எடுத்துக்கொண்ட பின் அக்குடும்ப தலைமகன், தன் வயதான அம்மாவை உட்காரவைத்து, ஒரு தனி புகைப்படம் எடுக்க சொல்கிறான் நாயகனிடம். அந்த முதிய அம்மாவின் கண்களில் அப்பட்டமாக தெரிகிறது, இந்த புகைப்படம் தனது வீட்டில் மாலைப்போட்டு சுவற்றில் மாட்டிவைக்கப் போகிற படமிது என்று. அது சரியாக வரவில்லை என்று காரணம் கூறி தனியே ஸ்டுடியோ வரும் அந்த முதிய அம்மா, இன்னொரு படமெடுக்க, தனக்கு பிடித்த உடையுடன் இன்னும் அழகாய் வந்து அமர்கிறார். "இதுக்கு காசு கேட்க மாட்டில்லை" என்று அம்மா, நாயகனிடம் சொல்லும் காட்சியை என்னவென்று சொல்ல.

தன் தந்தைக்கு எப்படி டிவியில் படம் போடவேண்டுமென்று விளக்கும் காட்சி...

.
Innocence இன்னும் வாழ்கிறது என்பதற்கு இத்திரைப்படம் ஒரு வாழும் உதாரணம். மிகச்சிறப்பான ஒளிப்பதிவு, பின்னணியிசை, திரைக்கதை என்பதையெல்லாம் சொல்லவும் வேண்டுமா? :)
.

ஆங்கிலம், பிரெஞ்சு Romance Comedy Melodrama திரைப்படங்கள் கிளிஷேவாகிவிட்ட நிலையில், இத்திரைப்படமும் இதற்கு பின் வந்த இதேமாதிரியான சில தென் கொரியத்திரைப்படங்களும்தாம் புத்துணர்ச்சிமிக்க Romance Comedy Melodrama திரைப்படங்களை நமக்கு தருகின்றன என்கிறார் ஒரு Linda Williams என்றொரு சினிமா விமர்சகர். My Sassy Girl திரைப்படத்திற்கு இன்னொரு மிக பொருத்தமான ஜோடி, இத்திரைப்படத்தில் நடித்தவர்கள்தான் என்கிறார் My Sassy Girl திரைப்படத்தின் கதையாசிரியர்.

- நன்றி விக்கிபீடியா
.
Christmas in August (1998) - Pure Innocence.. Pure Love.. Pure Humanity.. Its Damn Pure..
மிகுந்த மென்மையான, அப்பழுக்கற்ற, மேன்மையான படம்.
.
I always knew that feelings of love would fade just like old photographs. But for you, you will always remain in my heart, as you are in my last moment. Thank you and goodbye...
.

இந்த திரைப்படத்தின் ட்ரைலர் கிடைக்கல. ஆனால் அதைவிட சிறப்பான, அந்த பாட்டி ஸ்டுடியோவிற்கு திரும்ப வந்து புகைப்படம் எடுக்கும் காட்சியை இணைத்திருக்கிறேன். நிச்சயம் தவறாமல் பாருங்கள்.

01.04.2011

I Saw the Devil (2010) (Korean) - பிசாசை வேட்டையாடுதல்

2011-02-20T23:43:00.008+05:30

.
Original Title : Akmareul boatda (악마를 보았다)
Director: Kim Ji-Woon
IMDB Rating : 8.0/10
Rotten Tomatoes Rating : 86%
.
தென்கொரிய இயக்குனர் Kim Ji-Woon-ன் A Tale of Two Sisters (2003), A Bittersweet Life (2005) படங்களை பற்றி பதிவெழுதிருந்த போதே இப்படத்தை பற்றி எழுதியிருந்தேன். இப்படத்திற்காக காத்திருக்கிறேன் என்று. இயக்குனர் Kim Ji-Woon-ன் திரைப்படமென்பதால் இத்திரைப்படதிற்கு மிகுந்த எதிர்பார்ப்பு இருந்தது, என்னைப்போலான இவரின் உலகளாவிய ரசிகர்களிடத்து.
.

கொமோடோ ட்ராகன் (Komodo Dragon) பற்றி கேள்விப்பட்டிருப்பீர்கள். அளவில் பெரிய பல்லி இனத்தை சேர்ந்தது. அதன் எச்சில் உலகின் மிகு அசுத்தமான ஒன்று. அதனால் ஓடி பிடித்து வேட்டையாடி உண்ணமுடியாத ஒன்று (சில சமயங்களைத் தவிர). அது தன் இரையை ஒரு கடி கடித்து விட்டுவிடும். பின்பு தன் இரையை பின்தொடர ஆரம்பிக்கும். அந்த கடிபட்ட மிருகம் கொஞ்சம் கொஞ்சமாக நோய்வாயுற ஆரம்பிக்கும். கிட்டத்தட்ட ஒரு வாரத்தில் முழுமையாக தன் வலிமையை இழந்துவிடும் இரையை, கொமோடோ ட்ராகன்கள் சூழ்ந்து வேட்டையாடி உண்டுவிடும். இந்த படத்தில் கிட்டத்தட்ட இந்த மாதிரி ஒரு சூழல் வருகிறது.
.
பெண்களை கடத்தி வன்புணர்ந்து கொடூரமாக கொலைசெய்யும் தொடர் கொலைகாரனொருவன் ஒரு பெண்ணை கொடூரமாக கொலைசெய்கிறான். அது அவனது வாடிக்கைதான் (He hunts for pleasure). ஆனால் இந்த பெண்ணின் காதலன், கொரிய உளவுத்துறையில் பணிபுரிகிறவன். இவள் அடைந்த வலியைவிட பத்தாயிரம் மடங்கு வலியை அந்த கொலைகாரனுக்கு தருவேன் என்று சபதம் கொள்கிறான். பார்க்கையில் ஒரு பழிவாங்கும் கதைதான் என்றாலும் எடுத்தவிதம் உண்மையிலேயே ரத்தக்களரியானது. இந்த கொலைகாரன், காவல்துறையின் சந்தேகத்தில் இருக்கும் ஒருவன் என்பதால் அவனை கண்டுபிடிப்பது ஒன்றும் பெரிய விஷயமில்லை இந்த பெண்ணின் காதலனுக்கு. ஆனால் பார்த்தவுடனேயே அவனை கொன்றுவிடாமல் அவனை கொஞ்சமாய் அடித்துவிட்டு விட்டுவிடுகிறான். பின்னர் அவனை பின்தொடர்ந்து பின்தொடர்ந்து அவனை பழிவாங்குகிறான், கொமோடோ ட்ராகன்களை போலவே.
.
இத்திரைப்படத்தின் கிட்டத்தட்ட 80% சதவீத காட்சிகள் ரத்தத்தில் தோய்த்தெடுத்தது போல இருக்கிறது. மிகுந்த ரத்தம். அந்த கொலைகாரன் உண்மையிலே ஒரு பிசாசு, கடைசிக்காட்சி வரை. அவனைப்போன்ற ஒரு பிசாசை பழிவாங்குதல் என்பது, அவனுக்கு வலியையும் பயத்தையும் தருவதென்பது எவ்வளவு கடினமானதொன்று. ஒரு "கொல்லும் எந்திரம்" போலிருக்கிறான் அந்த கொலைகாரன். எனவே இவனும் ஒரு பிசாசாகிறான். இருப்பினும், "உன்னிடம் இருக்கும் எல்லாவற்றையும் நான் எடுத்துக்கொண்டேன், ஆனால் என்னிடமிருந்து எடுத்துக்கொள்ள உனக்கு எதுவுமே இல்லை" என்றவன் சிரிக்கும் போது உண்மையிலே தோற்றுவிடுகிறான் இந்த காதலன்.
.

இத்திரைப்படத்தில் அந்த கொலைகாரனாக வருவது Oldboy (2003), Lady Vengenge (2005) படங்களில் நடித்த Choi Min-sik, பழிவாங்கும் காதலனாக நடித்திருப்பது Joint Security Area (2000), BitterSweet Life (2005), The Good the Bad the Weird (2008) படங்களில் நடித்த Lee Byung-hun. இரண்டு பேருமே அந்தந்த கதாப்பாத்திரங்களில் சிறப்பாக செய்திருக்கிறார்கள். அதுவும் கொலைகாரனாக வரும் Choi Min-sik அதகளம் செய்கிறார். ஆனால் Lady Vengenge படத்தை போலவே இத்திரைப்பட கதாபாத்திரமும் அமைந்திருப்பது அவருக்கு லட்டு மாதிரி. ஆனால் தென்கொரியாவில் இவர் மிகுந்த வெறுக்கப்படும் நடிகராகக் கூட இருக்கலாம். :)
.
இயக்குனர் Kim Ji-Woon இத்திரைப்படத்தை சிறப்பாக எடுத்திருந்தாலும் அவரின் Master Piece படம் இதுவல்ல. அவரை பொருத்தவரை இத்திரைப்படம் அவருக்கும் லட்டு மாதிரிதான் இருந்திருக்கும் என்றே தோன்றுகிறது. ஆனால் மிகுந்த வன்முறையான ஒரு படம் எடுக்கப்போகிறார் என்று முன்பே தெரிந்திருந்தால் இத்திரைப்படம் அவ்வளவு வன்முறையாய் எனக்கு தெரியவில்லை. மேலும் சிறப்பான பின்னணிஇசை. அதுவும் கடைசிக்காட்சியில் அந்த காதலன் நடந்து போகத்துவங்க அந்த நீளும் காட்சியின் பின்னணியிசை அப்படியே படத்தின் பெயர்களோடு தொடர்ந்து, மிகசிறப்பாக இருந்தது. குறிப்பாக பியானோ, வயலின், செல்லோ போன்ற இசைக்கருவிகளை, கொரிய இசைக்கலைஞர்கள் மிகசிறப்பாக வாசிக்கிறார்கள். கூடவே மிகசிறப்பான ஒளிப்பதிவு.
.
தமிழ்ப்படங்களில் 'வன்முறை மிகுந்த திரைப்படம்', 'இது பலவீனமானவர்களுக்கு அல்ல' என்பவர்கள் இத்திரைப்படத்தை பாருங்கள். கொஞ்சமேனும் வன்முறையை புரிந்துகொள்ள இயலும்.
ஒரு தகவலுக்காக : இத்திரைப்படமும் வன்முறைக்காட்சிகளுக்காக நிறைய வெட்டுகளை வாங்கியபின்னரே அவர்களின் சென்சார் போர்ட் வெளிவிட அனுமத்திருக்கிறது.
.
I Saw the Devil (2010) - வேட்டையாடும் பிசாசை வேட்டையாடுதல்..
I Saw the Devil (2010) - ஒரு பிசாசை இங்கு காணுங்கள்..
.

I SAW THE DEVIL (2010) : TRAILER

My Rating : 4.0/5.0
20.02.2011

நடுநிசி நாய்கள் - திரைவிமர்சனம்

2011-02-19T15:13:00.003+05:30

விண்ணைத்தாண்டி வருவாயா திரைப்படத்திற்கு பிறகு கௌதமின் இயக்கத்தில் வந்திருக்கும் படம்தான் இந்த நடுநிசி நாய்கள். ஒரு சைக்கோ சீரியல் கில்லர் பற்றிய திரைப்படம். சிறுவயதிலேயே சொந்த தந்தையாலேயே பாலியல் வன்முறைகளுக்கு ஆளாக்கப்படும் சிறுவன் ஒருவன் பின்னாளில் மனபிறழ்வு ஏற்பட்டு ஒரு தொடர் கொலைகாரனாக மாறி இளம்பெண்களை கடத்தி வன்புணர்ந்து கொலை செய்யும் அளவுக்கு மாறிவிடுகிறான்.
.

குழந்தைகள் மீதான பாலியல் வன்முறைகள், அதனால் கொஞ்சம் மனநிலை பாதிக்கபட்டவன் போன்றவற்றைஎல்லாம் காதல் கொண்டேன் படத்தில் பார்த்தாயிற்று. கவுதம் இப்படத்தில் என்ன செய்திருக்கிறார் என்பதை பார்ப்போம்.

சைக்கோ சீரியல் கில்லர் படத்திற்காக இலக்கணங்கள் எதுவோ அதை அப்படியே பின்தொடர்ந்து படமெடுத்திருக்கிறார் கவுதம். முகத்திற்கு வெகு அருகில், நெற்றிக்கு மேலிருந்து படமெடுக்கும் கேமெரா பதிவில் வாக்குமூலம் தரும் சைக்கோ கில்லர், தலையை உதறிக்கொண்டு பிடித்துக்கொண்டு உணர்ச்சிவசப்படும், அல்லது வேறொரு மனிதனாய் பேசும் ஸ்ப்ளிட் பெர்சனாலிட்டி மாதிரி நிறைய கிளிஷே காட்சிகள். psycho, the chaser, மாதிரி நிறைய படங்கள் நினைவுக்கு வந்து போகிறது. அந்த பார்ட்டி eyes wide shut படத்தை ஞாபக படுத்துகிறது. சைக்கோ திரைப்படங்களையும் ஒரு பார்முலாவில் அடக்குகிறார்கள் :(
.
படம் முழுக்க வீரா என்கிற அந்த தொடர் கொலைகளை செய்யும் இளைஞன் மட்டுமே. பாதி படத்திற்கு பின் சமீரா வருகிறார். படத்தின் திரைக்கதை கொஞ்சம் The Chaser படம் மாதிரி. படத்தின் மிகப்பெரும் பலம் மனோஜ் பரமஹம்சாவின் ஒளிப்பதிவு. படத்தின் அதிகமான காட்சிகள் இரவில் நடக்கிறது. இரவை சிறப்பாக படம்பிடித்திருக்கிறார்.
.
உலகம் முழுக்க நிறைய பெண் குழந்தைகளும், அதே அளவில் ஆண் குழந்தைகளும் பாலியல் வன்முறைக்கு ஆளாகின்றனர். அதேநேரம் அந்த குற்றங்களை செய்பவர்கள் அந்த குழந்தைக்கு வெகு அருகில் இருப்பவர்களே. இதையெல்லாம் தமிழ் சினிமாவில் காட்ட முடியாத என்று நினைத்திருந்த போது, அதை எடுத்த தைரியத்திற்காக கவுதமை பாராட்டவேண்டும். குறிப்பாக தந்தையாலேயே பாலியல் வன்முறைக்கு ஆளாகும் சிறுவன், பக்கத்து வீட்டு மீனாட்சியம்மா கதாப்பாத்திரம், இந்த மீனாட்சியம்மா கதாபாத்திரம் கலாச்சார காவலர்களை மிகுகோபமடைய வைக்கும் என்பதில் சந்தேகமில்லை.
.
படத்தில் நிறைய குறைகள் இருக்கின்றன. ரொம்பவே போரடிக்கும் திரைக்கதை, ஒரு த்ரில்லர் கொஞ்சம் கூட த்ரில்லராய் இருக்காதது, நிறைய கிளிஷேக்கள், பழைய சைக்கோ திரைப்பட பார்முலாக்கள், லாஜிக்குகள் இல்லாதது போன்றவை. அதே நேரத்தில் பாடல்களோ அல்லது பின்னணியிசையோ இல்லாமல் படம் எடுக்கும் தைரியத்திற்காக கவுதமை பாராட்ட வேண்டும்.
.
நடுநிசி நாய்கள் - நல்ல முயற்சி. சிறப்பாக தர முயன்றிருக்கலாம். அதே நேரம் படம் பலவீனமானவர்களுக்கும் கலாச்சார காவலர்களுக்கும் ஏற்றது அல்ல.
.

19.02.2011

யுத்தம் செய் - திரைவிமர்சனம்

2011-02-05T19:02:00.008+05:30

இயக்குனர் மிஷ்கினிடமிருந்து நான்காவது திரைப்படமாய் வந்திருக்கிறது யுத்தம் செய். படம் கிட்டத்தட்ட அஞ்சாதே இரண்டாம் பாகம் போலிருக்கிறது. ஒரு விசாரணை திரைப்படம். நிச்சயமாய் Memories Of Murder படத்தை உருவவில்லை. :)
.

பொது இடங்களில் வெட்டப்பட்ட மனிதக் கைகள் அட்டைபெட்டியில் கிடைக்கத் துவங்குகிறது. இதை விசாரிக்க சேரனை நியமிக்கிறார்கள் காவல் துறையிலிருந்து. ஏற்கனவே, காணமல் போன தன் தங்கையை தேடிக்கொண்டிருக்கும் சேரன் இந்த வழக்கையும் துப்பறிய ஆரம்பிக்கிறார். இதற்கிடையில் இளம்பெண்களை கடத்தி வன்புணரும் கூட்டம் ஒன்று நகரத்தில் செயல்பட்டுக்கொண்டிருக்கிறது. இந்த மூன்று வழக்குகளும் ஒன்றோடொன்று தொடர்பிருக்கிறது. இறுதியில் இதையெல்லாம் செய்பவர்கள் யார், அவர்களின் நோக்கம் என்ன? மர்மங்கள் என்ன? என்பது இந்த யுத்தம் செய்.
.
ஒரு அச்சு அசல் மிஷ்கின் திரைப்படம். கொட்டும் மழையிரவில், வானிலிருந்து கீழ்நோக்கி பார்க்கும் காட்சியொன்றில், பெண்ணைக் கடத்துவதில் துவங்குகிறது திரைப்படம். நிற்கும், நடக்கும், ஓடும், வெறிக்கும், ஊசாலாடும், தலைகீழாய் சுழலும் கேமராக் கோணங்கள், அலைவுறும் கால்களை துரத்தும் கேமரா காட்சிகளென மிஷ்கின் பாணித் திரைப்படம். பின்னணியில் மிக சிறப்பான பின்னணிஇசை. நிறைய நுணுக்கமான தகவல்கள். காவல்துறை இயங்கும் பாணி. காவல் நிலையங்கள், குற்றம் நடக்கும் இடங்கள், பிணவறைகள் என நிறைய நுணுக்கமான அதே நேரம் மிக யதார்த்தமான காட்சிகள். தமிழ் திரைப்படங்களில் எப்போதும் துப்பாக்கியும், முறுக்கிய மீசையும், நிமிர்த்திய நெஞ்சுமாக திரியும் போலிஸ் கதாநாயகர்கள் போல் நிஜத்தில் நடப்பதில்லை. ஒரு கைத்துப்பாக்கியே விசாரணையின் தீவரம் புரிந்தபிறகே சேரனுக்கு வழங்கப்படுகிறது.
.
மேலும் முதல் பாதி மிகசிறப்பாக வந்திருக்கிறது. மெதுவாக எவ்வித தடயமும் இன்றி துவங்கி கொஞ்சம் கொஞ்சமாக விசாரணை தீவிரமடைவது மிகசிறப்பாக வந்திருக்கிறது. இரண்டாம்பாதிதான் கொஞ்சம் தொய்வு. இரண்டாம் பாதியின் முதல் காட்சியிலேயே அது யாரென்பதை தெரிந்து விடுகிறது. மேலும் நிறைய விளக்கங்கள். குறிப்பாக ஜெயப்ரகாஷ் ரொம்பவும் விளக்குகிறார். அது நெருடல். கேமராவை பார்த்து பேசுதல் எல்லாம் தேவையே இல்லை. வலிந்து நியாயப்படுத்துதல் தேவையே இல்லை. படம் பார்ப்பவர்களுக்கு நிச்சயம் புரியும். மேலும் கடைசிக்காட்சியும் அப்படியே. அதுவும் நெருடல். யதார்த்தத்தை மீறிவிடுகிறது கடைசிக்காட்சி. இதனால்தான் இந்த படத்தை அஞ்சாதே அளவுக்கு இல்லையென்றே சொல்லவேண்டியிருக்கிறது. ஆனால் இப்படத்தின் முதல்பாதி அஞ்சாதே படத்தைவிட சிறப்பாக வந்தபோதிலும்.
.
அஞ்சாதே, யுத்தம் செய் பாணியில் இன்னொமொரு படமெடுத்தால் ஒரு Trilogy வந்துவிடும். மிஷ்கின் முயற்சிக்கவேண்டும். படத்தின் பலங்கள் மிஷ்கின், சத்யாவின் கேமெரா கோணங்கள் (ஸ்பெஷல் பாராட்டுக்கள்) , கே'வின் மிகசிறப்பான பின்னணிஇசை, சேரனின் சோகம் கவ்விய முகம் எல்லாம் சிறப்பு. மிஷ்கின் தமிழ் சினிமாவின் மிக முக்கிய இயக்குனர் என்பதை மீண்டும் நிரூபித்திருக்கிறார்.
.
படத்தில் ஒரு பாடல் மட்டும் வருகிறது. மிஷ்கினின் மஞ்சள் நிற சேலை குத்துபாட்டு. :) எழுத்தாளர் சாரு பாடலில் தோன்றுகிறார். :)
.
யுத்தம் செய் - Get Ready For The Mystery..
.

05.02.2011

Mother (2009) (Madeo : Korean) - நினைவுகளின் சுமை/வலி

2011-01-17T15:04:00.008+05:30

Original Title : Madeo (마더)
Director: Bong Joon-ho
IMDB Rating : 8.0/10
Rotten Tomatoes Rating : 95%

இயக்குனர் Bong Joon-ho-ன் இயக்கத்தில் நான் பார்த்த முதல் திரைப்படம் The Host (2006). நம்மில் அநேகர் பார்த்திருக்கக்கூடிய திரைப்படம். ஓரிரு வருடங்களுக்கு முன்பு அந்தத் திரைப்படத்தை பார்த்த போது அதன் இயக்குனரைப் பற்றியெல்லாம் நான் அறிந்திருக்கவுமில்லை. பின்னரும் கூட.

ஆனால் சமீபத்தில் இவரின் Memories of Murder (2003) திரைப்படத்தைப் பார்த்தபின்பு இவரின் மற்றத் திரைப்படங்களையெல்லாம் பார்த்தே ஆகவேண்டும் என்ற ஆவல் வந்ததது. இவர் இதுவரை இயக்கியத் திரைப்படங்கள் நாலே கால் மட்டுமே. இந்தப் பதிவில் நாம் பார்க்கப் போகும் திரைப்படம் இவரின் சமீபத்திய திரைப்படமான Mother (2009).
.
ஒரு முதிய அம்மா. மூலிகைகளை விற்பதும், அனுமதியற்ற Acupuncture வைத்தியம் செய்வதும் அவரின் தொழில். அவரின் பையன். அவன் இளைஞன் என்றாலும் மனதளவில் அப்படியில்லை. கொஞ்சம் Mentally Disturbed. எல்லாவற்றையும் உடனுடக்குடன் மறந்துவிடுபவன். எத்தனை வயதானாலும் தன் குழந்தையை குழந்தையாகவே கருதுவாள் அம்மா. இந்தக் குழந்தை மனதளவிலும் குழந்தை என்பதால் அவனை கண்ணும் கருத்துமாக கவனித்து வருகிறாள். இவர்களின் வீடருகே இளம் பள்ளிச்சிறுமி கொலைசெய்யப்படுகிறாள் ஒரு மழையிரவில். காவல்துறை இந்த அம்மாவின் பையனை கைது செய்கிறது. தன் பையன் கொலையெல்லாம் செய்திருக்க வாய்ப்பில்லை என்று அந்த அம்மா மன்றாடுகிறாள். கொலை செய்தவனை எப்படியாவது கண்டுபிடித்து தன் பையனை காப்பாற்றவேண்டுமென்று போராடுகிறாள். இந்த தேடுதலே இத்திரைப்படம் Mother.
.
சிறப்பானக் கொரியத் திரைப்படங்களாக தேடித் தேடி பார்த்துக்கொண்டிருக்கிறேன். இவர்களின் மிகசிறப்பான பலம் கதை, திரைக்கதை, கதைசொல்லும் முறை, உணர்வுகளை உணர்வுகளாக காட்சியில் கொண்டு வரும் திறமை, இவர்களின் நடிகர்கள், ரத்தமும் சதையுமான யதார்த்தம், நூறு இளையராஜாக்கள் வாசிப்பது போன்ற மிகசிறப்பான பின்னணி இசை போன்றவை. ஒரு வரியில் சொல்ல வேண்டுமென்றால் ஒரு கதையை திரைப்படமென்கிற காட்சி ஊடகத்தில் எப்படி கொண்டுவரவேண்டுமென்று தெரிந்த இயக்குனர்கள். இத்திரைப்படமும் அதற்கு கொஞ்சமும் விதிவிலக்கல்ல.
.
மேலும் ஒரு திரைப்படத்தின் கடைசிக்காட்சி எப்படி இருக்கவேண்டுமென்பதற்கு இவரின் இவ்விரு படங்கள் (Mother மற்றும் Memories of Murder) மிகச் சரியான உதாரணம் என்பேன். மேலும் பின்னணியிசை எப்படியிருக்கவேண்டுமென்பதற்கும். (இங்கு கடைசிக்காட்சி என்பதை கடைசிக்காட்சி என்பதாகவே புரிந்து கொள்ளவும். கிளைமாக்ஸ் என்பதாக புரிந்து கொள்ளவேண்டாம். இத்திரைப்படங்கள் உச்சக் காட்சி (climax) போன்றவற்றில் நம்பிக்கையற்றவை)

உண்மையில் இத்திரைப்படத்தின் (Mother) கடைசிக்காட்சியில் பிரமிப்புகளில் உச்சத்துக்கே சென்றேன் என்பதே உண்மை. அந்தக் கடைசிக்காட்சியில் அந்த அம்மா, அந்த சுற்றுலா பேருந்தில், நினைவுகளை உதறித் தள்ளிவிட்டு, சக மனிதர்களோடு, ஆடத்துவங்கும் காட்சியில் (முதல்காட்சியை போலவே), பின்னணியில் மாலை மஞ்சள் வெயிலில், அதிரும் காட்சியாக, அந்த பின்னணியிசையும், அதோடு அந்த நீண்டக்காட்சி முடிந்து பெயர்கள் திரையில் ஓடும்போது அப்படியே தொடரும் பின்னணியிசையும்....... உண்மையிலேயே காட்சியின் உச்சம்.. பிரமிப்பின் உச்சம்.. அற்புதத்தின் உச்சம்.. That was an Epic Scene..
.
Mother (2009) - நினைவுகளை உதறித்தள்ளத் துடிக்கும் தாய்மை..
.
Mother : Official Trailer

17.01.2010

ஆடுகளம் - திரைவிமர்சனம்

2011-01-14T12:31:00.009+05:30

நண்பர்களனைவருக்கும் இனிய பொங்கல், தமிழ்ப் புத்தாண்டு வாழ்த்துக்கள்.

பொல்லாதவனுக்கு பிறகு தனுஷ்-வெற்றிமாறன்-G.V.பிரகாஷ் வெற்றிக்கூட்டணியில் வெளிவந்திருக்கும் படம் ஆடுகளம். பொல்லாதவனுக்கு பிறகான எதிர்பார்ப்பை வெற்றிமாறன் கச்சிதமாக நிறைவேற்றியிருக்கிறார் என்றே சொல்லவேண்டும். சிறப்பாக வந்திருக்கிறது ஆடுகளம்.
.

சேவல் சண்டையில் பேட்டைக்காரன்தான் மதுரையிலேயே 40 வருடமாக கில்லாடி. (பேட்டைகாரனாக நடித்திருப்பவர் ஒரு கவிஞர், பெயர்தான் ஞாபகத்தில் வரமாட்டேனென்கிறது)அவரின் மூன்று முக்கிய ஆட்கள் ஒரு பெரியவர், கிஷோர், தனுஷ். இவர்களின் முக்கிய போட்டிக்காரன் உள்ளூர் போலிஸ் இன்ஸ்பெக்டர். எப்படியாவது பேட்டைக்காரனின் சேவலை ஒரு முறையாவது வென்றுவிட வேண்டுமென்பது அவரின் தீராத வெறி. திரைப்படத்தின் முதல் பாதி இவர்களின் சண்டைகளிலேயே விறுவிறுவென போகிறது. இதற்கிடையில் தனுஷ், ஆங்கிலோ-இந்தியன் பெண்ணான தப்சி பானு மீது காதல் கொள்கிறார். இதற்கிடையில் பேட்டைக்காரனின் உற்ற நண்பனை எதிர்சாரர் போட்டுத்தள்ள, ஒரு பெரிய சபதத்தின் பின், ஒரு பெரிய சேவல் சண்டை போட்டியில் இரண்டு குழுவும் மோதிக்கொள்கிறது. விறுவிறுப்பான நரம்புகள் அதிரும் சேவல் சண்டை. தனுஷின் சேவல் முக்கிய கட்டத்தில் எதிர்சாரரின் சேவலை மூன்று முறை தோற்கடித்து , மூன்று லட்சம் பணமும் வெற்றி பெறுகிறார். தன்பேச்சை கேட்காத தனுஷ் மீது பேட்டைக்காரனின் வன்மம் படரத் துவங்க இந்த சண்டைச் சேவல்களின் வாழ்க்கை என்னவானது என்பது மீதிப்பாதி.
.
பொல்லாதவனுக்கு பின்பு வெற்றிமாறனின் இரண்டாவது படம் என்பதால் மிகப்பெரும் எதிர்பார்ப்பு எனக்கிருந்தது. பொல்லாதவனை விடவும் சிறப்பாக எடுத்திருக்கிறார். மதுரையின் பேச்சு வழக்கும், சேவல் சண்டைகளின் உக்கிரமும், மனிதர்களின் வன்மத்தையும் மிகசிறப்பாக படத்தில் கொண்டுவந்திருக்கிறார். குறிப்பாக கதாப்பாத்திர தேர்வு மிகமிக சிறப்பு. பேட்டைக்காரன், தனுஷ், கிஷோர், தனுஷின் அம்மா, தனுஷின் நண்பர், போலிஸ் இன்ஸ்பெக்டர் என எல்லாருமே அருமை. தனுஷின் காதல் கதை தேவையில்லாதது என்று சொல்ல நினைத்தாலும், கடைசியில் தனுஷுக்கு வேறு யார் இருந்திருப்பார்கள் என்பதற்காக அந்த நாயகியும் அவசியமாகிறது. மதுரை வட்டார மொழி வழக்கில் வசனங்களும் அருமை. G.V.பிரகாஷின் பின்னணியிசையும் அருமை. மேலும் எந்த பாடலையும் பாடல் காட்சியாய் படமாக்காமல், பின்னணியில் மட்டும் ஒலிக்கவைத்திருப்பது சிறப்பு. அதேநேரம் "ஒத்த சொல்லால" பாடலை பாடல் காட்சியாய் திரையில் எதிர்பார்த்திருந்தேன் என்பதும் உண்மை. அதேபோல் வரும் இரண்டு சண்டைக்காட்சியும் இயல்பான சண்டையாகவே இருந்தது. சினிமா சண்டைகாட்சிகள் அல்ல.
.
பல காட்சிகள் சிறப்பு. போலிஸ் ஸ்டேஷனில் பேட்டைக்காரனுக்கு நடந்த அவமானம் முதல் கடைசிக்காட்சியில் தனுஷிடம் எந்த விளக்கமும் கொடுக்காமல் முடித்துக்கொள்வது மாதிரியான காட்சிகள் மிக சிறப்பு. அவமானங்களை பதிவு செய்யாமல் விட்டிருப்பது சிறப்பு. சேவல்களை துன்புறுத்தக் கூடாதென்பதற்க்காக சேவல் சண்டைகளில் நிறையகாட்சிகளை கிராபிக்ஸ் மூலம் உருவாக்கியிருக்கிறார்கள். கடந்த இரண்டுமூன்று படங்களாக வெறுப்பேற்றிய தனுஷ்க்கு அல்வா மாதிரியான கதாப்பாத்திரம், பட்டையை கிளப்பியிருக்கிறார். தனுஷ்க்கு வெற்றிப்படமாக மட்டுமல்லாமல் பெயர் வாங்கித்தரும் படமாகவும் வந்திருக்கிறது.

நிச்சயம் இந்த புதுவருடத்தின் முதல் சிறப்பான பங்களிப்பாக இந்த ஆடுகளம் வந்திருக்கிறது. தரமான தமிழ்த் திரைப்படம். உலகத் திரைப்பட விழாக்களில் பங்குபெறகூட அனுப்பலாம். வெற்றிமாறனுக்கும் தனுஷ்க்கும் வாழ்த்துக்கள் மற்றும் பாராட்டுக்கள். வெற்றிமாறன் தமிழ்சினிமாவின் நம்பிக்கை நட்சத்திரம்.

படத்தில் பணியாற்றிய அத்துணை கலைஞர்களுக்கும் பாராட்டுக்கள். வருடத்துவக்கத்திலேயே சன் பிக்ச்ஸ்ர்சுக்கு வெற்றிப்படம்.

.
ஆடுகளம் - வஞ்சத்தில் வீழும் சண்டைச்சேவல்கள்
.

டிஸ்கி 1 : பொல்லாதவன் பைசைக்கிள் தீவ்ஸ்'ன் உல்டா என்று சிலர் சொல்லியதை போல் இந்த ஆடுகளம் அமேரோஸ் பெரோசின் உல்டா என்று யாரேனும் சொல்லாடாதீங்கப்பு. தமிழில் நாலு பேர்தான் நல்ல படம் எடுக்கணும்ன்னு இருக்காங்க. அவங்களையும் தொரத்திடாதீங்க. (ஆனால் உண்மையாகவே எங்கிருந்தோ சுட்டிருந்தால் மட்டும் சொல்லவும்)

டிஸ்கி 2 : சேவல் காடு என்னும் சிறுகதையைத்தான் ஆடுகளமாய் எடுத்திருக்கிறார்கள் என்றொரு தகவல் உலவுகிறது. நான் சேவல் காடு படித்திருக்கவில்லைஎன்பதால் அதைப் பற்றி எந்தகருத்தும் சொல்ல இயலவில்லை.

14.01.2011

Cashback (2004) (2006) - உறைந்த கணங்கள் : 18+

2011-01-11T04:02:00.004+05:30

Cashback (2004) (Short)
IMDB Rating : 7.7/10
.
குறும்பட இயக்குனர் Sean Ellis, 2004-ல் எடுத்த குறும்படம் Cashback. உலகெங்கிலுமாக திரைப்பட விழாக்களில் ஆறு சர்வதேச விருதுகளை வென்றது. மேலும் Live Action Short Film, என்ற பிரிவில் ஆஸ்கருக்கு பரிந்துரைக்கப்பட்டது. Youtube-ல் தேடிப்பார்த்ததில் இக்குறும்படத்தின் முதல் பாதி கிடைத்தது. Nudity காரணமாக இரண்டாம் பாதி Youtube-ல் இல்லையென்று நினைக்கிறேன்.

.

Cashback (2006)
IMDB Rating : 7.5/10
Rotten Tomatoes : 47%

Cashback (2004) குறும்படத்தை தொடர்ந்து Sean Ellis எடுத்த முழுநீளத் திரைப்படம் Cashback (2006). குறும்படத்தின் கதைக்கு முன்னும் பின்னுமாய் ஒரு காதல் கதையும் சேர்த்து முழுநீளத் திரைப்படமாக்கியிருக்கிறார்.

தன் காதலி சண்டையிட்டு பிரிந்துபோவதில் துவங்கிறது திரைப்படம். காதலியின் பிரிவு தூக்கமின்மையை தருகிறது, அவனுக்கு. திடீரென்று அறையில் வந்து சேர்ந்துவிட்ட இரவுபூதத்திடமிருந்து தப்பிக்க எண்ணி ஒரு பெரு அங்காடியில் இரவுநேர பணியாளனாக சேர்கிறான். அவன் ஒரு ஓவியக் கல்லூரி மாணவன். இரவு நேரத்தின் ஒவ்வொரு நொடியும் பெருஞ்சுமையாய் மாறுகிறது அவனுக்கு (கூட இருக்கும் சகப்பணியாளர்களுக்கும்தான்). நொடி நொடியாய் நகரும் இரவை உறைய வைக்கிறான். இவ்வுலகின் அழகு பெண்மையில்தான் இருக்கிறது என்று நம்பும் அவனுக்கு பெண்ணின் நிர்வாணமே கலையின் உச்சமாய் தெரிகிறது. இரவின் ஒவ்வொரு கணத்தையும் உறையவைத்து, பெரு அங்காடிக்கு வரும் பெண்களின் நிர்வாணத்தை ஓவியமாய் வரைகிறான். உறைந்த கணங்களை ஓவியமாய் பிடித்துவைக்கிறான். சக பணியில் இருக்கும் பெண்ணொருத்தி அவன் சாபங்களை ஒரு முத்தத்தில் உடைத்து நொறுக்குகிறாள். அன்பும் அழகும் ஒளிந்திருக்கும் கணங்களை மீட்டெடுக்கிறான்.

படம் முழுக்க நாயகனின் narration-ல் நிகழ்கிறது. நிகழ்காலத்திற்கும் கற்பனைக்கும் இடையிலான அலைவுகளில் சிக்கி திணறும் நாயகனின் மன அலைவுகளே இத்திரைப்படம். மிகுந்த அழகியல் நோக்கில் படம்பிடிக்கப்பட்ட ஒளிப்பதிவும், அதன் பின்னணி இசையும் சிறப்பு. ஓர் அழகான திரைப்படம். எனக்கு பிடித்தமான திரைப்படங்களுள் ஒன்றாகிவிட்டது.

அதே நேரம் இத்திரைப்படத்தை பொறுத்தவரை ஒரு அழகான artistic romance comedy-க்கும் ஒரு teen romance comedy-க்கும் இடையில் ஊசலாடுவதன் காரணமாக கலவையான விமர்சனங்களுக்கு உள்ளாகுகிறது. IMDB Rating-க்கும், Rotten Tomatoes Rating-க்கும் இடையில் இருக்கும் வித்தியாசம் அதைத்தான் சொல்கிறது.

Once upon a time, I wanted to know what love was. Love is there if you want it to be. You just have to see that it's wrapped in beauty and hidden away between the seconds of your life. If you don't stop for a minute, you might miss it. - Ben (Cashback)

Cashback (2006) - ஒவ்வொரு கணத்திலும் ஒளிந்திருக்கும் அன்பையும் காதலையும் அழகையும் அதீத கற்பனைகளின் மூலம் மீட்டெடுத்தல்..
.
Cashback (2004) (Short) : Awards

Best European Short Film Festival (Grand Prix)
Chicago International Film Festival (Gold Hugo)
Leuven International Short Film Festival (Audience Award)
Lille International Short Film Festival (First Prize)
Tribeca Film Festival (Best Narrative Short)
FIKE 2005 - Évora International Short Film Festival (Audience Award)

Cashback (2006) (Feature) : Awards

Bermuda International Film Festival (Won Jury Prize)
San Sebastian International Film Festival (Won C.I.C.A.E Award)
.
Cashback (2006) Trailer :: WARNING 18+ (Trailer Contains Nudity)

11.01.2010

Memories of Murder (2003) (Korean) - Zodiac (2007) - ஒரு பார்வை

2011-01-05T02:39:00.020+05:30

அன்பின் நண்பர்களனைவருக்கும் இனிய புத்தாண்டு வாழ்த்துக்கள்.

அதிஷாவின் பதிவின் மூலம்தான் Memories of Murder திரைப்படம் பற்றி தெரிந்துகொண்டேன். இச்சிறப்பான திரைப்படத்தை பார்த்த பின், இப்படத்தை பற்றி எழுத நினைத்தபோது Zodiac திரைப்படமும் நினைவுக்கு வந்ததால் ஒரு கட்டுரை மாதிரி இப்பதிவை எழுதுகிறேன். கொஞ்சம் பெரிய பதிவிது. ஆனால் சுவாரஸ்யமாக இருக்குமென்று நம்புகிறேன். கொஞ்சம் மூச்சை இழுத்துவிட்டுவிட்டு படிக்க ஆரம்பியுங்கள். :)
.

Obsession. ஒன்றின் மீதான அதீத ஆர்வம் அப்படியே வெறி போல் ஆகிவிடுவது. ஒரு வெற்றுத்தாளில் கிறுக்குவது முதல், ஒரு கண்டுப்பிடிப்பில் ஈடுபட்டிருக்கும் விஞ்ஞானியின் பரிசோதனை வரை நாம் இதை காணக்கூடும். இந்த இரு படங்களை பொறுத்தவரை, காவல் துறையில் இருப்பவர்களுக்கு, ஒரு வழக்கை விசாரிக்கும் போது, குற்றவாளியை தேடுகையில், தேடி தேடி கிடைக்காமல் போகுகையில், அவ்வழக்கு காலபோக்கில் தீர்க்கப்படாத வழக்காக ஆகிவிடும்போது, அந்த வழக்கின் விசாரணையில் ஈடுபட்டிருக்கும் அதிகாரிகளுக்கு, மிகப்பெரும் மனச்சுமையை தந்து, அது அவர்களின் போக்கையே மாற்றிவிடுகிறது. அவர்கள் வாழும் காலம் வரை அது நீங்கா வடுவாக மாறிவிடுகிறது. மேலும் அந்த வழக்கையோ அல்லது தனது பணிக்காலத்தின் மற்ற வழக்குகளை விசாரிக்கும் போதும் இந்த வெறி, வெவ்வேறு விதங்களில் வெளிப்பட்டு, யாரைவது பிடித்து, 'இவன்தான் அந்த குற்றவாளி' என்று எப்படியாவது நிறுவி, அவ்வழக்கை முடித்துவிட விரும்பும் ஒரு தவறான மனநிலை தந்து விடுகிறது. மேலும் அந்த தேடும் Obsession, அவர்களின் மனசிக்கலாகவும் ஆகி, அவர்களின் சொந்த வாழக்கை மிக சிக்கலானதொன்றாகி விடுகிறது.

இதே மாதிரியான வேறொரு படத்தையும் இந்த தளத்தில் நாம் பார்த்திருக்கிறோம். அது The Secret in Their Eyes (2009) (Spanish).

இப்பதிவில் நாம் பார்க்கப்போகும் இவ்விரண்டு படங்களும் (Memories of Murder (2003), Zodiac (2007)) உண்மையான, தீர்க்கப்படாமல் போன இரண்டு வழக்குகளை அடிப்படையாக கொண்டு திரைப்படங்களாக உருவாக்கம் பெற்றிருக்கின்றன.
.

Memories of Murder (2003) (Korean)

Original title: Salinui chueok
Director: Joon-ho Bong
IMDB RANK : 8.1/10
Rotten Tomatoes : 88%

தென்கொரியாவின் நகரொன்றில் இரண்டாவது கொலையும் நடந்தேறுகிறது. முதல் கொலையை போலவே அப்பெண் வன்புணர்ந்து கொல்லப்பட்டிருக்கிறாள். அவ்வூர் புலனாய்வு அதிகாரிகள் இரண்டு பேர் விசாரிக்க வருகிறார்கள். இவர்களின் விசாரணை மிகவும் கண்மூடித்தனமாக இருக்கிறது. யாரையாவது அடித்துத்துவைத்து குற்றவாளி என்று நிரூபிக்கும் போக்கு அவர்களுடையது. இச்சமயத்தில் மூன்றாவதாக ஒரு அதிகாரி வருகிறார், தென்கொரியாவின் தலைநகர் சியோலிலிருந்து. அவர் கொஞ்சம் பொறுமையாக, நிதானமாக, அப்பாவிகளை துன்புறுத்தாமல் வழக்கை விசாரிக்கிறார். இதனால் இவருக்கும் மற்ற இருவருக்கும் பிணக்கு வருகிறது. கொலைகளும் தொடர்ச்சியாக நடக்கிறது. பின்பு துப்புகள் துலங்க ஆரம்பிக்க ஒருவனை (குற்றவாளி) குறிவைக்கிறார்கள். அந்த மூன்றாவது புது அதிகாரி, இவன்தான் குற்றவாளி என்றே நம்பத்துவங்க, (அந்த இரண்டு அதிகாரிகளை போலவே), இவனை குற்றவாளியாய் நிரூபிக்கும் போக்கு அவரிடமும் வந்து சேர்கிறது. குற்றம் நிரூபிக்கப்பட்டதா? குற்றவாளியை கண்டுபிடித்தனரா?
.
மிக மிக சிறப்பான படமிது. அந்த காட்சிகளும், திரைக்கதையும், ஒளிப்பதிவும், பின்னணியிசையும் அற்புதம். மழை அடிக்கடி வந்துபோகிறது. மழையை மழையாகவே படமாக்கியிருக்கிறார்கள். மழை பெய்ய துவங்க, வானொலியில் அப்பாடல் இசைக்கத் துவங்க, கொலை செய்யும் அவன் யாரென்பதை அறிந்து கொள்ள, படம் பார்க்கும் நமக்கே அந்த Obsession வந்து சேர்கிறது. அந்த அளவுக்கு படத்தின் விறுவிறுப்பு, இடையில் நிறுத்தவே முடியாதபடி இருக்கிறது. மேலும் அந்த கடைசிக்காட்சியில் அச்சிறுமி அவன் எப்படியிருந்தான் என்று சொல்லும்போது, இந்த முதல் புலனாய்வு அதிகாரியின் கண்ணில் புலப்படும் அதிர்ச்சி + ஒளியும், உணர்வு பூர்வமான முகமும், அதனை தொடர்ந்து பெயர்கள் திரையில் ஓடத்துவங்க, பெருகும் பின்னணியிசையும் மனதை விட்டும் என்றுமே நீங்காது.
.

Zodiac (2007)

Director: David Fincher
IMDB RANK : 7.8/10
Rotten Tomatoes : 89%

இப்படத்தை பற்றி அநேகமாய் உங்களுக்கு தெரிந்திருக்கும். Seven, Fight Club, The Game, Benjamin Button, Social Network ஆகிய படங்களை இயக்கிய இயக்குனர் David Fincher-ன் படைப்பாக்கத்தில் வந்த திரைப்படமிது. சான்ப்ரான்சிகோ நகரில் நடந்த தொடர்கொலைகளை புலனாய்வு செய்த பத்திரிக்கையாளர் எழுதிய நாவலொன்றை அடிப்படையாக கொண்டு உருவாக்கப்பட்ட திரைப்படமிது. மிக சிறப்பான திரைப்படமிது. இப்படத்தை பற்றி பெரிதாய் இங்கு எழுதவேண்டாமென்று நினைக்கிறேன். நீங்கள் இதுவரை இப்படத்தை பார்த்திராவிட்டால் நிச்சயம் பார்க்கவும்.

.
இவ்விரண்டு வழக்குகளைப் பற்றிய சில தகவல்கள் :
இந்த இரண்டு திரைப்படங்களும் உண்மை சம்பவத்தின் அடிப்படையிலே உருவாக்கப்பட்ட திரைப்படங்கள். இந்த இரண்டு வழக்குகளை பற்றி சில தகவல்கள்.

Hwaseong serial murders (1986 - 1991)

இது தென்கொரியாவின் முதல் பதிவு செய்யப்பட்ட தொடர் கொலைகள்.
கொலைச் சம்பவங்கள் 1986 மற்றும் 1991 ஆண்டிற்கிடையில் நடந்தேறின.
மொத்தமாய் பத்து பெண்கள் கொலைசெய்யபட்டார்கள்.
இவ்வழக்கில் மூன்று லட்சம் போலீஸ்காரர்கள் பணிபுரிந்திருக்கின்றனர்.
மூன்றாயிரம் பேருக்கு மேற்பட்டவர்களின் மீது சந்தேகத்தின் பெயரில் விசாரணையை செய்திருக்கிறார்கள்.
சம்பவங்கள் நிகழ்ந்த காலக்கட்டத்தில், DNA Testing தென்கொரியாவில் இல்லாத காரணத்தினால், (ஒன்பதாம் கொலைக்கு பின்) ஜப்பானுக்கு அனுப்பி சரிபார்த்திருக்கிறார்கள்.
DNA பரிசோதனையின் ஆய்வுமுடிவில் சந்தேகித்த எவர் மீதும் குற்றத்தை நிரூபிக்க முடியாமல் போயிருக்கிறது.
வழக்கு தீர்க்கபடாமலே இருக்கிறது.

Zodiac Killer (late 1960s and early 1970s)

37 கொலைகள் என்று சந்தேகம் சொல்லப்பட்டாலும், அதிகாரிகள் நம்புவது 5 கொலைகள், 2 கொலை முயற்சிகளை மட்டுமே.
படத்தின் கூற்றுப்படி, தீர்க்கமாக சந்தேகிக்கப்பட்ட நபர் ஒரே ஒருவர் மட்டுமே !!
ஆனால் எவ்வித சாட்சியங்களும் அவர்தான் குற்றவாளி என்று நிரூபிக்கமுடியாமல் போய்விட்டது.
ஆனால் நிறைய சம்பவங்கள் (coincidence) அவர்தான் குற்றவாளி என்று சொல்லியிருக்கிறது. சாட்சியங்கள்தான் இல்லை. குறிப்பாக அவர் சிறையில் இருந்த காலக்கட்டத்தில் எல்லாம் வராமல் போன கடிதங்கள் போன்றவைகள்.
1992-ல் அவர் இறந்துவிட்டார். 2002-ல் DNA பரிசோதனை செய்து அவர் குற்றவாளி இல்லை என்று உறுதிப்படுத்தபட்டிருக்கிறது.
வழக்கு தீர்க்கபடாமலே இருக்கிறது.

இவ்விரண்டு வழக்கிற்கும் மிகப்பொதுவான ஒன்று DNA Testing அக்காலக்கட்டத்தில் இல்லாமல் போனதே. இருந்திருந்தால் அப்போதே குற்றவாளியை கைது செய்திருக்கமுடிந்திருக்கலாம்.

.
Memories of Murder (2003) - மிக மிகச்சிறந்த திரைப்படம். மிக மிகச்சிறந்த திரைஅனுபவம்.
.

தொடர்புடைய சுட்டிகள் :
அதிஷா : கொலைகாரன் நினைவுகள்
சுரேஷ் கண்ணன் : சுஜாதாவும் அசத்தலான ஒரு கொரிய திரைப்படமும்
ஜாக்கி சேகர் : Memories of Murder -2003 உலகசினிமா/சவுத்கொரியா
MSK : The Secret in Their Eyes (2009) [Spanish: El Secreto de Sus Ojos]
.

MEMORIES OF MURDER (2003) : TRAILER (படத்தை பற்றி மிக சிறப்பாக விளக்குகிறது ட்ரைலர் (with English Subtitle))

05.01.2010

மன்மதன் அம்பு - திரைவிமர்சனம்; SAIFF Winner ஆரண்ய காண்டம்

2010-12-25T20:16:00.007+05:30

தொழிலதிபர் மதனகோபால் என்கிற மதனும்(மாதவன்), நடிகை அம்புஜா என்கிற அம்பு(த்ரிஷா)வும் காதலிக்கிறார்கள். ஆனால் மாதவன் நடிகையாக இருக்கும் த்ரிஷாவை சந்தேகிக்கிறார். என்பதனால் ஐரோப்பிய சுற்றுலா செல்லும் த்ரிஷாவை கண்காணிக்க மேஜர் R மன்னாரை (கமலை) private detective-ஆக நியமிக்கிறார். புற்றுநோயால் பாதிக்கப்பட்டிருக்கும் நண்பனுக்காக திர்ஷாவை பற்றி கெட்டவிதமாக சொல்லியாக வேண்டிய கட்டாயம் கமலுக்கு. பொய்கள், நாடகங்கள் பின் எல்லாம் சுபம். இதுதான் மன்மதன் அம்பு.
.

ஒரு சீரியசான படத்திற்கு பின்பு ஒரு நகைச்சுவை படமென்பது கமலின் reputation. தமிழில் முழுநீள நகைச்சுவை படங்கள் என்பதை இப்போதும் நம்புபவர் கமல். ஆனால் நிச்சயம் கிரேசி மோகன் இல்லாமல் களத்தில் இறங்கியிருக்கக்கூடாது. கதை, திரைக்கதை, பாடல்கள் எழுதிய கமல், நிச்சயம் வசன பொறுப்பை கிரேசி மோகனிடம் விட்டிருக்கவேண்டும். கிரேசி இல்லாமல் இது ஒரு நகைச்சுவை படமாகவும் இல்லாமல் Romance-Drama ஆகவும் இல்லாமல் நடுவில் தத்தளிக்கிறது. குறிப்பாக அந்த குஞ்சு குரூப்புக்கு பதிலாய் கிரசியை நடிக்கவும் வைத்து படத்தின் வசனத்தையும் கொடுத்திருந்தால் படம் பின்னியிருக்கக்கூடும்.
.
படத்தில் நாயகன் நாயகி என்றெல்லாம் எதுவுமில்லை. எல்லாருமே கதாபாத்திரங்கள் என்பது மிக்க மகிழ்ச்சியான ஒன்று தமிழ் திரைச்சூழலில். ஆனால் கமலுக்கும் திரிஷாவுக்கும் இடையில் Lost in Translation திரைப்படம் போல் அப்படியெதுவும் உணர்ச்சி பூர்வமாகஇல்லாமல் போவது மனதை படத்தோடு ஓட்ட மறுக்கிறது. கூடவே சங்கீதா, அவரின் குழந்தைகள், குஞ்சு குரூப் என கடுப்படிக்கும் கதாப்பாத்திரங்கள் கடுப்பேற்றுகிறது. கூடவே கமலின் over intellectual வசனங்கள். டூயட்டுகள் இல்லாதது ஆறுதல்.
.
ஆனால் அந்த விபத்தை எதிர் திசையில் காட்டிய விதத்துக்கு பாராட்டுக்கள். நேர்திசையில் காட்டப்படும் விபத்தை காட்டிலும் எதிர்திசையில் காட்டிய இவ்விபத்து நெஞ்சை பதறவைத்தது. அவ்விபத்தை தொடர்ந்து நீளும் "நீலவானம்" பாடலும் அசத்தியது. நிச்சயம் நல்ல முயற்சி. கமலுக்கும் படக்குழுவினர்க்கும் இதற்காக பாராட்டுகள். இந்த ஒன்றைத் தவிர வேறெதுவும் படத்தில் சிறப்பாக இல்லை. K.S.ரவிக்குமார் படமா என்பதில் மிகுந்த சந்தேகமாகவே இருக்கிறது. நிச்சயம் ஒரு நல்ல Romance-Comedy படமாக எடுத்திருக்ககூடிய படமிது.
.
மன்மதன் அம்பு - வில்லில் இருந்து புறப்படவே அல்லாத அம்பு..
.

ஆரண்ய காண்டம்

இதே நேரத்தில் இன்னொரு தகவலையும் பகிர்ந்து கொள்ள விரும்புகிறேன்.

இதுவரை ஏதாவது தமிழ் திரைப்படங்கள், திரைப்பட விழாக்களில் Grand Jury பரிசெல்லாம் வாங்கியிருக்கிறதா என்று தெரியவில்லை.

விரைவில் வெளியாகவிருக்கும் ஆரண்ய காண்டம் திரைப்படம், இந்த வருடம் நியூயார்க்கில் நடந்த South Asian International Film Festival 2010-ல் Grand Jury பரிசை தட்டியிருக்கிறது..

கொரியத் திரைப்படங்களை போல் தமிழ் படங்களும் உலகளாவிய கவனிப்பை பெற, பங்களிப்பை செய்ய இது முதல் படியில் முதல் அடி.

S.P.B.சரண், தியாகராஜன் குமாரராஜா, யுவன் மற்றும் படக்குழுவினருக்கு வாழ்த்துக்கள்..

http://www.saiff.org/2010/index.php?p=awards

Narrative Feature: Grand Jury Prize
Awarded by the jury to the festival’s most outstanding feature-length narrative film.
Winner: ANIMA AND PERSONA (Aaranya Kaandam)

.

25.12.2010

நந்தலாலா - திரைவிமர்சனம்

2010-11-27T00:08:00.005+05:30

Butterfly Surya பதிவின் மூலம்தான், ஜப்பானிய இயக்குனர் Takeshi Kitano-ன் இயக்கத்தில் வெளிவந்த Kikujirô no natsu (1999) படத்தை அறிந்துகொண்டேன் என்று நினைக்கிறேன். ஒரு வருடத்திற்கும் மேலாக கையில் இருந்தும் இன்னும் ஏன் பார்க்காமல் வைத்திருக்கிறேன் என்றே தெரியவில்லை. இப்படத்தை தழுவியே "நந்தலாலா" எடுக்கப்பட்டிருப்பதாக அறியப்பட்ட பின்பும், Kikujirô no natsu (1999)-வை பார்க்க விரும்பியும், முடியாமல் தள்ளித்தள்ளி போகிறது . இதற்காகவே விரைவில் Kikujirô no natsu (1999) பார்க்கப் போகிறேன். இப்படத்தை பார்த்த பின்புதான் "நந்தலாலா" பற்றி எழுதியிருக்கவேண்டும். மிக அதிக வேலைப்பளு காரணமாக அது சாத்தியப்படவில்லை. நிச்சயம் அடுத்தவாரத்தில் இவ்விரண்டு படங்களின் ஒற்றுமை, வேற்றுமைகளை எழுதுகிறேன்.
.

வெகுகாலமாய் பெட்டிக்குள் கிடந்த படம் இதோ வெளியாயிருக்கிறது. தாய்பாசம் கிடைக்காமல் தன் பாட்டியுடன் வாழும் சிறுவன் அகி (அஸ்வத்), தனது அம்மா வேலை பார்க்கும் ஊருக்கு செல்ல முடிவெடுக்கிறான், சுற்றுலாவுக்கு போகாமல். மனநலக் காப்பகத்தில் தன்னை அடைத்துவைக்க காரணமான தனது அம்மாவை போய் திட்டவேண்டும் என்று நினைத்து, தனது சொந்த ஊருக்கு செல்ல, அங்கிருந்து தப்பிக்கிறான் பாஸ்கர் மணி (மிஷ்கின்). இருவரும் கிட்டத்தட்ட அருகருகே இருக்கும் ஊருக்கு செல்ல முற்படுகையில் ஒன்றாய் இணைகிறார்கள். இவர்கள் செல்லும் வழியில் சந்திக்கும் மனிதர்களும், இருவரும் தனதுத் தாயை கண்டடைந்தார்களா என்பதே மீதிக்கதை.
.
முழுக்க முழுக்க மிஷ்கினின் narration style. மிகப் பொறுமையாக நின்றுகொண்டேயிருக்கும் காட்சிகள். அலைவுறும் கால்களை துரத்தும் கேமரா என நிறைய. படம் முழுக்க வரும் கதாபாத்திரங்கள் மூன்றே மூன்று தான். மிஷ்கின், சிறுவன், இளையராஜாவின் இசை. மற்றவர்களெல்லாம் வந்து போகிறார்கள். பன்னிரண்டு நொடிகளில் வந்து போகிறார் நாசர். மனநலக் காப்பகத்தில் இருக்கும் இளைஞனின் பெற்றோர்கள் துவங்கி, சாலையோர பாலியல் தொழிலாளி ஸ்னிக்தா வரை நிறைய கதாப்பாத்திரங்கள், ஒவ்வொன்றும் ஒவ்வொருவிதம். நல்லவர்கள், கெட்டவர்கள், சூழ்நிலையால் நல்லவர்கள், சூழ்நிலையால் கெட்டவர்கள் என நிறைய பேர். ஒவ்வொரு கதாப்பாத்திரமும் மனதில் நிறைவாக தங்குகிறது, எவ்வித உறுத்தல்களுமின்றி. இயல்பான/வலிந்த நகைச்சுவைகளும் கூடவே வருகிறது. மிஷ்கினின் கொஞ்சம் நாடகத்தன்மையான காட்சிகள் இருந்தாலும் அவரது ஸ்டைல் இது என்று உள்வாங்கிக்கொள்ளமுடிகிறது.
.
மிஷ்கின் நடிப்பு மிக சிறப்பான ஒன்று. விரலைல் சுவற்றி உரசிக்கொண்டே போவதும், பேன்ட்டை பிடித்துக்கொண்டே நடப்பதும், அடிவாங்குவதும், முரட்டுத்தனமாய் அடிக்க முயல்வதும், கூழாங்கல்லை கையில் அள்ளித்திணிப்பதும், வெறித்தப்பார்வையும், மெண்டல் என்றவுடன் மொத்தமாய் நிலைகுலைவதும் என்று அசத்துகிறார். நல்ல நடிகன். மேலும் மிக கச்சிதமான கதாப்பாதிரங்களை வடிவமைத்திருப்பதுவும் தேர்ந்த இயக்குனராய் காட்டுகிறது.
.
படம் முழுக்க நிறைய வெறுமைகளும், மௌனங்களுமே இருக்கிறது. கதாப்பாத்திரங்கள் வந்து போகிறார்கள், அவ்வளவே. எப்போதும் அன்பு மட்டுமே தேங்கி நிற்கிறது. சிலர் அதை கவனிக்கிறார்கள். சிலர் அதை கவனிக்காமல் செல்கிறார்கள். சிலர் கண்டுகொள்ளாமல் செல்கிறார்கள். சிலர் புறக்கணிக்கிறார்கள். மேலும் பல இடங்களில் தகவல்களை தராமல் கதாப்பாத்திரங்கள் வந்து போகிறார்கள். குறிப்பாக சிறுவனின் அம்மா, மிஷ்கினிடம் கதறும் காட்சியில் இசை மட்டுமே. எவ்வித வசனங்களும் எவ்வித தகவல்களும் இல்லை.
.
இளையராஜாவின் இசைதான் அத்தனை காட்சிகளையும் நிரப்பிக்கொண்டேயிருக்கிறது எங்கும் விரவிக் கிடக்கும் காற்று போல. சில இடங்களில் அதுவும் கொஞ்சம் செயற்கைத்தனமாய் இருந்தாலும் மனதை உடைக்கும் உளியாய் ஏற்றுக்கொள்ள முடிகிறது. வெறும் காட்சி மட்டும் கொடுத்துவிடாத நெகிழ்ச்சியை, ராஜா வலிந்து கொடுக்கிறார். உடையத் துவங்குகிறோம் நாம். குறிப்பாக மிஷ்கின் தனது தாயை பல ஆண்டுகளுக்கு பின்புக் காணும்போது, அப்பாடலின் முதல் வரியை, ராஜாப் பாடத் துவங்குகிறார். உள்ளுக்குள் அனைத்தும் அப்படியே ஒரேகணத்தில் உடைந்து நொறுங்குகிறது. அதலபாதாளத்தில் வீழ்கிறோம். ராஜாவை இதற்காக பாராட்டவேண்டுமா அல்லது வேண்டாமா என்பதில் குழப்பம் மிஞ்சுகிறது.
.
மிஷ்கின், மகேஷ் முத்துசுவாமி, ட்ராஸ்கி மருது மற்றும் மொத்த படக்குழுவினரையும் பாராட்டவேண்டும்.
.
நந்தலாலா - தாயை முத்தமிடும் அன்பிது.
.

26.11.2010

Scott Pilgrim vs. the World (2010)

2010-11-23T00:53:00.011+05:30

.
IMDB RATING : 8.0/10
ROTTON TOMATOES : 81%
.
Shaun of the Dead மற்றும் Hot Fuzz ஆகிய திரைப்படங்களை இயக்கிய Edgar Wright இயக்கத்தில் இந்த வருடம் வெளிவந்தத் திரைப்படமிது. Bryan Lee O'Malley படைப்பில் ஆறு புத்தகங்களாக வந்த Scott Pilgrim காமிக் நாவல்களை அடிப்படையாகக் கொண்டு இந்த படத்தை எடுத்திருக்கிறார்கள். நல்ல விமர்சனங்களை பெற்றிருந்த போதும் வசூல்ரீதியாக வெற்றிபெறாமல் போனது இத்திரைப்படம்.
.

இதுவரை காமிக்கலான வகையில் உருவாக்கப்பட்ட திரைப்படங்களை பார்த்திருக்கிறோம். இந்த படமும் காமிக்கலாகவும் மேலும் வீடியோகேம் மாதிரியான உருவாக்க முறையில் எடுத்திருக்கிறார்கள். அதுவே படம் எனக்கு மிகவும் பிடித்து போக மிக முக்கிய காரணமாகி போனது. Comical + Video Gamic way of Narrating the story + Picturization. (யாரையாவது வீழ்த்தினா திரையில் Game Points கொட்டுது). ஒருவேளை நான் சொல்றது புரியவில்லை என்றால் கீழிருக்கும் ட்ரைலரை காணவும். :)
.
Scott Pilgrim, மற்றும் அவனிரு நண்பர்கள் சேர்ந்து ராக் இசை Band ஆரம்பித்து பயிற்சிகளில் இருப்பவர்கள். அடிக்கடி அவனுடைய தோழிகள் மாறிக்கொண்டே இருப்பார்கள். ஒருமுறை தன் கனவுதேவதையை அவன் காண்கிறான். அவளுடன் காதலை வளர்க்கும் முயற்சியில்தான் தெரிகிறது. அவள் வேண்டுமென்றால் அவளுடைய முன்னாள் ஏழு காதலர்களை (7 Evil Exes : 6ஆண்கள் + 1 பெண்) அவன் வீழ்த்தவேண்டும். அப்பெண்ணின் முன்னாள் காதலர்கள் எல்லாம் சேர்ந்து The League of Evil Exes எனும் ஒரு League வைத்திருக்கிறார்கள். மேலும் ஒவ்வொருவருக்கும் ஒவ்வொரு விதமான சக்தி வேறுயிருக்கிறது. ஆனால் படத்தில் இதெல்லாம் சர்வசாதரணமாக வந்து போவதும், அவர்கள் சண்டையிட்டு கொள்வதும், அதை Video Gamic Approach-ல் படத்தொகுப்பு செய்திருப்பதும் அசத்துகிறது. படத்தின் இயக்குனர், ஒளிப்பதிவாளர், குறிப்பாய் படத்தொகுப்பு செய்தவர் மூவரையும் பாராட்டவேண்டும் + VFX.
.
மேலும் இது ஒரு நகைச்சுவை படமென்பதால், சண்டைக்காட்சிகள் டம்மியாக இருக்குமென்று எண்ண வேண்டாம். எல்லாம் அதிரடி சண்டைகாட்சிகள், பன்ச் டலயாக்குகள் என ஒரே களேபரம். மேலும் வசனங்கள் எல்லாம் அதகளம். நன்றாக சிரிக்கலாம். :))
Sample dialogue : (நண்பன், Scott-இடம் இது காதலை சொல்லவேண்டிய தருணம் என்கிறான்)
Friend : "Time to use the L word."
Scott : "Lesbian?"
Friend :"The other L word."
Scott : "Lesbians?"

இப்படியாக போகும் கதையில் தன் காதலியின் முன்னாள் காதலர்களை வீழ்த்தினானா, அவள் காதலை அடைந்தானா என்பதை திரையில் பார்க்கவும்.. :)
.
இதைத் தவிர்த்து படத்தின் ஒவ்வொரு கதாப்பாத்திரமும் சிறப்பாக உருவாக்கம் பெற்றிருக்கிறது. Scott, Scott-ன் தங்கை, Scott-ன் Band நண்பர்கள், அவன் காதலி, முன்னாள் காதலிகள், 7 Evil Exes, Scott-ன் அறை நண்பன், அவன் காதலர்கள் என எல்லாருமே. மேலும் Scott-ம் அவன் நண்பர்களும் Rock இசை Band வைத்திருக்கிறார்கள் என்பதனால் படம் முழுக்க ராக் இசை, கிட்டார் இசை என அதுவும் நல்லா இருக்கு.
.
இந்த வருடம் வந்த KickAss (2010) திரைப்படம் மாதிரியே இந்த படமும். எனக்கு மிகவும் பிடித்திருந்தது. Comical + Vedio Gamic way of Narrating the story + Picturization.
.
Scott Pilgrim vs. the World(2010) - An Epic of Epic Epicness Comedy.. :)

Scott Pilgrim vs. the World : Wallpaper 1920x1200
.

IMDB LINK
My Rating : ****

Scott Pilgrim vs. the World(2010) : TRAILER

23.11.2010

Kung Fu Panda 2 in 3D - Kaboom Of Doom Official Trailer

2010-11-09T04:05:00.008+05:30

PO is Back.. :)

09.11.2010

வ (குவாட்டர் கட்டிங்) - திரைவிமர்சனம்

2010-11-05T16:31:00.005+05:30

.

புஷ்கர் - காயத்ரியின் முதல் படமான ஓரம்போ (ஆட்டோ) எனக்கு பிடித்திருந்தது. என்பதனாலேயே இந்த படத்தின் மீது ஒரு எதிர்பார்ப்பு இருந்தது. ஒரு முன்னிரவில் சென்னைக்கு வருகிறார் சுறா (மிர்ச்சி சிவா). அவரை வரவேற்கிறார், சுறாவின் வருங்கால மாமா S.P.B.சரண். விடிகாலை, சுறா, சவுதிக்கு பறக்க போகிறார் (சவுதியில் வேலை). இருப்பதோ இன்று ஒரு இரவு. சவுதியில் மதுவுக்கு தடை. கடைசியாக தாய்த் தமிழ்நாட்டில் ஒரு குவாட்டர் அடிக்க ஆசைப்படுகிறார். ஆனால் தேர்தல் காரணமாக டாஸ்மாக்குகள் மூடல். எப்படியாவது ஒரு குவாட்டர் தேத்திவிட வேண்டுமென்று சிவாவும், சரணும் குட்டிக்கரணம் அடிப்பதே படம். கூடவே ஜான் விஜய், மற்றும் இன்னபிற ஓரம் போ நடிகர்கள்.
.

Harold & Kumar : Going to white castle (2004) என்றொரு ஆங்கில நகைச்சுவை படத்தின் ஒருவரியை எடுத்திருக்கிறார்கள். அங்கு பர்கர். இங்கு குவாட்டர். ஆனால் அந்த படத்தின் காப்பியோ அல்லது தழுவலோ நிச்சயமாய் இல்லை. கூடவே ஒரே இரவு. சில சம்பவங்கள். இரண்டு பேர் (சம்பவங்களில் பங்குபெறும் மற்றவர்களும் இருக்கிறார்கள்) எனும் போது காட்சிகளை விட, வசனங்கள் மீது அதிகம் செலுத்தியிருக்கிறார்கள். சிரித்து மாளவில்லை. எல்லாவற்றையும் கலாய்த்து தள்ளுகிறார்கள். பாவம் விஜய். சுறா என்ற பெயரை வைத்து அலும்பு பண்ணுகிறார்கள். இரண்டு பெரும் அட்டகாசம். அதுவும் சிவா, சான்சே இல்லை. கூடவே திரும்பத்திரும்ப பெயிலாகிக்கொண்டே இருக்கும் லேகா. இரண்டாம் பாதியில் இந்த கலாட்டாவில் லேகாவும் சேர்ந்து கொள்கிறார். (நல்லவேளை காதல் எல்லாம் முளைக்கவில்லை, டூயட்டுகளும் இல்லை.). கூடவே யாருக்கும் யார்மீதும் பெரும் ஒட்டுதல், அன்பு ஏதுமின்றி இருப்பது நல்லா இருக்கு. படம் முழுக்க சம்பவங்கள். இறப்பு, ஆவி, சுயேச்சை வேட்பாளர், எஸ் ஐ, கோவில், சீட்டாட்டம், பலான இடம், நாய்கள், ஜெயில், கார் சேசிங், என பற்பல.
.
மேலும் படம் முழுக்க சோடியம் தெருவிளக்கின் மஞ்சள் ஒளி நிறத்திலேயே படம் எடுத்திருப்பது, சிறப்பு. நிரவ்ஷா awesome. கூடவே G.V.பிரகாஷின் பின்னணி இசை extraordinary. பின்னணி இசையில் G.V.யின் மாஸ்டர் பீஸ் இது சொல்லத் தோன்றுகிறது. ஆண்டனியும் படத்தொகுப்பும் சிறப்பு. மேலும் படம் முழுக்க கலை இயக்குனரின் உழைப்பு. சென்னை நகர சுவர்களில் வரையப்பட்டிருக்கும் ஓவியங்களையும் படத்தோடு காட்சியோடு இணைத்து ஓடவிட்டிருக்கிறார்கள். புஷ்கர் காயத்ரி இம்முறையும் கலக்கியிருக்கிறார்கள்.
.
படத்தின் குறை என்னவென்றால் கொஞ்சம் நீளம், சில காட்சிகளின் தொய்வு. மேலும் குடியை பற்றி தெரியாதவர்கள், அதன் அருமை புரியாதவர்களுக்கு, ஒழுக்க சீலர்களுக்கு, இந்த படம் கடுப்பை உண்டாக்கும் போல. ஒரு குவாட்டருக்கா இவ்ளோ பிரச்சனை என்று சரண் கேட்கும்போது சிவா சொல்வார். இது ஒரு ஸ்ட்ராங்கான எமோஷன் என்று. அது உங்களுக்கு புரிந்தால் அல்லது குடித்தல் அவரவர் விருப்பம் சார்ந்தது என்பது உங்கள் கருத்தானால் இப்படத்திற்கு செல்லலாம். களிக்கலாம். ஆனால் படத்தை பற்றி Mixed Response-தான் வருமென்று கணிக்கமுடிகிறது. மேலும் கிளிஷே காட்சிகள் (அதிகம்) இல்லாத படமிது. எனக்கு மிகவும் பிடித்திருந்தது.
.
ஜமாலன் இந்த படத்தை பார்த்து விமர்சனம் எழுதினால் சிறப்பாக இருக்கும் என்று படம் முடிந்ததும் தோன்றியது.

குடிக்கலாச்சாரமும் கலாச்சாரக்குடிகளும்.
பகுதி 1
பகுதி 2
பகுதி 3
பகுதி 4
பகுதி 5
.
வ (குவாட்டர் கட்டிங்) - குடி பற்றிய உங்கள் கருத்தென்ன என்பதை முடிவு செய்துகொண்டு படம் பார்க்க செல்லுங்கள். மேலும் ஒரு நகைச்சுவை படம் என்ற அளவிலும் நிச்சயம் ரசிக்க முடியும். (ஆனால் கச்சாமுச்சான்னு இருக்கும்.)

வ (குவாட்டர் கட்டிங்) - 3 out of 5
.

05.11.2010

உத்தமபுத்திரன் - திரைவிமர்சனம்

2010-11-05T09:41:00.005+05:30

.

தனக்கான "ஆடுகளத்தில்" நன்றாகவே ஆடிக்கொண்டிருந்த தனுஷ்க்கு என்ன ஆயிற்று?? ஒருவேளை "கெட்டப் பசங்களின் ஹீரோ" என்கிற இமேஜை உடைக்க விரும்பி இந்த மாதிரியான family-comedy-emotional-drama படங்களில் நடிக்கிறாரா அல்லது தெலுங்கில் வெற்றிபெறும் படங்களை விஜய், ஜெயம் ரவிக்கு ஈடாக ரீமேக்கித் தள்ளி விரும்புகிறாரா அல்லது தனது நண்பரான இயக்குனர் மித்ரன் ஜவஹருடன் தொடர்ந்து படம் (யாரடி நீ மோகினி, குட்டி, உத்தம புத்திரன்) செய்வதை விரும்புகிறாரா என்று புரியவில்லை.
.

இந்தப் படம் தெலுங்கில் வெற்றிபெற்ற "ரெடி" படத்தின் ரீமேக். (ரெடியிலும் ஜெனிலியாதான் நாயகி). சந்தோஷ் சுப்பிரமணியம் மாதிரி ஜெயம் ரவிக்கு பொருந்துகிற கதை (குடும்ப டிராமா). படமும் அப்படியே ஜெயம் ராஜா ரீமேக்குகிற தமிழ் படம் மாதிரி இருந்தது. தனுஷ், ஜெனிலியா நடிக்க உத்தமபுத்திரன் ஆகியிருக்கிறது. ஜெயம் ராஜா படம் மாதிரி அவ்ளோ நடிகர்கள் பட்டாளம். தனுஷ், ஜெனிலியா, பாக்யராஜ், சுந்தர்ராஜன், ரேகா, அம்பிகா, ஆசிஷ் வித்யார்த்தி, மயில்சாமி, விவேக், ஆர்த்தி, இன்னும் ஏகப்பட்ட பேர். (ஏம்ம்ப்பா இளைய திலகம் பிரபு, சந்தானத்தை விட்டுட்டீங்க!!??)
.
எதிரி படம் மாதிரி தவறான மணப்பெண்ணை தனுஷும் அவர் நண்பர்களும் கடத்திவர, கட்டாய திருமணம் பிடிக்காமல் இருந்த ஜெனிலியாவுக்கு தொடர்ந்து உதவுகையில் இருவருக்கும் காதல் பிறக்க, தனுஷ் பக்கம் ஐம்பது உறவினர்கள், ஜெனிலியா பக்கம் ஐம்பது உறவினர்கள் சம்மதத்தோடு திருமணம் செய்ய விரும்பி, பெண் வீட்டார் முன், மாப்பிள்ளை வீட்டார் ஒரு பெருத்த நாடகம் நடத்த, எல்லாம் சுபம். ஸப்ப்ப்பாஆஆஆஆஆ.. முடியல இல்ல.. :(( .
.
இரண்டாம் பாதியில் விவேக் வரும்போதுதான் கொஞ்சமாவது மூச்சு விட முடிகிறது. அதுவும் விவேக்குக்கு பின்னணியில் வரும் "நெஞ்சம் மறப்பதில்லை" இசை அதகளம். விஜய் ஆண்டனி இசையில் ஒரே ஒரு பாட்டு, அவர் ஸ்டைல். நல்ல குத்து.
.
Mr.தனுஷ், உங்கள் வழியில் நீங்கள் செல்லுங்கள். கன்னட, தெலுங்கு ரீமேக்குகள் வேண்டாமே. உங்கள் திரைப்படங்களை முதல் நாளே பார்க்கும் ஒருவனாய் சொல்கிறேன் இதை. ஆடுகளம் அல்லது மாலை நேரத்து மயக்கம் படத்தை சீக்கிரம் முடித்து வெளியிடுங்கள். ஆவலாய் காத்திருக்கிறேன்.
.
உத்தமபுத்திரன் - தீபாவளி வெளியீடு படங்களில் ஏதேனும் ஒன்றை குடும்பத்தோடு சென்று பார்க்க விரும்பினால், உத்தமபுத்திரன் செல்லலாம்.
.

05.11.2010

திரைத்துணுக்குகள் 03.11.10 - The Dark Knight Rises (2012)

2010-11-03T01:46:00.006+05:30

Batman 3
Batman மூன்றாம் படம் எடுப்பதில் ஆரம்பம் முதலே அவ்வளவாக ஈடுபாடு காட்டாத Christopher Nolan, பிறகு தனது சகோதரர் Jonathan Nolan எழுதிய கதை பிடித்திருப்பதாகவும், கதையை செதுக்கிவிட்டு பின், Batman 3 எடுக்கப்போவதாகவும் அறிவித்திருந்தார்.மேலும் இப்படம் முதல் இரண்டு படங்களுக்கு Conclusive-ஆக இருக்கும் என்ற நோலன், இப்படம் தான் இயக்கிய இரு Batman படங்களின் முடிவாக இருக்குமென்றும் கூறியிருந்தார். (Nolan's Batman Trilogy). நோலன், கடந்த வாரம் இப்படத்தின் பெயரை வெளியிட்டார். The Dark Knight Rises (2012). July 20, 2012 -ல் படம் வெளியாகும்.

இதற்கிடையில் Superman: Man of Steel (2012) எடுக்கப்பட்டு வருகிறது. இதில் நோலன் சகோதரர்கள் கதையாசிரியர்களாக பணியாற்றுகிறார்கள்.

நோலன் இயக்கினால் மட்டுமே Batman 3-ல் நான் நடிப்பேன் என்று Christian Bale இடையில் சொல்லியிருந்தார், மேலும் டிசெம்பரில் வெளியாகபோகும் The Fighter படத்திற்காக உடல் எடையை ரொம்பவே குறைத்திருக்கிறார். இப்போது The Dark Knight Rises-க்காக மீண்டும் எடைகூட்ட வேண்டும்.
.

Hobbits

Lord of the Rings படங்களின் தொடர்ச்சியாக Hobbits திரைப்படங்களை உருவாக்க அத்தயாரிப்பு நிறுவனம் இறங்கியது. இயக்குனராக அழைக்கப்பட்டவர் Guillermo del Toro. 2008-இலிருந்து மிகுந்த ஆர்வத்தோடும் பெருமையோடும் உழைக்க ஆரம்பித்தார் டெல் டோரோ. இரண்டு வருடங்களுக்கும் மேலாக கதை, திரைக்கதை, படத்தில் வரும் creatures, படத்தின் நிறம், VFX, என எல்லாவற்றையும் செதுக்கிய பிறகும், படப்பிடிப்பு ஆரம்பிக்கவே இல்லை. தயாரிப்பு நிறுவனம் மேல் கடுப்பான டெல் டோரோ படத்தை விட்டு வெளியேற, கடைசியில் Lord of the Rings திரைப்படங்களை இயக்கிய Peter Jackson இடமே கொடுத்துவிட்டிருக்கிறார்கள் போலும். தொடர்ச்சியாய் எடுக்கப்படும் படம் இரண்டு பாகங்களாக Hobbits 1 (2012), Hobbits 2 (2013) வருடங்களில் வெளியாகும்.

டெல் டோரோ, Frankenstein (2012), At the Mountains of Madness (2013) இவ்விரு படங்களை இயக்கப்போவதாக கூறியிருக்கிறார். எது படப்பிடிப்புக்கு போகுமோ, திரையில் வருமோ பார்க்கலாம்.
.

இதற்கிடையில் இயக்குனர் David Fincher, ஸ்வீடிஷ் திரைப்படமான The Girl with the Dragon Tattoo (2011)-ஐ இயக்கத் துவங்கியிருக்கிறார். David Fincher-ன் கைவண்ணத்தில் The Girl with the Dragon Tattoo மிகசிறப்பாக வருமென்று நம்புகிறேன். இவரின் சமீபத்திய படமான Social Network மிகச்சிறப்பான வரவேற்பை பெற்றிருக்கிறது.
.
இயக்குனர் Guy Ritchie, இன்னும் பெயர் வைக்காத Sherlock Holmes படத்தை எடுக்கிறார்.
இயக்குனர் Quentin Tarantino, Kill Bill: Vol. 3 (2010) எடுக்கப்போவதாக அறிவித்திருக்கிறார்.
இயக்குனர் Steven Spielberg, ஒருவழியாய் The Adventures of Tintin: The Secret of the Unicorn (2011) ஆரம்பித்து படப்பிடிப்பு போய்க்கொண்டிருக்கிறது.
.
டிஸ்கி : இது என்ன பதிவுன்னு நீங்க கேட்கலாம். கடந்த வாரம் நோலன், பேட்மென் படத்தின் பெயரை அறிவித்தார். ஓவர் எக்சைட்மென்டில் (Dark Knight படத்தின் அதிதீவிர ரசிகன் நான்), அதை சொல்ல ஆரம்பித்து கூடவே இரண்டு மூன்று எக்ஸ்ட்ரா பிட் போட்டு பதிவாக்கிட்டேன்.. :)

Millennium Trilogy - The Girl with the Dragon Tattoo : Swedish

2010-11-01T16:42:00.000+05:30

மதம் சார்ந்தும், அரசியல் கொள்கைகள் சார்ந்தும், அதிகாரம் சார்ந்தும், தனிப்பட்ட முறையிலும், பெண்கள் மீது, குறிப்பாக சிறுமிகள் மீது நடத்தப்படுகிற பாலியல் வன்முறையை மையமாக வைத்து (inspired from true events), ஸ்வீடிஷ் எழுத்தாளரும் பத்திரிக்கையாளரும் Stieg Larsson, எழுதிய மூன்று நாவல்கள் தான் Millennium Trilogy. ஐரோப்பாவிலும் அமெரிக்காவிலும் விற்பனையில் கொடிகட்டி பறக்கும் இந்நாவல்களை திரைப்படமாக்கியிருக்கிறார்கள். இத்திரைப்படங்களை ஹாலிவுட் மறுவுருவாக்கம் செய்து வருகிறது. எனக்கு பிடித்த ஹாலிவுட் இயக்குனர்களில் ஒருவரான David Fincher, தற்போது The Girl with the Dragon Tattoo படத்தை இயக்கிக்கொண்டிருக்கிறார்.
.

மிக விறுவிறுப்பான நாவல்கள் இவை மூன்றும். நாவல்களை பற்றிய சன்னாசியின் விமர்சனத்தை படிக்கக் கிளிக்கவும். எனக்கு நாவல் படிக்கும் ஆர்வம் வராததால், இந்த திரைப்படங்களை பாக்கத் துவங்கிவிட்டேன். இத்திரைப்படங்களை பொறுத்தவரை, நாவல்களை படித்தால் நிச்சயம் படம் பிடிக்காது. (நாவலை தழுவி வரும் 99% படங்கள் நிச்சயம் நாவலை விட சிறப்பாக அமைவதில்லை). ஆனால் எனக்கு படங்கள் பிடித்திருந்தது. குறிப்பாக முதல் படம் The Girl with the Dragon Tattoo. மற்ற இரு படங்களும் சுமார்தான் என்றாலும் OK. David Fincher-ன் கைவண்ணத்தில் இத்திரைப்படம் சிறப்பாக வரும் என்று காத்திருக்கிறேன்.
.
The Girl with the Dragon Tattoo (2009)
Swedish: Män som hatar kvinnor
IMDB RATING : 7.7/10

லிஸ்பெத் (Girl with the Dragon Tattoo). படத்தின் பெயருக்கும், இத்திரைப்படத்தின் கதைக்கும் பெரிய தொடர்பெல்லாம் இல்லை. இரண்டாம் மூன்றாம் படங்கள்தான் லிஸ்பெத்தின் வாழ்க்கையை பற்றி பேசுகிறது. முதல்படத்தில் அந்த பெண்ணைப் பற்றிய அறிமுகம் மட்டும்தான் கிடைக்கிறது. இவள் ஒரு Hacker. சிறு வயது முதல் மனநல மருத்துவமனையில் அடைக்கப்பட்டவள். பின்பும் ஒரு financial guardian நியமிக்கப்பட்டிருக்கிறது. guardian மூலமும் பாலியல் தொந்தரவுக்கு ஆளாகிறாள்.
.

மிக்கேல் ப்ளூம்க்விஸ்ட், பத்திரிக்கையாளர். இவரை private detective போல நியமிக்கிறார் ஒரு பெரிய பணக்கார குடும்பத்தின் முதியவர். அப்பெரும் பணக்கார குடும்பம் ஒரு தனித்தீவில் வசிக்கிறது. 40 வருடங்களுக்கு முன்பு அங்கிருந்த அவரின் 16 வயது பெண் (ஹாரியட் வாங்கர்) தீவிலிருந்து மாயமாகிப்போகிறாள். அப்பெரும் குடும்பத்தில் யாரேனும் ஒருவரால் (சொத்து காரணமாக) அப்பெண் கொலைசெய்யப்பட்டிருக்கலாம் என்று நம்புகிறார், முதியவர். ஆனால் பெண்ணை பற்றிய ஒரு தடயமோ அல்லது தகவலோ இல்லை. பிணம் கூட கிடைக்கவில்லை. திடீர் மாயம். முதியவர், தான் இறப்பதற்குள் அதை பற்றி தெரிந்துகொண்டால்தான் நிம்மதி என்று பொறுப்பை மைக்கேலிடம் கொடுக்கிறார். மைக்கேலின் புலனாய்வுக்கு லிஸ்பெத் மறைமுகமாகவும் பின் நேரடியாகவும் உதவுகிறாள். அந்த மோனலிசா போன்ற புன்னைகையோடு இருக்கும் சிறுமி ஹாரியட் என்னவானாள் என்பது மீதிக்கதை. புலனாய்வில் தோண்ட தோண்ட வெளிவரும் செய்திகள் மிகுந்த அதிர்ச்சியானவையாக இருக்கின்றன.
.

The Girl Who Played with Fire (2009)
Swedish: Flickan som lekte med elden
IMDB RATING : 7.7/10

The Girl Who Kicked the Hornet's Nest (2009)
Swedish: Luftslottet som sprängdes
IMDB RATING : 7.7/10

இந்த இருபடங்களும்தாம் லிஸ்பெத்தின் பின்புலம் பற்றியும், அவள் தாய், தந்தை, மனநல காப்பகத்தின் மருத்துவன், guardian, ஸ்வீடிஷ் அரசாங்கத்தின் சில மறைக்கப்பட்ட மனிதர்கள் ஆகியோரை பற்றியும் பேசுகிறது. இரண்டு பத்திரிக்கையாளர்களின் கொலையில் துவங்குகிறது. கொலை செய்தது லிஸ்பெத் என்று போலிஸ் சந்தேகப்பட லிஸ்பெத், விசாரணையை அவள் எப்படி கையாளுகிறாள் மற்றும் மிக்கேல் எப்படி உதவி செய்கிறார் என்பது மீதிக்கதை.
.

விறுவிறுப்பான நாவல்களை படித்தலோ அல்லது இத்திரைப்படங்களை பார்த்தலோ அல்லது David Fincherin-ன் ஆங்கில வடிவத்திற்கு காத்திருத்தலோ, இனி உங்கள் கையில். :) என்னை பொறுத்தவரை முதல் திரைப்படமான The Girl with the Dragon Tattoo பார்க்கவேண்டிய திரைப்படமாக கருதுகிறேன், நாவலை படிக்காமலிருக்கும் பட்சத்தில். கீழிருக்கும் ட்ரைலரை பார்த்துட்டு முடிவு பண்ணுங்க.

நாவலாசிரியர், புத்தகம், ஸ்வீடன் சார்ந்து சன்னாசி அருமையாக எழுதியிருப்பார். எனவே சன்னாசியின் பதிவைப் படிக்கத் தவறாதீர்.
.

31.10.2010

புதுசுக் கண்ணா.. புதுசு..

2010-10-30T08:07:00.006+05:30

அன்பின் நண்பர்களுக்கு,

இந்த தளத்திற்காக புதியதாய் ஒரு டொமைன் வாங்கியிருக்கிறேன். http://www.ThaCinema.com/

நன்றாக கவனிக்கவும் The அல்ல Tha.
TheCinema.com கிடைக்கவில்லை என்பதனால் e பதிலாக a. (ஒரு குருட்டு ஐடியா :))

ஆனால் மிக சுறுசுறுப்பாக ஏற்கனவே வாங்கியிருந்த TheMSK.com டொமைனில் இந்த தளத்தை Blog.TheMSK.com என்று configure செய்துவிட்டதால் இப்போது சின்ன பிரச்சனை ஆகிவிட்டது என்று கருதினேன். ஆனால் Blog.TheMSK.com முகவரியை, இந்த ThaCinema.com தளத்திற்கு Forward செய்திருக்கிறேன். இதுவும் உதவியாய் இருக்குமென்று நினைக்கிறேன்..

msk-cinema.blogspot.com முகவரியின் மூலம் வருபவர்களுக்கும், ரீடரில் படிப்பவர்களுக்கும் பிரச்சனை இருக்காது.

இனி இந்த தளம். http://www.ThaCinema.com/

மிக்க நன்றி. தொடர்ச்சியாய் சினிமா பற்றி பேசுவோம். :)

30.10.2010

Trainspotting (1996) - மிகை போதை

2010-10-27T19:34:00.010+05:30

IMDB RATING : 8.2/10
.
Irvine Welsh எழுதிய நாவலை அடிப்படையாகக்கொண்டு, பிரிட்டிஷ் இயக்குனர் Danny Boyle இயக்கத்தில் வெளிவந்த Scottish திரைப்படம் Trainspotting (1996). Slumdog Millionaire படம் மூலமாகத்தான் இயக்குனர் Danny Boyle அறிமுகம் எனக்கு. இவரின் இயக்கத்தில், Leonardo DiCaprio நடிப்பில் வந்த The Beach (2000) படமும் எனக்கு பிடித்திருந்தது. இந்த Trainspotting திரைப்படம் மிகுந்த குறைவான பட்ஜெட்டில் எடுக்கப்பட்ட படம். நல்ல விமர்சனகளை பெற்ற இத்திரைப்படத்தை "பிரிட்டிஷ் pulp fiction" என்று விளம்பரம் செய்து அமெரிக்காவிலும் வெளியிட்டார்கள். நூறு சிறந்த பிரிட்டிஷ் திரைப்படங்களில் ஒன்று என்று British Film Institute மதிப்பிட்டிருக்கிறது. மிக சிறந்த scottish திரைப்படம் இது என்று பலரும் கருதுகிறார்கள். (நன்றி Wiki)
.

படத்தின் பெயரைவைத்து "ரயிலை வேடிக்கை பார்த்தல்" என்று முடிவுக்கு வரவேண்டாம். படம் முழுக்க முழுக்க "ஹெராயின்" பற்றியே பேசுகிறது. ஸ்காட்லாந்து தலைநகர் எடின்பர்க் நகரத்தில், பின் எண்பதுகளில் கதை நிகழ்கிறது. வேலைவெட்டியில்லாமல், பொருளாதாரத்தில் பின் தங்கிய, இங்கிலாந்து மீது, ஆங்கிலம் மீது கோபம் கொண்ட, வாழ்க்கையில் விரக்தி அடைந்த, ஹெராயினுக்கு அடிமையாகிப்போன Scottish இளைஞர்கள் சிலரின் வாழ்க்கையை பதிவுசெய்து கடந்துபோகிறது இத்திரைப்படம். Ewan McGregor நரேஷனில் துவங்குகிறது படம். ஒரு சராசரி, நடுத்தரவர்க்க மனிதனாய் நான் ஏன் இருக்கவேண்டும், ஹெராயின் இருக்கும்போது என்ற வினாவோடு ஹெராயினை விளக்கத்துவங்குகிறார். உங்கள் வாழ்நாளில் இதுவரை அடைந்த, மிகை கலவி உச்சத்தை, ஆயிரம் முறை பெருக்கினால் வரும் இன்பத்தை ஹெராயின் தருகிறது என்கிறார். தொடர்ச்சியான காட்சிகள் நண்பர்கள் ஒரு வீட்டில் ஹெராயின் செலுத்திக்கொண்டு போதையில் வீழ்கிறார்கள். ஒரு பெண் தோழியும் கூடவே. அவர்களில் குழந்தை அந்த வீட்டில் தவழ்ந்து கொண்டிருக்கிறது கவனிப்பாரற்று.
.
ஆனால் ஹெராயினின் போதை குறையத்துவங்கும்போது அதன் பாதகங்கள் அதிகம். குறிப்பாக அஜீரணம் மற்றும் வயிற்றுப்போக்கு. வழக்கம் போல் இனி ஹெராயினை கைவிட வேண்டுமென்று முடிவெடுக்கிறார் Ewan. குறிப்பாக ஹெராயினால் பெண்ணில்லாமல் இருக்கிறோம் என்று உணர்ந்தபின், ஒரு பெண்ணை முதல் முறை பார்த்தபோது தனக்குள் காதல் வந்ததாக உணர்ந்து அவளுடன் கூடினால், அந்த பெண்ணோ பள்ளியில் படிக்கும் பெண். பின் ஹெராயினை கைவிட பெற்றோர்கள் வற்புறுத்த, மிகுந்த வலிகளுக்கு பிறகு, பின் லண்டன் வந்து ஒரு வேலை தேடி, ஒரு சராசரி நடுதரவர்க்க மனிதனாக முயற்சிக்கும் போதும், நண்பர்களால் மீண்டும் வருகிறது பிரச்சனை. பின் இவர்கள் வாழ்க்கை என்னவானது என்பது மீதிக்கதை.
.
படம் முழுக்க ஹெராயின். ஹெராயின். ஹெராயின். குறிப்பாக அந்த போதையை, போதையில் வீழ்வதை, போதையின் இன்பத்தை, போதையின் உபாதையை, ஹெராயினை கைவிட முடியாமல் தவிக்கும் நிலைமையை, ஆகிய மனநிலைகளை காட்சிகளில் கொண்டு வர முயற்சித்திருக்கிரார்கள். குறிப்பாக வயிற்றுபோக்கு தாளாமல் செல்லும் ஒரு மிக மிக கேவலமான கழிவறை (worst restroom in scotland) காட்சி, வாரக்கணக்கில் போதையில் கிடந்தது கவனிப்பார் இல்லாமல் இறந்து போகும் குழந்தை, அக்குழந்தை இறந்த சோகம் தாளாமல் அப்போதே மீண்டும் ஹெராயின் பயன்படுத்தும் காட்சி, அக்குழந்தைக்கு யார் தந்தை என்று Ewan குழம்பும் காட்சி, பூனையின் கழிவினால் மூளை காய்ச்சல் போன்ற ஒன்றினால் இறந்துபோகும் நண்பன், என மிகுந்த அதிர்ச்சிகளையும் உள்ளடக்கியே இருக்கிறது படம். கூடவே செம நரேஷன். படம் முழுக்க Ewan பேசிக்கொண்டேயிருக்கிறார்.
.
கையில் காசில்லை, வேலையில்லை, காதலியின் பிரிவு, வன்முறை, தாழ்வு மனப்பான்மை, துரோகம், அன்பு கிடைக்காமை, திருட்டு, வழிப்பறி, கொள்ளை, என பல்வேறு காரணங்கள் ஹெராயினை பயன்படுத்த துவங்கும் புள்ளியாகவும், தொடர்ச்சியாக பயன்படுத்த கிடைக்கிற காரணங்களாகவும் அமைந்துவிடுகிறது இவர்களுக்கு.
.
இயக்குனர் Danny Boyle. வெவ்வேறு நிலங்களில் பயணம் செய்து படம் எடுக்கக்கூடியவர் போல. ஒரு Adventure விரும்பி என்று நினைக்கிறேன். ஒரு படம் லண்டனில், ஒரு படம் ஸ்காட்லாந்தில், ஒரு படம் இந்தியாவில், ஒரு படம் தாய்லாந்தில், ஒரு படம் அமெரிக்காவில் என பல்வேறு நிலப்பரப்புகளில் பல்வேறு கதைகளை இயக்கக்கூடியவராய் இருக்கிறார். படங்களில் நிறங்களில் (tone) மிகுந்த கவனம் செலுத்துபவராய் இருக்கிறார். இந்த படத்தின் இசை, கை ரிட்சி/குவென்டின் படங்கள் மாதிரியான இசை. இவரின் அடுத்தப்படமான 127 Hours எப்படியிருக்கும் என்று பார்க்கலாம்.
.
கொசுறு தகவல் : இந்த படத்தில் நூறுக்கும் அதிகமான முறை fuck என்ற வார்த்தை பயன்படுத்தப்பட்டிருக்கிறது. :)
http://en.wikipedia.org/wiki/List_of_films_that_most_frequently_use_the_word_%22fuck%22
.
Trainspotting (1996) - மிகை போதை.. :)
.

TRAINSPOTTING TRAILER - 18+ or 21+ (Dont watch this trailer in office, especially)

27.10.2010

Doug Jones - வேடதாரி

2010-10-10T23:40:00.011+05:30

Star wars, Alien, MIB, போன்ற Sci-Fi/வேற்றுகிரகவாசிகள் நிறைந்த படங்கள்; LOTR, Harry potter, Narnia போன்ற மாய உலக படங்கள்; பேய் படங்கள், myth படங்களிலெல்லாம் விதவிதமான கற்பனை உயிரினங்கள், மனிதர்கள், பேய்கள், வேற்றுகிரகவாசிகள் வருவதை பார்த்திருப்போம். அந்த உயிரிகளாக வேடம் கட்டியவர்களை பற்றி நான் யோசித்து இருக்கிறேனே தவிர, அவர்கள் யார் என்பதை நான் தேடிப் பார்த்ததே இல்லை. ஆனால் சமீபத்திய Pan's Labyrinth பதிவுக்காகப் படத்தை இரண்டாம் முறையாகப் பார்த்தபின் அந்த வேடமணிந்தவர் யார் என்று தேடிப் பார்க்கவைத்தது படம். குறிப்பாக குழந்தைகளை உண்ணும் Thin Pale Yellow Man கதாபாத்திரத்தின் உடல்மொழி. Doug Jones. இந்த கலைஞன் தான் அந்த வேடதாரி.

(Pans Labyrinth படத்தின் உருவாக்கம் பற்றிய ஒரு அருமையான சுட்டி. படிக்கத் தவறாதீர்..)

DOUG JONES
Official Site
Wiki
IMDB

இவர் ஒரு contortionist. (அதாவது ஒரு சின்ன கண்ணாடி பெட்டியில் முழு உடலையும் அடக்கி கொள்வார்களே). என்பதனால் உடலை எந்த மாதிரியும் வளைத்து ஒரு அசாத்திய உடல்மொழியை அந்த கதாபாத்திரங்களுக்கு கொண்டு வந்துவிடுகிறார். குறிப்பாக இயக்குனர் Guillermo del Toro படங்களில் (Mimic, Hell Boy, Hell Boy II Golden Army, Pan's Labyrinth) மிக முக்கியமானக் கலைஞனாக இருக்கிறார். அவரின் அடுத்துவரும் படங்களிலும். மேலும் ஒரே படத்தில் ஒன்றுக்கு மேற்பட்ட உயிரினமாக (:)) வரும்போது ஒவ்வொன்றுக்கும் ஒவ்வொருவிதமான உடல்மொழி, பாவனைகள் கொண்டுவந்து பிரம்மிப்பூட்டுகிறார். நிச்சயம் மிகுந்த கடினமான ஒன்று இவரின் உழைப்பு. பலமணி நேரங்கள் உடலில் போடப்படும் மேக்கப், பயிற்சிகள். சில கதாப்பாத்திரங்கள் மிகுந்த உயரமான ஒன்றாக இருக்கும் (Faun). சிலவற்றுக்கு கண்ணோ மூக்கோ இருக்காது. மேக்கப்போடு சின்னச்சின்ன கருவிகளை உடலில் பொறுத்த வேண்டியிருக்கும். Faun கதாபாத்திரத்தின் இயல்பான உடல்மொழிக்காக காதுகளை அசைக்கவும் இமைகளை மூடி திறக்கவும் ஒரு கருவி தலையில் பொருத்திக்கொண்டு அதோடு மேக்கப். இவ்வாறாக இயக்குனரின் கற்பனை வளர வளர இவரின் உழைப்பு பன்மடங்காக நேரிடும்.

Pan's Labyrinth படம் பார்த்திராவிட்டால், இந்த காட்சியை பார்க்கவும். pale man உடல்மொழி செமையா இருக்கும். (பயந்தா நான் பொறுப்பல்ல.) இந்த காட்சிதான் Doug Jones-ஐ தேட வைத்தது.

இவரின் பேட்டியொன்று. (Youtube-ல் இன்னும் நிறைய பேட்டிகள் இருக்கின்றன.) இந்த வீடியோவை நிச்சயம் பார்த்துடுங்க. அப்போதுதான் இவரின் உழைப்பை புரிந்துக்கொள்ளமுடியும். இந்த வகையிலான படைப்புருவாக்கம் பற்றியும் அறிந்து கொள்ளமுடியும்.

மேலும் Guillermo del Toro-தான் LOTR, VanHelsing தொடர்ச்சிகளை எடுக்கபோகிறார் என்று செய்திகள் வருவதால் இவரிடமிருந்து இன்னும் எதிர்பார்க்கலாம். இதுவரையிலான இவரின் வேடங்களில் சில உங்கள் பார்வைக்கு.

Faun in Pan's Labyrinth

Pale Yellow Man in Pan's Labyrinth

Silver Surfer in Fantastic 4

Ice Cream Man in Legion

Pale man

Silver Surfer

Makeup

Chamberlain in Hell boy II

Abe Sapien in Hell Boy

Angel of Death in Hell Boy

Faun

in Time Machine Movie

Pale Man

.

மேலும் இவரைபோல் இன்னும் சில கலைஞர்கள் இருக்கிறார்கள். Ron Perlman (HellBoy ஆக வருபவர்), John Alexander (Johann Krauss, Bethmoora Goblin ஆக வருபவர்), Brian Steele (Predator, T-600, wink, Sammael ஆக வருபவர்).

Wink

Sammael and Hellboy

Hellboy

.
10.10.2010
100th Post :)

The Secret in Their Eyes (2009) [Spanish: El Secreto de Sus Ojos]

2010-09-29T20:34:00.008+05:30

.
IMDB RATING : 8.3/10
.
Best Foreign Language Film ஆஸ்கர் விருதினை பெற்றபடம். இது ஒரு Argentina-Spanish திரைப்படம். Eduardo Sacheri-ன் நாவலை La Pregunta de Sus Ojos (The Question in Their Eyes) அடிப்படையாக கொண்டு இப்படத்தை இயக்கியிருப்பவர் Juan José Campanella. இத்திரைப்படம் ஒரு Crime Drama.
.
1999. இருபது வருட பணிக்கு பிறகு (Federal Justice Agent) தன் ஓய்வுக்காலத்தில் ஒரு நாவல் எழுத முயற்சிக்கிறார் நாயகன். முதல் நினைவாக அவருக்கு வருவது 1974-ல், ஒரு இளம்பெண்ணை வன்புணர்ந்து கொலை செய்தவனை கண்டுபிடிக்க போராடிய சம்பவம். அதே காலக்கட்டத்தில் இவருக்கு மேலதிகாரியாக வந்து சேர்ந்த பெண்ணின் மீதான காதல், ஆனால் அதை இன்று வரை சொன்னதில்லை. இதற்கிடையில் தன் நாவல் சம்பந்தமாக தனது முன்னாள் நண்பர்களை சந்திக்கிறார், அந்த உயர் அதிகாரி பெண் உட்பட. இப்படியாக படம் 1994-க்கும் 1974-க்கும் இடையில் நினைவுகளாக Flashback-ல் கதை சொல்லப்படுகிறது.
.

கதையின் மையம் ஐந்து மனிதர்களையும், இரண்டு காதலையும் சுற்றிசுற்றியே சுழல்கிறது. இவர், இவரின் பெண் மேலதிரிகாரி, இவருடன் பணிபுரியும் நண்பர், கொலை செய்யப்பட்ட பெண்ணின் கணவர், கொலை செய்தவன். இவருக்கும் அந்த மேலதிரிகாரிக்குமான சொல்லாத காதல், கொலை செய்யப்பட்ட பெண்ணுக்கும் அவரின் கணவனுக்குமான காதல் இரண்டும்தான் மைய அச்சு. இந்த காலக்கட்டத்தில் இவர் கொலைகாரனை தேடுவதில் பட்ட சிரமங்கள், இரண்டு அப்பாவிகளை வைத்து அந்த வழக்கை முடித்துவைக்க நினைக்கும் நீதித்துறையின் ஊழல், கொலைகாரனுக்கு தண்டனை கிடைத்தே ஆகவேண்டும் என்று நினைக்கும் அந்த பெண்ணின் கணவன், இவருடன் பணிபுரியும் தினமும் குடிக்கும் நண்பன், அவரின் கதாப்பாத்திரம், என இறந்தகாலத்திற்க்கும் நிகழுக்கும் இடையில் பயணித்துக்கொண்டேஇருக்கிறது. கொலைகாரனை கண்டுபிடிக்க முடிந்ததா, கொலைகாரனுக்கு தண்டனை கிடைத்ததா, தன் காதலை இவர் வெளிப்படுத்தினாரா என்பது மீதிக்கதை.
.

இரண்டுமணி நேர திரைப்படம். கொஞ்சம் மெதுவாக நகர்வதை போலிருந்தாலும் இடையில் நிறுத்த முடியாத அளவுக்கு படத்தில் Grip இருந்தது. மேலும் படம் மிக யதார்த்தமாகவும் இருந்தது. ஒரு இலத்தீன் பழமொழி ஒன்று உண்டு. memories are better than dreams. இந்த கருத்தும் இதன் எதிர் கருத்தும் படத்தின் கடைசியில் நான் உணர்ந்தேன். வாழ்க்கையின் கடைசிக்காலங்களில் "அடடா இதை செய்யாமல் அல்லது சொல்லாமல் போனோமே" என்று வருத்தபடுவதை விட, அல்லது "இதை செய்துவிட்டோமே, சொல்லிவிட்டோமே" என்று வருத்தப்படுவதை விட, எப்படித்தான் இந்த வாழ்க்கையை வாழ்வது? இந்த வாழ்க்கையை ஒன்றுமில்லாமல் வாழ்ந்துவிட்டோமே என்று வருந்தாமல் வாழ்வது எப்படி?
.
மிக கச்சிதமான திரைக்கதை, இயக்கம், ஒளிப்பதிவு, பின்னணி இசை. ஒரு நல்ல திரைப்படம்.
.
The Secret in Their Eyes - பேசாமல் விடப்பட்டவனின் துயரம்; சொல்லாமல் விட்டவனின் துயரம்.

29.09.2010
.

Pan's Labyrinth (2006) [Spanish: El laberinto del fauno]

2010-09-27T23:15:00.012+05:30

IMDB RATING : 8.4/10 :: Top 250: #70
.
இந்த தளம் ஆரம்பித்த காலத்திலிருந்து நான் எழுத நினைத்த படமிது. Blade, Mimic, Hell Boy ஆகிய திரைப்படங்களை இயக்கிய Mexican இயக்குனர் Guillermo del Toro இயக்கத்தில் 2006-ல் வெளிவந்த Mexican-Spanish திரைப்படமிது. Best Art Direction, Best Cinematography, Best Makeup பிரிவுகளில் ஆஸ்கர்களை வென்ற திரைப்படம். மேலும் நிறைய விருதுகளையும் பெற்றிருக்கிறது.
.
இந்த திரைப்படம் ஒரு Weird fiction திரைப்படம் என்று வகைப்படுத்தலாம். படத்தின் கதை கிட்டத்தட்ட Alice in Wonderland மாதிரிதான். (ஆனால் கொஞ்சம் பெரியவர்களுக்கானது. குழந்தைகள் பயப்படக்கூடும்.) மேலும் படத்தின் பெயர் Pan's Labyrinth என்று அல்ல Faun's Labyrinth என்றே மொழிபெயர்த்திருக்கவேண்டும். ஏனென்றால் படத்தில் வரும் மரஉயிரி பெயர் Faun.
.

நிஜ உலகையும் மாய உலகத்தையும் ஒன்றிணைத்து புனையப்பட்ட கதையிது. பூமிக்கு அடியில் இருக்கும் ஒரு மாயுலகம். அங்கிருந்து வெளியேறி மண்ணுக்கு மேல் வரும் அவ்வுலகின் இளவரசி வெளிச்சம் காரணமாக அனைத்தையும் மறந்து இறந்தும் விடுகிறாள். அவள் மீண்டும் பிறந்து மாயுலகத்துக்கு திரும்புவாள் என்று நம்பி அவள் தந்தை பூமி முழுக்க நிறைய வழிகளை செய்து வைத்திருக்கிறார்.

1944. ஸ்பானிய உள்நாட்டு போருக்கு பின்பான காலகட்டத்தில் போராளிகளை வேட்டையாடிக்கொண்டிருக்கும் ஒரு தளபதி, தன் கர்ப்பிணி மனைவியை தான் வசிக்கும் காட்டுப்பகுதிக்கு (முழுமையாய் விடுதலை அடைந்த ஒன்றிணைந்த ஸ்பெயின்) அழைத்துக்கொள்கிறார். மனைவியின் மகளான, சிறுமி ஒபிலியா, (அவளுக்கு fairy tales மிகவும் பிடிக்கும்) அக்காட்டுபகுதியில் வித்தியாசத்தை உணர்கிறாள். பூச்சியொன்று இவள்தான் அந்த இளவரசி என்றும் கண்டுகொள்கிறது. அந்த பூச்சி வழிகாட்ட ஒரு புதிர்பாதைவழி Faun-யொன்றின் அறிமுகம் கிடைத்து அவளுக்கு மூன்று கடமைகள் வழங்கப்படுகின்றன. அந்த மூன்று கடமைகளை பவுர்ணமிக்குள் முடித்து அவள் தன் மாய உலகத்திற்கு திரும்பவேண்டும்.

அதே வேளையில் கர்ப்பிணியாய் இருக்கும் தன் தாயின் உடல்நலம் நலிவடைந்து கொண்டேபோகிறது. தளபதியின் கொடுங்கோல் வெறியாட்டம், போராளிகள், தளபதியின் கீழ் வேலை செய்யும் ஒற்றி (ஒற்றனின் பெண்பால்!!), மருத்துவர் என நிஜ உலகத்திற்கும் (நிஜ உலகில் நடக்கும் சம்பவங்கள் கிட்டத்தட்ட உண்மையானவையே) மாயுலகத்திற்க்குமான அலைவுகளில் நீந்துகிறது திரைப்படம். படத்தின் இறுதியில் அச்சிறுமியின் Hallucination-தான் அந்த மாய உலகமோ என்று எனக்கொரு சந்தேகமே வந்தாலும் நம்மைச்சுற்றி ஒரு மாயுலகம் நாமறியாமல் இயங்குகிறதோ என்றும் சந்தேகத்தை அளித்தது.
.

மேலும் இத்திரைப்படத்தின் இன்னொரு கதை. போர்க்காலம். போர் நிகழும் நிலம். போராளிகளுக்கும், பாசிஸ்ட் தளபதிக்கும் மற்றும் போர்வீரர்களுக்குமான பதட்டமான சூழ்நிலையில் மாயஉலகு கதைநிகழ்கிறது. படத்தின் மிகசிறப்பான விஷயங்கள் கதை நிகழும் இடம், காலம், மாய உலகின் உயிர்கள் மற்றும் புறத்தோற்றம். குறிப்பாய் Faun, உணவருந்தும் மேசையில் அமர்ந்திருக்கும் குழந்தைகளை கொன்று உண்ணும் உயிரி எல்லாம் அற்புதம். திரைப்படத்தின் Making and Make Up இரண்டுமே மிக அருமை. திரைப்படம் என்னும் காட்சி ஊடகம் மூலமாக எவ்வளவுதூரம் பயணிக்கமுடியும் என்பதற்கு இத்திரைப்படம் உதாரணம். கூடவே மிகச் சிறப்பான பின்னணி இசை, ஒளிப்பதிவு.
.
Pan's Labyrinth - இந்த திரைப்படம் போர் சூழலையும், மாய உலகையும் ஒன்றிணைத்து பயணிக்கிறது. மிக அழகான திரைப்படம். இப்பதிவை படிப்பதைவிட இத்திரைப்படத்தை பார்த்தால்தான் அது புலப்படும். A Beautiful Cinema Experience..
.

IMDB LINK
My Rating : *****
27.09.2010

Fantastic Mr. Fox (2009) - இருத்தலை நிரூபித்தல்

2010-09-22T07:45:00.007+05:30

IMDB RATING : 8.0/10
.
Roald Dahl என்பவர் 1970-ல் எழுதிய குழந்தைகள் நாவலான Fantastic Mr Fox -ஐ திரைப்படமாக்கியிருக்கிறார்கள். இது ஒரு Stop-Motion அனிமேஷன் திரைப்படம். புறவயமாய், தொடர்ச்சியான செயல்களை பொருளொன்றின் (object) மீது செலுத்தி, படம்பிடித்து, தொடர்ச்சியாய் அப்படத்தை ஓடவிடும்போது பொருள் தானாகவே அச்செயலை செய்ததை போல் உண்டாக்கப்படும் மாயை Stop-Motion அனிமேஷன். அதுவே களிமண் பொம்மை மூலம் செய்யும்போது அது Claymation அனிமேஷன். ஏற்கனவே Mary & Max திரைப்படம் பற்றி எழுதுகையில் Claymation அனிமேஷன் பற்றி எழுதிருந்தேன். அதை ஒரு முறை படித்துவிட்டு இந்தப் பதிவை தொடருங்கள்.
.

ஒரு நரி (Mr.Fox) அதன் குடும்பம். நண்பர்கள், உறவினர்கள், அக்கம்பக்கத்துக்காரர்கள் என வாழ்கிறது. கோழிகளையும் வாத்துக்களையும் திருடி உண்ணும் பழக்கம் கொண்ட நரி, ஒரு சமயத்தில் திருட்டை விட்டு வாழ்கிறது, மனைவி குழந்தைக்காக. இருந்தாலும் நரி, நரிதானே. தந்திரமான வனவிலங்கு "நரி" என்பது அதன் இயல்பு. (ஒரு மத்தியவயதுடைய "நடுத்தரவர்க்க குடும்பத்தலைவன்" என்பதன் அடைப்படையில் உருவாக்கப்பட்ட கதாப்பாத்திர படைப்பு இந்த நரியினுடையது). ஒரு மரத்தில் அமைந்த நல்லவீடு, கடைசிக்காலம் முழுமைக்கும் நல்ல உணவு என்பதற்காக ஆசைப்படும் நரி. யார் என்ன சொன்னாலும் தன் கருத்தையே செயல்படுத்தும் நரி. இவர்கள் குடிபோகும் மரவீடு பக்கத்தில் இருக்கும் மூன்று கொடூரமான விவசாயிகள். விலங்குகள் ஏதேனும் அட்டகாசம் செய்தால் துப்பாக்கியால் வேட்டையாடி, உடலைப்பதப்படுத்தி வீட்டில் மாட்டும் கொடூர விவசாயிகள். இந்த மூன்று விவசாயிகளின் வாத்துக்கள், கோழிகளை திருடி வாழமுயற்சிக்கும் புத்திசாலி நரி, உதவும் அவர் நண்பன். மொத்தப்படமும் இந்த நரியின் (நரி சார்ந்த குடும்பம், சமூகம்) Survival-க்கான முயற்சிகள்தான்.

.
நகைச்சுவையான Stop-Motion அனிமேஷன் திரைப்படம். யார் பேச்சையும் கேட்காத நரி, திருடுவதற்கு நரி போடும் திட்டங்கள். நரியிடமிருந்து தங்கள் உடமைகளையும், நரியை கொள்ள முயற்சிக்கும் கொடூர விவசாயிகளின் திட்டங்களும், ஒரு சராசரி நடுத்தர வர்க்க குடும்பத்தின் Survival போராட்டம் என விறுவிறுப்பான நகைச்சுவையான திரைப்படம். படம் பார்க்க துவங்கினால் இடையில் நிறுத்தக்கூட முடியாது. Quentin படம் மாதிரி இடையிடையில் text slide போட்டு கதை சொல்லும் உத்தியும் பிடித்திருந்தது. குழந்தைகள் நாவல், அதை அனிமேஷன் படமாக்கியிருக்கிறார்கள் என்றாலும், எப்போதும் எல்லாராலும் "Fantastic" Mr.Fox என்றே அழைக்கப்பட விரும்பும் நரியினது survival போராட்டம் என்பது நடுத்தரவர்க்க குடும்பக்கதை என்றும் சொல்லலாம்..
.
மேலும் சின்னச்சின்ன விஷயங்களில் அசத்தியிருந்தார்கள். குறிப்பாக ஓநாய் Phobia கொண்ட இந்த நரி, ஒரு ஓநாயை பார்க்கும் காட்சியினை சொல்லலாம். கண்களில் நீர் நிறைவது பின் உள்ளிழுத்து கொள்வது, அக்காட்சியின் பின்னணி இசை என ரொம்ப பிடித்திருந்தது அந்தக்காட்சி. மேலும் அந்த பண்ணை விவசாயிகளை KFC,Mc D போன்றவர்களாய் நிச்சயம் கருதலாம். உணவை தன் கைக்குள் வைத்திருக்கும் பெரும் உணவுதொழிற்சாலையை நடத்துபவர்கள் மற்றும் உணவுக்காக போராடும் சாதாரண மனிதர்கள் என்றும் புரிந்துகொள்ளலாம்.
.
Mr.Fox குரல் கொடுத்திருப்பவர் George Clooney. ரொம்பவே நல்லா இருந்தது அந்த குரல் நரிக்கு. படத்தை பொறுத்தவரை நல்ல விமர்சனங்களை பெற்ற போதும் வசூல் ரீதியாக பெரும் வெற்றிபெறாத படமிது. ஒரு அனிமேஷன் திரைப்படத்திற்கு சற்றும் குறைவில்லாமல் இந்த Stop-Motion அனிமேஷன் திரைப்படத்தை உருவாக்கிய திரைப்படக்குழுவிற்கு பாராட்டுக்கள்.
.
Fantastic Mr.Fox - நரி வாழ்க்கை :) சும்மா ஜாலியா பாருங்க..
.

IMDB LINK

My Rating : ****

22.09.2010

இயக்குனர் Kim Ji-Woon ; A tale of two sisters (2003) ; A Bittersweet life (2005)

2010-09-15T02:19:00.002+05:30

Choyonghan kajok (1998), The Foul King (2000), 3 Extremes II (2002) ஆகிய படங்களை இயக்கிய இயக்குனர் Kim Ji-Woon-க்கு வணிகரீதியாக பெரும் வெற்றிபெற்று மேலும் உலகளாவிய அறிமுகத்தையும் பெற்றுதந்த படங்கள், இந்த இருதிரைப்படங்கள். மிக நேர்த்தியான ஸ்டைலான இயக்கம் இவருடையது.
.

A Tale of Two Sisters (2003)

ORIGINAL TITLE : 장화, 홍련 (aka) Janghwa, Hongryeon

IMDB RATING : 7.5/10

இந்த படம் ஒரு Psychological Horror..
.
தன் இரு பெண்களையும் வீட்டிற்கு அழைத்து வருகிறார் தந்தை. தாய்க்கு உடல்நலக்குறைவு ஏற்பட்டபோது செவிலியாக வந்தவள் இப்போது சித்தியாகிவிட்டாள், தாயின் மறைவிற்கு பின். சித்தியின் கொடுமை, குறிப்பாக இளைய பெண் மீது. தட்டிகேட்காத தந்தை. அக்காவினால் தன் தங்கையை காப்பாற்றமுடிந்ததா என்பது மீதிக்கதை. (நம்ம ஊர் கதை மாதிரி இருக்குதேன்னு யோசிக்கறீங்களா.. அவங்களும் அப்பா, அம்மா என்று தானே பெற்றோரை அழைக்கிறார்கள்..)
.
95% படம் ஒரு அழகான நதிக்கரை அருகில் இருக்கும் ஒரு தனித்த வீட்டில் மட்டுமே நிகழ்கிறது. நான்கே கதாப்பாத்திரங்கள், கூடவே ஒரு பேய். Horror படம் என்பதால் படம் முழுக்க இருட்டு, திடீர் முகங்கள், பின்னணி இசை என்பதெல்லாம் இப்படத்தில் இல்லை. மேலும் படம் முழுக்க முழுக்க அவ்வீட்டின் அந்த நான்கு பேரின் மனம் சார்ந்தே போய்க்கொண்டிருக்கும் வேளையில், ஒரு ட்விஸ்ட். எனக்கு பெரிதாக அந்த ட்விஸ்ட் ஈர்க்கவில்லை என்றாலும் (ஏனென்றால் அந்த மாதிரி ட்விஸ்ட் கொண்ட சில படங்கள் ஏற்கனவே பார்த்திருப்பதால்), அதன் பின்பான காட்சிகள், சம்பவங்கள் மிக சிறப்பான இயக்கத்துக்கு சான்று.
.
செய்யமுடியாமல் போன ஒன்றின் குற்றஉணர்ச்சியிலிருந்து விடுபட முனைகிற இளமனத்தின் போராட்டம் இந்த படம். அவ்ளோ நேர்த்தியான இயக்கம், கேமரா கோணங்கள், இதையெல்லாம் விஞ்சும் மிக அருமையான பின்னணி இசை. வணிகரீதியில் மிகப்பெரும் வெற்றிபெற்ற திரைப்படமிது.
.
தென்கொரிய படங்கள் எப்போதும் ஹாலிவுட்டுக்கு சவாலாய் இருப்பவை. அவர்களின் திரைப்படங்களின் நேர்த்தியை கண்டு வியந்து ஹாலிவுட்டில் மீண்டும் ரீமேக்கி கொண்டாலும் அந்த தரம் வருவதேயில்லை. My Sassy Girl படம் மாதிரி இந்த படத்தையும் ஹாலிவுட்டில் ரீமேக்கினார்கள் The Uninvited (2009) என்ற பெயரில்.
.
.

A Bittersweet Life (2005)

ORIGINAL TITLE : 달콤한인생 (aka) Dalkomhan insaeng

IMDB RATING : 7.8/10

இந்த திரைப்படம் ஒரு Action Crime Thriller.
.
தென்கொரிய திரைப்படங்களில் பழிவாங்கல் மிக சிறப்பாக கையாளப்பட்டிருக்கும் (நன்றி: அய்யனார்). இந்த படமும் அதேதான். ஒரு மிகப்பெரிய தாதா (தாத்தா) மாதிரியான முதலாளியின் நம்பிக்கையான வேலைக்காரன். அவர் மூன்று நாட்கள் வெளிநாடு செல்லும் முன்பு தன் இளவயது காதலியை பார்த்துக்கொள்ளும் பொறுப்பை இவனிடம் ஒப்படைக்கிறார், அந்த இளம் காதலி மீது இவருக்கு சந்தேகம் இருப்பதால். அந்த பெண்ணை பார்த்துக்கொள்ளும் போது இவனுக்குள் ஒரு சின்ன சலனம். அதன் மிகமுக்கிய காரணம், அந்த பெண்ணும் அவள் இசையும். அவளின் இசையில் அவன் மிகுந்த மகிழ்ச்சியை தனக்குள் உணர்கிறான். என்பதனால் அந்த பெண்ணின் காதலை, தன் முதலாளியிடம் மறைக்க முயல, அதை கண்டுகொண்ட அவர் இவனை கொல்லமுயற்சிக்க, தப்பிக்கும் இவன், அவரை பழிவாங்குவதல் மீதிப்படம்.
.
இவனை துன்புறுத்தி கொல்ல முயற்சிப்பது, அவன் அங்கிருந்து தப்பிக்க முயலும் ஒரு ஐந்து நிமிட தொடர் சண்டைக்காட்சி (Oldboy திரைப்படத்தில் அந்த கிடைமட்ட சண்டைகாட்சி எனக்கு ஏனோ ஞாபகம் வந்தது), அந்த பெண் இசைக்கும் இரண்டு காட்சிகள், கடைசி சண்டைகாட்சிகள் எல்லாம் அழகான இயக்கத்தின் உச்சம். கொரிய திரைப்படமென்பதால் சண்டைகாட்சிகள் ரத்தமும் சதையுமாகவே இருக்கும், பிடிக்காதவர்கள் தவிர்க்கலாம். ஆனால் படம் பார்க்க துவங்கினால் இடையில் நிறுத்த முடியாது, அந்த அளவுக்கு நேர்த்தியான திரைக்கதை. படத்தின் இசையை பற்றி என்ன சொல்ல. இந்த இணைத்திருக்கும் வீடியோவை ஒரு முறை பார்க்கவும். (இவ்வளவு அழகான பெண்ணுக்காக, அந்த இசைக்காக, நிச்சயம் நூறு பேரை கொல்லத்தகும் :) #படம் பார்த்த எபக்ட்)
.
A Bittersweet life - Music scene

இலைகள் அசைகிறதா.. காற்று இலைகளை அசைக்கிறதா.. மனம்தான் அசைகிறது.. அதுதான் இந்த நாயகனுக்கும் நேர்ந்தது.
.

மிக அற்புதமான நேர்த்தியோடு இயக்கப்பட்ட திரைப்படங்கள் இவ்விரண்டும். நிச்சயம் பாருங்க. சமீபத்தில் இவரின் அடுத்த படமான I Saw the Devil (2010) வெளிவந்திருக்கிறது. கூடியவிரைவில் பார்க்கவேண்டும்.
.
15.09.2010

புதிய அட்டகாசமான எந்திரன் ட்ரைலர்கள்

2010-09-11T16:46:00.010+05:30

.
.

செப்டெம்பர் 24 முதல் எந்திரன்...

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
11.09.2010

பாஸ் (எ) பாஸ்கரன் - திரைவிமர்சனம்

2010-09-11T05:27:00.003+05:30

ஒரு இரண்டரை மணி நேர பொழுதுபோக்கு சினிமாவிற்கு கதை, ஒளிப்பதிவு, படத்தொகுப்பு, பாடல்கள், இசை எதுவும் முக்கியமில்லை. இரண்டரை மணி நேரம் விடாமல் சிரிக்கவைக்கும் காட்சிகள் கொண்ட நல்ல திரைக்கதை மட்டும் போதும் என்று முடிவுகட்டி இறங்கி விளையாடி இருக்கிறார் ராஜேஷ். My Sassy Girl திரைப்படத்தின் கதையை உல்டா அடித்து, தனது முதல் திரைப்படமாக சிவா மனசுல சக்தி தந்த ராஜேஷ், இந்த படத்திற்கு கதையே வேண்டாம். சண்டைகாட்சிகள் வேண்டாம். திரைப்படத்திற்கு வருபவர்களை சிரிக்க வைத்ததால் மட்டும் போதும் என்று அடித்து ஆடியிருக்கிறார். ஆர்யா தன் சொந்த தயாரிப்பில் தயாரித்ததை, உதயநிதி ஸ்டாலின் வாங்கி வெளியிட்டிருக்கிறார்.

.
ஆர்யா, நிறைய அரியர்கள் வைத்திருக்கும், வேலைவெட்டியில்லாத, இளைஞன். அவரின் நண்பன் சந்தானம், சலூன் கடை வைத்திருப்பவர். ஆர்யா பார்த்ததும் காதல் கொள்கிற நயன்தாரா. ஆர்யா மற்றும் நயனின் குடும்பம். முதல் பாதி முழுதும் ஆர்யா சந்தானத்தின் லூட்டி, கூடவே நயன்தாராவை impress செய்ய முயற்சிக்கும் ஆர்யாவின் முயற்சி என்றே போகிறது. இரண்டாம் பாதி வேலை வெட்டியில்லாத ஆர்யாவும் சந்தானமும், ஒரு டுட்டோரியல் கல்லூரி அமைத்து, வாழ்க்கையில் முன்னேறுவது என்று போகிறது.
.
படத்தின் நாயகன் ஆர்யா என்று நிச்சயம் சொல்லகூடாது. சொல்லவும் முடியாது. ஆர்யாவும் சந்தானமும் தான் நாயகர்கள். சந்தானத்தின் ஒவ்வொரு வார்த்தைக்கும் தியேட்டர் வெடித்து சிரிக்கிறது. மேலும் ஆர்யாவை படத்தின் மொத்த கதாபாத்திரங்களுக்கும் கலாய்த்து தள்ளுகிறது. சிவா மனசுல சக்தி திரைப்படத்தில் ஆர்யா சிறப்பு தோற்றத்தில் வந்த மாதிரி, இந்த படத்தில் ஜீவா வருகிறார், கடைசி பத்து நிமிடங்களுக்கு. அந்த பத்து நிமிடமும் அதகளத்தின் உச்ச கட்டம். படத்தில் ஒரே ஒரு செண்டிமெண்ட் காட்சியோ அல்லது சண்டைக்காட்சியோ கிடையவே கிடையாது. வெறும் சிரிக்கவைக்கும் காட்சிகள் மட்டுமே. ஆர்யாவும் சந்தானமும் "நன்பேண்டா" என்று சொல்லும்போதெல்லாம் சிரிப்புமழைதான்.
.
இப்போதைக்கு இளைய நாயர்களுக்கு சந்தானம் நிச்சயமாக வேண்டிய ஆள். அவர் இல்லாமல் படம் எடுக்க யோசிக்கவேண்டிவரும். சந்தானம் இல்லாமல் இந்த படம் ரொம்பகஷ்டம். மற்ற கதாபாத்திரங்களில் நடித்திருக்கும் ஆர்யா, நயன்தாரா, ஆர்யாவின் மற்றும் நயனின் குடும்பம் எல்லாருமே சிரிக்கவைக்கிறார்கள். நல்ல கதாப்பாத்திர தேர்வு. ஏற்கனவே மேலே சொன்னபடி, இந்த படத்தின் எந்த டெக்னீஷியன் பற்றியும் யோசிக்க முடியவில்லை. இயக்குனர் ராஜேஷ், இந்த படத்தின் கதாபாத்திரங்கள் பற்றி மட்டுமே பேசவேண்டியிருக்கிறது. அந்த அளவுக்கு சிரிக்கவைத்து மற்றவற்றை மறக்கவைக்கிரார்கள்.
.
பாஸ் (எ) பாஸ்கரன் - நிச்சயம் பாருங்க. சிரிங்க. சிரிங்க. சிரிசிகிட்டே இருங்க.
.

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
04.09.2010

பலே பாண்டியா - திரை விமர்சனம்..

2010-09-04T19:14:00.004+05:30

"வெண்ணிலா கபடிக்குழு" விஷ்ணு, பியா, சன் ஆப் கன் (அவர் பேரு என்ன??), ஜெயப்பிரகாஷ், விவேக் என பலர் நடித்து வந்திருக்கும் திரைப்படம் பலே பாண்டியா. நாயகன் விஷ்ணு, பிறந்தது முதலே ஒரு துரதிர்ஷ்டசாலி. இவரின் கண்பட்டாலே அனைத்தும் தோல்வியில் முடியும். (இந்த மாதிரி துரதிர்ஷ்டசாலி நாயகன் கதைகளை எத்தனை தடவை பார்ப்பது!!). இவரின் தற்கொலை முயற்சிகள் உட்பட. என்பதனால் ஒரு மிகப்பெரிய தாதாவிடம் தன்னைக் கொல்லுமாறுக் கேட்டுக்கொள்ள, அவரும் ஒரு தேதியை முடிவுசெய்துவிட்டு இவனிடம் வாழ்க்கையை அனுபவித்துக் கொள்ள சொல்கிறார், அந்த குறிப்பிட்ட தேதிவரை, கையில் காசும் கொடுத்து. பின் நாயகன் - நாயகி சந்திப்பு, காதல், பாடல்கள் என்று நகைச்சுவைத்தனமாக போக முதல் பாதி முடிகிறது.
.

நாயகன் விஷ்ணு. அவரை சுற்றிதான் மொத்த படமும். நாயகி பியா - அழகு அழகு. சன் ஆப் கன், ஜெயப் பிரகாஷ் போன்றவர்களுக்கும் பெரியவேளை எல்லாம் இல்லை. படத்தில் தனி ட்ராக் நகைச்சுவையாக லண்டனிலிருந்து சென்னைக்கு முதல் முறையாக வரும் விவேக். (கிட்டத்தட்ட ரன் மாதிரி). சென்னையின் குறைகளை நகைச்சுவையாக கருத்து சொல்ல முயல்கிறார். ஆனால் போரடிக்குது. :)
.
விளம்பர படங்களை இயக்கிக்கொண்டிருந்தவராம், சித்தார்த் சந்திரசேகர். அவரின் முதல் வெள்ளித்திரை இயக்கம் பலே பாண்டியா. படத்தின் ட்ரைலரை பார்த்ததும் ஒரு காமிக்கல் காமெடி படமாக இருக்கும் என்று நம்பி போனேன். கிட்டத்தட்ட முதல்பாதி அப்படித்தான் போனது. இரண்டாம் பாதிதான் பாவம், ரொம்பவே சொதப்புகிறது. கொலைகள், கடத்தல், மந்திரிகள், தாதாக்கள், கூலிப்படை கொலைகாரன், துரத்தல்கள் என எப்படியோ எப்படியோ போய் சுபமாகிறது. குறிப்பாக நாயகியை நடுஇரவில் கடத்திக்கொண்டு போகும் போது, நாயகன் சத்தங்களை வைத்தே வண்டியை ஓடி ஓடியே துரத்துவது, யப்ப்பாஆஆஆஆஆ முடியல. ஆனால் படம் நெடுக்க ஆங்காங்கே சிரிக்க முடிந்தது என்பதையும் சொல்லியாகவேண்டும். குறிப்பாக நாயகன், தாதாவிடம் தன்னை கொலை செய்ய சொல்லி உரையாடும் காட்சியொன்றில்.. "எத்தனையோ கொலை காசுக்கு பண்றீங்க, ஒரு கொலை ப்ரீயா பண்ணமாட்டீங்களா" என்பதையெல்லாம் மிகச் சாதாரணமாக சொல்வது போன்றவை.
.
இயக்குனர், ஒளிப்பதிவாளர், படத்தொகுப்பாளர், இசையமைப்பாளர் எல்லாரும் சேர்ந்து ஒரு கலர்புல்லான படம் எடுக்க முயன்றிருக்கின்றனர். இரண்டாம் பாதியை விறுவிறுப்பாக செய்திருந்தால் படம் நன்றாக இருந்திருக்கும். இல்லை முழுநீள நகைச்சுவை திரைப்படம் என்று முடிவுகட்டி அடித்திருந்தால் இன்னும் நன்றாக இருந்திருக்கும். முதல் பாதி நகைச்சுவை, இரண்டாம் பாதி த்ரில்லர், என்பது மாதிரி முயற்சி செய்து, இரண்டாம் பாதியில் ரொம்பவே சொதப்பியிருக்கிறார்கள். குறிப்பாக படத்தின் மொத்த நீளத்தையும் இன்னும் கொஞ்சம் குறைத்திருந்திருக்கலாம்.
.
முதல் பாதி - ஓகே (என்று சொல்லலாம்)
இரண்டாம் பாதி - சொதப்பல்.
.

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
04.09.2010