திரைத்துணுக்குகள் 01.09.10; Death at a Funeral (2007) (2010)

.
கதைத்தளம் Vs கதை

பலபேர் தங்கள் பதிவிலோ அல்லது பின்னூட்டங்களிலோ அன்பே சிவம், Planes Trains and Automobiles படத்தை காப்பியடித்தது. ஆய்த எழுத்து, Amores Perros படத்தை காப்பியடித்தது. விருமாண்டி, Rashomon படத்தை காப்பியடித்தது என்று போகிற போக்கில் குற்றம் சொல்வதை படிக்கும் போதெல்லாம் எனக்கு ஆச்சர்யமாக இருக்கும்.

ஏனென்றால் அவ்வை ஷண்முகி, Mrs. Doubtfire படத்தை காப்பியடித்தது என்று சொன்னாலோ அல்லது லாடம், Lucky Number Slevin படத்தை காப்பியடித்தது என்று சொன்னாலோ, பச்சைக்கிளி முத்துசரம், Derailed படத்தை காப்பியடித்தது என்று சொன்னாலோ, சிவா மனசுல சக்தி கொஞ்சம் மாற்றங்களோடு My Sassy Girl படத்தை காப்பியடித்தது என்று சொன்னாலோ, அது நியாமான குற்றசாட்டு.

ஆனால் Flashback, Non Linear, Reverese chronological மாதிரி, "மாற்றுக் கருத்து கொண்ட இருவரின் சிக்கலான பயணம்", "ஒரு புள்ளியில் மோதிச்சிதறும் மூன்று கதைகள்", "ஒவ்வொருவரின் பார்வையிலும் ஒவ்வொரு மாதிரியாக தோற்றமளிக்கும் கதை" என்பதெல்லாம் வெறும் தளம்தானே. அந்த தளத்தின் மீது தங்கள் கதைகளை கட்டமைக்கும் இயக்குனரை "காப்பியடிக்கிறான்" என்று குற்றம் சொல்வது சரியாக வராது என்பது என் எண்ணம்.

நான் மகான் அல்ல - திரைவிமர்சனம்

'வெண்ணிலா கபடிக்குழு' படத்தை இயக்கிய சுசீந்திரனின் இரண்டாவது படம். ரஜினி திரைப்பட பெயரை வைத்திருப்பது ஒரு எதிர்பார்ப்பை கிளறிவிட மட்டுமே அன்றி, படத்துக்கும் தலைப்புக்கும் என்னப்பா சம்பந்தம். நாயகன் பழிவாங்குவதினால் அப்படியொரு தலைப்போ?? தற்போது மூன்றாவதாக, 'அழகர்சாமியின் குதிரை' சிறுகதையை திரைப்படமாக இயக்கி கொண்டிருக்கிறார்.
.
கிழக்கு கடற்கரை சாலையில் ஓராமாக ஒதுங்கும் காதலர்களை, மடக்கி ஆணை அடித்துப்போட்டுவிட்டு பெண்ணை கவர்வதை செய்யும் ஐந்தாறு கல்லூரி படிக்கும் இளைஞர்களோடு துவங்குகிறது படம். ஒரு ஜாலியான வேலையில்லாத இளைஞன் கார்த்தி. அமைதியான நடுத்தரக்குடும்பம். கூட நான்கு நண்பர்கள். தன் தோழியின் திருமணத்தில் பார்க்கும் பெண்ணை (காஜல்) காதலிக்க துவங்குகிறார். படபடவென, லூசுத்தனமான காதல்.

பாணா காத்தாடி - திரைவிமர்சனம்

நடிகர் முரளியின் மகன் அதர்வா நாயகனாக அறிமுகமாயிருக்கும்தான் பாணா காத்தாடி. தெலுங்கு விண்ணைத்தாண்டி வருவாயா படத்தின் நாயகி சமந்தா, தமிழில் நாயகியாய் நடித்து வரும் முதல் திரைப்படம். யுவனின் இசையில் மூன்று பாடல்கள் (தாக்குதே, பைத்தியம் பிடிக்குது, என் நெஞ்சில்) எனக்கு பிடித்தமானவை. இந்த படத்தின் மீது எனக்கு பெரிதாக எவ்வித எதிர்பார்ப்புமில்லை. சமந்தாவுக்காக மட்டுமே சென்றேன்.
.

திரைத்துணுக்குகள் 06.08.2010

எந்திரன் பாடல்கள்

ரஜினி திரைப்படத்திலோ அல்லது ஷங்கர் திரைப்படத்திலோ அல்லது ரஜினி+ஷங்கர் திரைப்படத்திலோ, நிச்சயம் ரஹ்மானிடமிருந்து விண்ணைத்தாண்டி வருவாயா பாடல்களை போன்ற பாடல்களை நிச்சயம் நான் எதிர்பார்க்கவில்லை. மேலும் எந்திரன் போன்ற Sci-Fi ; Action ; Adventure திரைப்படத்தில் அடித்து கிளப்பும் பீட்கள் நிறைந்த பாடல்களைதான் எதிர்பார்த்தேன். எந்திரன் பாடல்கள் அப்படிதான் அமைந்திருக்கிறது. பாடல்கள் எனக்கு பிடித்திருக்கிறது. (ஹெட்செட்டில் மட்டும் கேட்கவும்) எந்திரன் ஆடியோ விற்பனை பட்டையை கிளப்புவதாக கேள்வி.

இப்போதைய பிடித்தமான வரிசை :

இரும்பில் ஒரு இதயம் (Kash N Krissy குரல் பின்னிஎடுக்கிறது)
கிளிமஞ்சாரோ (சின்மயி..ம்ம்ம்ம்..)
பூம் பூம் ரோபோ
காதல் அணுக்கள்
அரிமா
புதிய மனிதா
சிட்டி சிட்டி ரோபோ

ரஹ்மான் இசையில் சமீபத்தில் வெளியான, S.J.சூர்யா இயக்கத்தில், பவன் கல்யான் நடிப்பில், வரப்போகும் "கொமாரம் புலி" பாடல்களை கேட்டீர்களா?? :)

எந்திரன் ட்ரைலர்கள் - Endhiran Trailers First on Net

நேற்று நடந்த பாடல் வெளியீட்டில் இருந்து வந்திருக்கின்றன போலும். Youtube-ல் இருக்கின்றன அனைத்தும்..

ரஜினிக்கு மட்டும் ஏன் வயசே ஆகமாட்டேன் என்கிறது?? இன்னும் மனிதர் இளமையாவே இருக்காரே? இவருக்கு அறுபது வயதென்றால் யார் நம்புவார்கள்?

பின்னணி இசை பின்னுகிறது. ரஹ்மான் பிரிச்சி மேய்வார் என்பது சர்வநிச்சயமாய் தெரிகிறது.

Endhiran Rocks.. :)