திரைத்துணுக்குகள் 01.09.10; Death at a Funeral (2007) (2010)

.
கதைத்தளம் Vs கதை

பலபேர் தங்கள் பதிவிலோ அல்லது பின்னூட்டங்களிலோ அன்பே சிவம், Planes Trains and Automobiles படத்தை காப்பியடித்தது. ஆய்த எழுத்து, Amores Perros படத்தை காப்பியடித்தது. விருமாண்டி, Rashomon படத்தை காப்பியடித்தது என்று போகிற போக்கில் குற்றம் சொல்வதை படிக்கும் போதெல்லாம் எனக்கு ஆச்சர்யமாக இருக்கும்.

ஏனென்றால் அவ்வை ஷண்முகி, Mrs. Doubtfire படத்தை காப்பியடித்தது என்று சொன்னாலோ அல்லது லாடம், Lucky Number Slevin படத்தை காப்பியடித்தது என்று சொன்னாலோ, பச்சைக்கிளி முத்துசரம், Derailed படத்தை காப்பியடித்தது என்று சொன்னாலோ, சிவா மனசுல சக்தி கொஞ்சம் மாற்றங்களோடு My Sassy Girl படத்தை காப்பியடித்தது என்று சொன்னாலோ, அது நியாமான குற்றசாட்டு.

ஆனால் Flashback, Non Linear, Reverese chronological மாதிரி, "மாற்றுக் கருத்து கொண்ட இருவரின் சிக்கலான பயணம்", "ஒரு புள்ளியில் மோதிச்சிதறும் மூன்று கதைகள்", "ஒவ்வொருவரின் பார்வையிலும் ஒவ்வொரு மாதிரியாக தோற்றமளிக்கும் கதை" என்பதெல்லாம் வெறும் தளம்தானே. அந்த தளத்தின் மீது தங்கள் கதைகளை கட்டமைக்கும் இயக்குனரை "காப்பியடிக்கிறான்" என்று குற்றம் சொல்வது சரியாக வராது என்பது என் எண்ணம்.

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●
சமீபத்தில் கவர்ந்த ட்ரைலர்

ஸ்லம்டாக் மில்லியனர் கூட்டணியின் அடுத்த படைப்பு. Danny Boyle + A.R.ரஹ்மானின் படைப்பு. 127 Hours.




புஷ்கர் - காயத்ரி இயக்கிய ஆட்டோ (ஓரம் போ) படத்தின் ட்ரைலரும் படமும் எனக்கு மிக மிக பிடித்திருந்தது. அவர்களின் இரண்டாம் படம், வ (குவாட்டர் கட்டிங்). இதோ ட்ரைலர். பாருங்க. அசத்தறாங்க.. i lov dis couple..



●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●
சமீபத்திய பாடல்கள்

லீலை படத்தில் இசையமைப்பாளாராக அறிமுகமான சதீஷ் சக்கரவர்த்தியின் இரண்டாம் படம் கனிமொழி. (லீலை இன்னும் வெளியாகவில்லை என்பது வேறு விஷயம்..) லீலை படத்தின் பாடல்கள் எனக்கு பிடித்திருந்தன. "சில்லொன்று ஒரு கலவரம்" பாடல்தான் என் ரிங்டோன். என்பதனால் கனிமொழி மீது எதிர்பார்ப்பு இருந்தது. இந்த திரையிசையில் ஒரு பாடலை தவிர மற்றவை நல்லா தான் இருக்கு. (ரொம்ப நல்லா இருக்குன்னு சொல்லல. ஓகே. நல்லாஇருக்கு)

யாரோ இவள் இவள் யாரோ பாடல், துள்ளல்..
Singers : Mukesh, Belashende
Lyricist: Na. Muthukumar

இன்னும் தேவன் ஏகாம்பரத்தின் பலே பாண்டியா, யுவனின் பாஸ் என்கிற பாஸ்கரன், ஹரிஹரனின் சிக்கு புக்கு இன்னும் கேட்கவே ஆரம்பிக்கல.. கேட்கணும்.. வ (குவாட்டர் கட்டிங்) திரைப்படத்தின் பாடலுக்காக வெயிட்டிங்.. இன்று பாடல் வெளியீடு..
●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●
இந்த வாரயிறுதியில் பார்க்க நினைக்கும் திரைப்படம்

இந்த வாரம் வெளியாகவிருக்கும் பலே பாண்டியா திரைப்படத்தை பார்க்கலாமென்று இருக்கிறேன். நகைச்சுவையாய் இருக்கும்ன்னு நம்பறேன். பார்ப்போம். :)
●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

Death at a Funeral (2007)
IMDB Rating : 7.3/10

Dirty Rotten Scoundrels, What About Bob, In and Out, Bowfinger, The Score முதலிய படங்களை இயக்கிய  Frank Oz இயக்கத்தில் 2007-ல் வெளிவந்த பிரிட்டிஷ் நகைச்சுவை திரைப்படம் Death at a Funeral.

ஒரு வீட்டின் தந்தை இறந்து போகிறார். இறந்தவருக்கு இறுதியஞ்சலி மரியாதையை செலுத்த குடும்பத்தார், நண்பர்கள், உற்றார் உறவினர் அனைவரும் ஒன்று சேருகின்றனர். இவர்கள் அனைவரும் ஒவ்வொருவிதம். மேலும் இறந்தவரை பற்றிய ஒரு அதிர்ச்சியான ரகசியம் ஒன்று மகன்களுக்கு வந்து சேர்கிறது. இந்த மொத்த கூத்தும் தான் படம். நல்ல நகைச்சுவை திரைப்படம். (இதை சில பேர் sick movie என்று கூட சொல்லலாம்). இருந்தாலும் படம் நிதர்சனத்தை தான் பேசுகிறது. மொத்த படத்தையும் கிட்டத்தட்ட ஒரே வீட்டில் படம்பிடித்திருக்கிறார்கள்.

ஒவ்வொரு கதாப்பாத்திரமும் ஒவ்வொரு குணாதிசியம். இவர்களின் பையனும் அவன் மனைவியும் புதிதாக ஒரு வீடு வாங்கும் முனைப்பில் இருக்கிறார்கள். இன்னொரு பையன் அமெரிக்காவில் புகழ்பெற்ற எழுத்தாளன். வீட்டுக்காக ஐந்து பவுண்டுக்கூட தராதவன். குடும்ப நண்பர் ஒருவர். கோபக்காரர். அவரின் பெண் வேறு ஒருவனை காதலிக்கிறார். அந்த காதலன் மீது அப்படியொரு கோபம் அவருக்கு. அவரின் மற்றொரு பையன் ஒரு chemist. வீட்டிலேயே அதிக சக்தியுள்ள போதை மருந்துகளை நண்பர்களுக்காக தயாரிக்கிறவன். குடும்ப நண்பரின் பெண்ணை ஒரு தலையாய் காதலிக்கும் ஒரு தறுதலை. சக்கர நாற்காலி முதியவர். இன்னும் சிலர். நண்பர்கள், உறவினர்கள் என்று.

Death at a Funeral - நல்ல கருப்பு நகைச்சுவை திரைப்படம்.

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

Death at a Funeral (2010)

IMDB LINK

மேற்சொன்ன பிரிட்டிஷ் திரைப்படத்தின் அமெரிக்க ரீமேக் சமீபத்தில் வெளியானது. என்ன கொடும சரவணன்!! பெரும்பாலும் ஹாலிவுட்டில் ரீமேக்கப்படும் திரைப்படங்கள் மொக்கையாகத்தான் ஆகும். இந்த படமும் விதிவிலக்கல்ல. ஒருவேளை பிரிட்டிஷ் திரைப்படத்தை பார்க்காமல் இருந்திருந்தால் இந்த படம் பிடித்திருக்குமோ என்னவோ. அப்படியே காப்பியடித்திருக்கிறார்கள், வசனங்கள் உட்பட.

மேலும் பிரிட்டிஷ் திரைப்படத்தில் அனைவரும் வெள்ளையர்கள். இந்த படத்தில் அத்தனை பேரும் கருப்பர்கள். இந்த மாற்றத்திற்கு பின்னால் ஏதேனும் நிற அரசியல் இருக்கிறதோ என்னவோ. அல்லது இவர்கள்தான் பிரிட்டிஷ் படத்தின் உரிமையை வாங்கி ரீமேக் செய்தார்களா அல்லது ரீமேக்கில் வித்தியாசம் காட்டவோ என்பது தெரியவில்லை. Tracy Morgan, Martin Lawrence, Chris Rock பலர் நடித்து வந்திருக்கும் திரைப்படம்.
.

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
01.09.2010