தில்லாலங்கடி - The Sorcerer's Apprentice [2010] - திரைவிமர்சனம்

தெலுங்கில் கடந்த வருடம் வெற்றிகரமாக ஓடிய ரவி தேஜாவின் "கிக்" திரைப்படத்தை ரீமேக்கியிருக்கிறார்கள். எனக்கு "ஜெயம் ராஜா" ரீமேக்கும் படங்கள் என்றாலே கொஞ்சம் ஒவ்வாமை. படத்தில் எல்லாருமே குவாட்டர் ரம் அடிச்ச மாதிரி ஓவர் எனர்ஜிடிக்கா இருப்பாங்க. மேலும் படம் முழுக்க குத்தாட்டம் போட்டு விட்டு, கடைசி காட்சிகளில் நீதி சொல்வது எல்லாம் கடுப்படிக்கிற அழுதப்பழசு விஷயங்கள். இருந்தாலும் தமன்னா-க்காக சென்றேன். :) வழமை போலவே இப்படத்திலும் ஜெயம் ரவி, தமன்னா, ஷ்யாம், பிரபு, சுகாசினி, லிவிங்க்ஸ்டன், சத்யன், சந்தானம், வடிவேலு, மயில்சாமி, கஞ்சாகருப்பு (ஏன் விவேக்கை மட்டும் விட்டுட்டீங்க) ராதாரவி, மன்சூர் அலிகான், தியாகு, நளினி, மனோபாலா, இன்னும்ம்ம் பெயர் தெரியாத ஏகப்பட்ட நடிகர்கள். யப்பா சாமி.. மொத்த தமிழ் திரையுலக நடிகர்களையும் வெச்சி ஒரு படம். (அப்படியே விஜயகாந்த், சரத்குமார், கமல், ரஜினி கூட்டிட்டு வந்திருந்தா, நடிகர் சங்க நிதி வசூல் செய்திருக்கலாம்).

.
இந்த படத்தில் எத்தனை முறை கிக் என்ற வார்த்தை பயன்படுத்த பட்டிருக்கிறது என்பதை கணக்கெடுத்து சொன்னால், உங்களை கின்னஸுக்கு என் சொந்த செலவில் பரிந்துரை செய்கிறேன். ஒரு கோடி முறை அவ்வார்த்தை பயன்படுத்தப்பட்டிருக்கலாம். ங்கொய்யால திருப்பி திருப்பி எல்லா கதாப்பாத்திரமும் "கிக்", "கிக்", "கிக்கோ கிக்" என்று சொல்லி கடுப்பேத்தறாங்க யுவர் ஆனர். மேலும் தமன்னா "ங்கொய்யால", "புலாசுளாகி" போன்ற வார்த்தைகளை அசால்ட்டாக பயன்படுத்தி நம்மை கவர்கிறார். மேலும் குட்டி குட்டி உடைகளில், தமன்னா ராக்ஸ்.. :)))))
.
படத்தின் மிக பெரிய பிரச்சனையே ஜெயம் ரவிதான். அவருக்கு சற்றும் ஒத்து வராத கதாப்பாத்திரம். கத்தி கத்தி சாவடிக்கிறார். மேலும் பின்னணி இசை தமன் போல. தியேட்டர் பிரச்சனையா அல்லது படத்திலா என்று தெரியவில்லை. எல்லா காட்சிகளிலும் (சத்தியமா எல்லா காட்சிகளிலும்) பின்னணியில் நான்கு தோட்டா வெடிக்கும் சத்தங்கள். ஆனால் யுவனின் இசையில் ஓரிரு பாடல்கள் நல்லா இருக்கு. குறிப்பாக "சுசீலா" குரலில் வரும் "சொல் பேச்சு கேட்காத சுந்தரி". மேலும் மிகப்பெரிய கொள்ளைக்காரன் ஜெயம் ரவி (சிறார்களுக்கு உதவும் ராபின் ஹூட்), கொள்ளையடிக்கிற திட்டங்கள், உத்திகள், செயல்திறன்கள் யப்பா யப்பா.. இனிமேல் எவனாவது ஹாலிவுட்டில் robbery படம் எடுக்கட்டும். ங்கொய்யால. மேலும் இந்த ஜெயம் ரவியே இப்படின்னா, அடுத்து ராஜா இயக்கத்தில் எங்கள் இளைய தளபதியின் வேலாயுதத்தை நெனச்சாலே.. அம்மாடி..
.
இதுக்கு மேல எல்லாம் இந்த படத்துக்கு என்னாலே எழுத முடியாது - Family Entertainer படம் பார்க்கனும்ன்னு நெனச்சா போய் பாருங்க. அல்லது தமன்னா-க்காக போங்க. மற்றபடி...
.
The Sorcerer's Apprentice [2010]

IMDB RATING : 6.3 / 10

கடந்த வாரம் டிஸ்னி தயாரிப்பில் வெளிவந்த படம் தான் The Sorcerer's Apprentice. கடந்த வாரம் டிஸ்னி தயாரிப்பில் வெளிவந்த படம் தான் . இந்த வருடம் வந்த Kick Ass திரைப்படத்தில் கொஞ்சம் நல்ல கதாபாத்திரத்தில் வந்த Nicholas Cage-ஐ இந்த படத்தில் நடிக்க வச்சி காமெடி பீசாக்கிட்டாங்க. Monica Belluci கூட இறுதியில் தான் வராங்க..
.
படத்த பத்தி சொல்லவேண்டும் என்றால், படமா இது?? வருடத்துக்கு ஒரு நாலு படம் Lord of the Rings, Narnia, Harry Potter, Greek Myth ஸ்டைலில் எடுக்கவேண்டுமென்று முன்பே முடிவு பண்ணிடுவாங்க போல. அப்படி வந்த படங்கள் தான் Lighting Thief மற்றும் The Sorcerer's Apprentice. ஒரு நல்ல மந்திரவாதி. ஒரு கெட்ட மந்திரவாதி. ஜாடியினுள் அடைபட்டிருக்கும் நாயகி மற்றும் உலகத்தை அழித்துவிடும் கொடூரமான சூன்யக்கார கிழவி. உலகத்தை காப்பாற்ற பிறந்த சிறுவன். சிறுவன், இளைஞன் ஆனதும் அவனுக்கு பயிற்சி தரும் நல்ல மந்திரவாதி (Sorcerer's Apprentice - படத்தோட பேரு வந்துருச்சா). கதை நடப்பதோ 2010-ல், பிசியான நியூ யார்க் தெருக்களில். எப்பூடி..???
.
முடியல. இந்த படத்தை பத்தி எழுதறது எல்லாம் ரொம்ப கடினமான ஒன்று. தயவு செய்து இந்த படத்துக்கு போயிடாதிங்க. பார்த்துராதீங்க.. அவ்ளோ தான் சொல்வேன்..

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
23.07.2010