பிரிட்டிஷ் இயக்குனர் Guy Ritchie - ஒரு பார்வை..

Neo-Noir Crime Drama படங்களில் அதன் narration, narrator, screenplay, style, color, music, இதெல்லாம் மிக முக்கியமான ஒன்று. காட்சியின்பம் தரும் காட்சிகள் மிக முக்கியமானவை. தனது படங்களில் அதை சிறப்பாக செய்யும் இயக்குனர் Guy Ritchie. எனக்கு மிகவும் பிடித்த இயக்குனர்களில் ஒருவர். அவரின் Sherlock Holmes இப்போதுதான் (இரண்டு மாதம் முன்பு; பதிவும் அப்போதே எழுத ஆரம்பித்தது) பார்த்து முடித்தேன். சரி படத்தை பற்றி எழுதலாம் என்று நினைத்தால், இன்னும் இவரின் Lock, Stock and Two Smoking Barrels (1998), Snatch. (2000) பற்றி ஏற்கனவே கொஞ்சமாக எழுதியிருந்தாலும், RocknRolla (2008), Revolver (2005) படங்களை பற்றி இன்னும் எழுதவில்லை என்பது நினைவுக்கு வந்தது. சரி Revolver பற்றி எழுதிவிட்டு பின்பு Sherlock Holmes பற்றி எழுதலாம் என்று இப்பதிவில் Revolver பற்றி எழுதுகிறேன்.
.
முதலில் இயக்குனர் Guy Ritchie பற்றி கொஞ்சம் பேசிவிடுவோம்.



(Guy Ritchie பற்றி தெரியாதவர்கள் இந்த வீடியோவை பார்த்தபின் தொடரவும். இது Snatch படத்தின் பெயர் போடும் காட்சி. Snatch பார்த்தவர்களும் இந்த வீடியோவை பார்க்கலாம் :))



பொதுவாக எல்லாக்கதைகளிலும் இரட்டை எதிர்நிலைகளோடு கதை சுழலும். ஆண்-பெண், நல்லவன்-கெட்டவன், திருடன்-போலிஸ், ஹீரோ-வில்லன், Good-Evil, நல்ல வார்த்தைகள் - கெட்ட வார்த்தைகள் இப்படியாக. ஆனால் Guy Ritchie-ன் கதைகள் அப்படியல்ல. இவரின் கதைகளில் எல்லாருமே கெட்டவர்கள், கெட்ட வார்த்தைகள், பொதுவாக ஆண்கள் இப்படியாக. இப்படி ஒற்றை நிலைகளில் மெதுவாக ஊர்ந்து செல்லும் திரி மீதான நெருப்பு போன்றதொரு கதை, பின்பு இறுதியில் வெடிகுண்டோடு பிணைகையில் அதிவேகமாக வெடித்து சிதறுவதை போல் புனையப்படும் கதைகள் இவருடையது. மேலும் இக்கதைகள் மிக அற்புதமான கதைசொல்லியின் மொழியில் நகர்வது எனக்கு மிகவும் பிடித்தமான ஒன்று. குறிப்பாக இவர் அறிமுகப்படுத்திய Jason Statham-ன் குரல். மேலும் Quentin படங்களை போல் அதிக இறுக்கமில்லாமல் கொஞ்சம் நகைச்சுவையோடும் குறும்போடும் கதை சொல்பவர்.
.
Quentin படங்களில் வரும் புத்திசாலி மனிதர்களாகவோ அல்லது Coen Brothers-ன் black comedy படங்களில் வரும் முட்டாள்தனமான (கடுப்பேற்றும் வகையில் முட்டாள்தனமாக, மொக்கையாக சிரித்துக்கொண்டே இருக்கும் போதே டுமீல்.. டுமீல்.. :)) மனிதர்களாகவோ இல்லாமல் இரண்டும் வகையிலும் இருக்கும் மனிதர்கள் இவரின் கதாபாத்திரங்கள். எல்லாருமே Gangsters, Gamblers, Thieves, Smugglers, Porn Kings, Bookies and etc., இவரின் கதாபாத்திரங்கள், கதாபாத்திரங்களின் பெயர்கள், அவர்களின் மனம், மனோபாவம், பழக்கவழக்கங்கள், பேச்சுக்கள், உரையாடல்கள், மொழிகள் எல்லாமே மிகுந்த சிரத்தையோடு உருவாக்கப்பட்டிருக்கும். (Snatch படத்தில் Brick Top, கொலை செய்வது எப்படி என்று விளக்கும் காட்சி, ஒரு அழகான உதாரணம்).



மேலும் கதாபாத்திரங்களின் தன்மைகேற்ப காட்சிகளின் நிறம் மற்றும் பின்னணி இசை எல்லாம் கொண்டே திரைக்கதை உருவாக்கப்பட்டிருக்கும். லண்டனில் வசிக்கும் வெவ்வேறு நாட்டு, மொழி பின்னணி மாஃபியாக்கள், என்பதனாலேயே இவரின் படங்களுக்கு சப்-டைட்டில்கள் மிகுந்த அவசியமாகின்றன. (Snatch படத்தில் நாடோடி குழுவின் ஒருவரான, Mickey யாக வரும் Brad Pitt-ன் Pikey* ஸ்லாங்கில் பேசும் பேச்சு மொழி). (Note the Dog Vs Rabbit and its Backgroud score in the below video)

* Pikey Slang - WIKI LINK



மேலும் ஐரோப்பிய நில/அரசியல் பின்னணி பற்றி கொஞ்சம் தெரிந்திருந்தால் இன்னும் அதிகமாக இவர் படங்களை ரசிக்க முடியும் என்பது என் கருத்து. ஏனென்றால் அரசியல் மற்றும் நுண்ணரசியல்களை பேச்சுவாக்கில் பேசிவிட்டு போகிறார். கண்டிக்கத்தக்க, பாராட்டவேண்டிய நுண்ணரசியல்களை தடம் காண்பதற்கு பிரிட்டிஷ்/ஐரோப்பிய மனோபாவம் மற்றும் ஐரோப்பிய நில/அரசியல் பற்றிய புரிதல் அவசியம் என்று கருதுகிறேன்.
.
Lock, Stock and Two Smoking Barrels (1998), Snatch. (2000), Swept Away (2002), Revolver (2005), RocknRolla (2008), மற்றும் Sherlock Holmes (2009). இவைதான் இவர் இதுவரை இயக்கியிருக்கும் படங்கள். இதில் Lock, Stock and Two Smoking Barrels (1998), Snatch. (2000) மற்றும் RocknRolla (2008) படங்களை Trilogy என்று கூட சொல்லலாம். மூன்றுமே ஒரு பொதுவான Pattern-ல் இருப்பதால். Lock, Stock-ல் இரண்டு துப்பாக்கிகள், Snatch-ல் வைரம், RocknRolla-வில் நம்மிடம் காட்டப்படாத lucky painting. மேலும் இந்த Revolver படத்திலும் தேடப்படுவது The (Ulitmate) Formula. எனவே Quadrupology என சொல்லலாமா??!!! :)
.
Guy Ritchie, Manoj Night Shyamalaan போன்றவர்களின் மீது வைக்கப்படும் ஒரு குற்றச்சாட்டு, ஒரே மாதிரியான படங்கள் எடுக்கிறார்கள் என்பது. என்னை பொறுத்தவரை சிறப்பாக எடுக்கும் வரை எந்த பிரச்சனையும் இல்லை. (Manoj, lady in the water மற்றும் happening படத்தில் சறுக்கியது போல). சச்சின் பின்னி பெடலெடுக்கும் வரை சச்சின் ஆட்டத்தை ஏன் குறை சொல்ல வேண்டும்?
.
அதீத கெட்டவர்கள் (களவாணி பய சகவாசமா வச்சிருந்தோம்!!), அதீத வன்முறை, அதீத குறும்பு, அதீத நிறம், குணம், திடம் எல்லாம் கலந்த சுவை Guy Ritchie படங்கள். படத்தின் ஒவ்வொரு காட்சியிலும், காட்சியின்பம் பருக, Guy Ritchie படங்களை நிச்சயம் பார்க்கலாம்.
.
இவரின் படங்களில் எது இவரின் Best என்று எனக்குள் கேட்டுப்பார்த்தேன். Lock, Stock அல்லது Snatch என்று பலரும் சொல்லக்கூடும். Revolver என்று சிலர் சொல்லக்கூடும். RocknRolla என்று Guy Ritchie சொல்லக்கூடும். எனக்கு எதுவென்று சொல்லதெரியவில்லை. எல்லாமே இவரின் Best-கள் என்று மனம் சொல்கிறது. இருந்தபோதிலும் Revolver என்ற குதிரை முகத்தை நிமிர்த்தி ஜெயிக்கிறது. மிக சிறப்பான Psychological Thriller Game.
.
பதிவு மிக நீளமாக வளர்ந்துவிட்டது. எனவே Revolver, Sherlock Holmes அடுத்த பதிவில்>>>
.

மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
09.06.2010