Dr. Strangelove or: How I Learned to Stop Worrying and Love the Bomb [1964]

IMDB RATING : 8.7/10

படத்தோட பேரே வித்தியாசமா இருக்குல்ல.. படமும் ஒரு வித்தியாசமான படம்தான்.. 1964-இல் வெளிவந்த Black Comedy வகை படமிது.. அரசியலும் போர் சூழலும் படத்தின் தளம்..

அணுகுண்டு தாக்குதலுக்கான கட்டளையை தன் படைகளுக்கு வழங்கக்கூடிய ஒரே அதிகாரம் படைத்த அமெரிக்க அதிபரையும் மீறி அவசர காலத்தில் அந்த முடிவை எடுத்துக்கொள்ளமுடியும் சட்டத்தை பயன்படுத்தி ஒரு ஜெனரல், தன் 34 போர் விமானங்களுக்கு ரஷியாவின் முக்கிய தளங்கள் மீது அணுகுண்டு வீச கட்டளையிடுகிறார். இப்படியான சூழலோடு துவங்குகிறது இந்த கருப்பு வெள்ளை திரைப்படம். அமெரிக்கா - ரஷ்யா இடையிலான பனிப்போர் காலத்தில், தன் விமானங்களை திரும்ப பெற முடியாமல் தன் அதிகாரிகளோடு பென்டகனில் அதிபர் விவாதிக்கிறார்.. Premier of the Soviet Union உடன் தொலைபேசுகிறார்.. படம் முழுமையும் இந்த விவாதங்களோடும், ஒரு போர் விமானத்தில் நிகழும் நிகழ்வுகளை மட்டுமே கொண்ட இத்திரைப்படம், படத்தின் இறுதிகாட்சியில் அந்த அதிகாரிகளின் கூட்டத்தில் இருக்கும் Dr. Strangelove என்பவரின் பேச்சுக்களோடு ("Mein Führer, I can walk!"), ரஷ்யாவில் ஒரு அணுகுண்டு விழுவதோடு முடிகிறது.

ஹிட்லரையும் அமெரிக்க அதிபரையும் ஒப்பிடுவது இன்றைய தேதிக்கும் ஆப்கான், ஈராக் போர் நடத்திய புஷ் வரை பொருந்துவது, இந்த படத்தை இன்றைக்கும் (45 ஆண்டுகள் பின்பும்) ரசிக்க வைக்கிறது. அமெரிக்க ஜெனரலின் கம்யூனிசம் மீதான அந்த வெறுப்பு, அமெரிக்க அதிபர் மற்றும் அதிகாரிகளின் உரையாடல்கள் எல்லாமே அட்டகாசமாக படமாக்கப்பட்டிருக்கிறது. மேலே இருக்கும் இப்படத்தின் போஸ்டரை கொஞ்சம் நல்லா கவனியுங்க.

உலகத்தின் மிக சிறந்த நகைச்சுவை திரைபடங்களில் நிச்சயம் இடம் கொண்ட இந்த கருப்பு நகைச்சுவை திரைப்படம் மிகவும் சிந்திக்கவும் வைக்கும். படம் முழுதுமான போர் பதற்றம் கொஞ்சம் உறையவும் வைக்கும்.

Dr. Strangelove, President Merkin Muffley மற்றும் Group Captain Lionel Mandrake இந்த மூன்று கதாபாத்திரங்களிலும் நடித்தவர் Peter Sellers.

Wiki Link மற்றும் IMDB Link
My Rating : *****
மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
27.02.2009