21 Grams [2003] - மரணத்திற்கு முன்பும் பின்பும்..

கொஞ்சம் உணர்வுகளால் கட்டப்பட்ட ஒரு திரைப்படமிது. Memento- மாதிரியான துண்டாடப்பட்ட கதைகூறல்கள் மூலமாக மூன்று மனிதர்களின் இறந்தகால, நிகழ்கால நிகழ்வுகளை சொல்லும்படமிது. ஒரு கார் விபத்தில் ஒரு பெண்ணின் கணவனையும் இரண்டு அழகான பெண் குழைந்தைகளையும் இழந்த பெண், அக்கார் விபத்தை தவறுதலாக செய்து விடும் முன்னாள் கிரிமினலாகிய Benicio del Toro மற்றும் அக்கணவனின் இதயத்தை பெற்று இதயமாற்று அறுவை சிகிச்சையில் கொஞ்சம் பிழைத்து கொள்ளும் Sean Penn (ஆஸ்கர் நாயகன்). இப்படியாக தம்மை சாராத அல்லது சார்ந்த ஒரு மரணத்திற்கு பின்பான ஒரு நூலில் இணைக்கப்படும் மூன்று மனிதர்களின் வாழ்வியல் நிகழ்வுகள் கதைக்குள் கதையாக சொல்லபடுகிறது.

இப்படத்தின் பின்னணி இசை பற்றி குறிப்பிடாமல் போக கூடாது. வெகு அருமை. படத்தின் இறுதி காட்சிகளில் பின்னணி குரல் மூலமாக சொல்லப்படும் வார்த்தைகள் வாழ்வின் மீதான அக்கறையை புதுப்பித்து செல்கிறது.
உங்களால் துண்டாடப்பட்ட கதைகூறல், மெதுவான வேகம் கொண்ட, உணர்வுகளால் ஆன ஒரு திரைப்படத்தை இரண்டு மணி நேரம் அமர்ந்து பார்க்கமுடியுமென்றால் நிச்சயம் இத்திரைப்படத்தை பாருங்கள்.

டிஸ்கி : இத்திரைப்படத்தை தழுவியே சர்வம் படம் எடுக்கப்பட்டிருப்பதாக ஒரு உறுதிப்படுத்தபடாத தகவல் ஒன்று உலாவுகிறது.

IMDB Link
My Rating : ****
மறக்காம உங்க கருத்துக்களை எழுதுங்க. தமிழ்மணம், தமிழிஷ் ஓட்டு போடுங்க..
24.02.2009