Social Icons

Featured Posts

Saturday, November 23, 2013

இரண்டாம் உலகம் - திரை விமர்சனம்

நாமிருக்கும் Milkyway Galaxy-ல மட்டும் 400 பில்லியன் நட்சத்திரங்கள் இருக்கு. இந்த மொத்த Observable Universe-ல மட்டும் நூற்றுக்கணக்கான பில்லியன் Galaxies இருக்கு. இதைத் தாண்டியும் இந்த Universe எவ்வளவு தூரம் விரிவடைந்திருக்குன்னு நமக்கு தெரியாது. நம் universe தவிர்த்து, அடுத்தடுத்த Universe/Universes இருக்கிறதா என்றும் நாமறியோம். நாமிருக்கும் பூமியில் கூட கார்பன் மூல உயிரினங்கள் மட்டுமல்லாது மீத்தேன் மூல பாக்டீரியாக்கள் இருக்கு. மில்லியன்கணக்கான விந்தணுக்கள்ல்ல நாம் மட்டுமே பிறந்திருக்கிறோம். இந்த மொத்த சராச்சரத்தின் ஒரே எளிய உண்மை Co-incidences and Possibilities.

இங்க செல்வராகவன் ஒரு சின்ன fantasy possibility சொல்லியிருக்கார். இன்னமும் காதல் மலராத ஒரு வேற்றுலகத்துல, தன் காதலியையொத்த பெண்ணொருத்திக்கு, அதி அற்புதமான காதலையுணர்ந்த பூமியை சார்ந்த ஒருவன் காதல் உணர செய்கிறான், தன் பயணங்களை தொடர்கிறான். ரொம்பவே எளிய காதல் கதைதான். நிச்சயம் உங்களுக்கும் இந்தப்படம் பிடிக்கலாம், if you're not CYNICAL.

இங்கே, புவியில் நடக்கிற காதல் கதை typical செல்வராகவன் கதை. இது உங்களுக்கு நிச்சயம் பிடிக்கும். வேற்றுலக காட்சிகள்தான் நம் மக்கள் சிலருக்கு பிடிக்காமல் போயிருக்கும். லாஜிக்/குறியீடு/க்ராபிக்ஸ் அது இதுன்னு மண்டையை உடைச்சிருப்பாங்க. நான் கொஞ்சமும் எதிர்பார்ப்பின்றி ரொம்பவே மொக்கையாயிருக்கும்ன்னு எண்ணத்தோடு எவ்வித முன்முடிவுகளுமின்றி ஒரு observer-ஆ படம் பார்த்தேன். எனக்கு ரொம்பவே பிடிச்சிருந்தது.

The Fountain படம் மாதிரியெல்லாம் இல்ல. ஆர்யாவோட நடிப்பு வழக்கம்போல கொடுமை. அனுஷ்கா கொஞ்சம் அழகு, நிறைய முதிர்ச்சி. அனிருத் பின்னணியிசை சில இடங்களில் அருமை, சில இடங்களில் ஹாரிஸ் மாதிரி கொடுமை. ராம்ஜியின் ஒளிப்பதிவு அட்டகாசம். நிறைய துணைக்கோள்களை கொண்ட அந்த வேற்றுலகம் உயிர்ப்பு. Game of thrones மாதிரியான பறக்கும் ட்ராகன்கள் க்ராபிக்ஸ் அட்டகாசம். சிங்கம் யாளி, நரி பண்டோரா.

ஆயிரத்தில் ஒருவன் படத்தில் செய்த நிறைய தவறுகளை சரிசெய்து செல்வராகவன் கொடுத்திருக்கும் ஒரு நல்லபடம் இந்த இரண்டாம் உலகம். கொஞ்சம் அன்பும் பொறுமையும் கொண்டு பாருங்கள். உங்களுக்கும் பிடிக்கும் :)

Saturday, September 14, 2013

மூடர் கூடம் - திரை விமர்சனம்

ஒருவரையொருவர் கலாய்ப்பதும் லந்து கொடுப்பதும், நாயகியை லவ்வுவதும், அதற்கு கூடவே சுற்றும் நண்பன் உதவுவதுமாய், இயக்குனர் ராஜேஷ் செதுக்கிய வழியில் வரிசையாக வருகிற படங்களினால் மிகவும் சலிப்புற்றிருக்கிற இவ்வேளையில் மூடர் கூடம் மிகச் சிறப்பானதொரு திரைப்படமாய் வந்திருப்பது நல் ஆறுதல்.

Friday, April 13, 2012

ஒரு கல் ஒரு கண்ணாடி - திரை விமர்சனம்


தமிழ் சினிமா கொஞ்சகாலம் மறந்து போயிருந்த முழுநீள நகைச்சுவைத் திரைப்படங்களுக்கு மீண்டும் உயிரூட்டியவர் இயக்குனர் ராஜேஷ். இவரின் முந்தைய சிவா மனசுல சக்தி, பாஸ் என்கிற பாஸ்கரன் படத்தின் காட்சிகள் தினம் தினம் நகைச்சுவை தொலைக்காட்சிகளில் சிரிக்கவைத்துக்கொண்டிருக்கும் நிலையில் இவரின் மூன்றாவது படமாய் வந்திருப்பது இந்த ஒரு கல் ஒரு கண்ணாடி. ஹாட்ரிக் அதித்திருக்கிறாரா என்றால் ஆம் ஹாட்ரிக்தான். ரகளையான மூன்றாவது படம்.

Saturday, November 26, 2011

மயக்கம் என்ன - திரைவிமர்சனம்


எனக்கு மிகவும் பிடித்தமான இயக்குனர் செல்வராகவனின் 'மயக்கம் என்ன' திரைப்படம் நேற்று வெளியாகியிருக்கிறது. ஆயிரத்தில் ஒருவனுக்கு பிறகு, விக்ரமை வைத்து துவக்கிய படத்தை கைவிட்டு, கமலோடு விஸ்வரூபத்தை துவங்கி கைவிட்டு, தனுஷ் - ஆண்டிரியாவை வைத்து இரண்டாம் உலகம் துவங்கி கைவிட்டு, பின் மிக குறுகிய காலத்தில் இயக்கி முடித்த படம் மயக்கம் என்ன. வழக்கம் போல் கிட்டத்தட்ட இரண்டு வருடங்கள் ஆகிவிட்டது. வருடத்திற்கு ஒரு படமாவது செல்வா தரலாம்.
.
Related Posts Plugin for WordPress, Blogger...
 

Sample text

Looted from Abdulla Bro :)

இரண்டு இலட்சம் ஹிட்ஸ்களையும், 300 ஃபாலோயர்களையும் பெற்றிடத் தட்டுத்தடுமாறி, முட்டிமோதிக் குட்டிக்கரணம் அடித்துக்கொண்டிருக்கும் ஒரு தனிநபர் வலைப்பூவை மேய்ந்து கொண்டிருக்கின்றீர்கள்..
 
s